صندوق تطوير قرية قوز ابوروف

سوف يتم الاسبوع القادم باذن الله وضع حجر الاساس للمركز الصحي الجديد والذي يحتوي علي غر

الشكر اجزله للاخ عبد الرحيم يوسف للمشاركة
و نؤيد و نبارك فكرة الصندوق و نظن انها سوف تلاقى النجاح المنشود و ستحل الكثير من المشاكل المادية و لكن لدى بعض الاقتراحات اتمنى ان تكون متوافقة مع رؤية الاخوان
1-اثنى اقتراح الاخ محمد على بخصوص المبلغ للاسباب التي ذكرها
2-ارجو من الاخ عبد الرحيم يتبنى قيام هذا الصندوق و ذلك بالاتصال بالمهتمين و معرفة رائهم و تنويرنا بما يجري

بالنسبة للنواحي التنظيمية اقترح يتم انتخاب امانة للصندوق مفوضة من قبل المتبرعين لتنفيذ المشاريع المقترحة على ان يتم انتخاب هذه اللجنة في احد الاعياد و على اللجنة ان تقدم رؤيتها لادارة الصندوق و تناقشها مع الاعضاء و تقدم تفصيلا بمنصرفات العام المنصرم عن طريق منشور يوزع على سكان القرية
-و نرجو ان نركز على النواحي التنظيمية و ليس على الاشخاص حتى يتم تدريب اكبر قدر من الشباب على العمل العام المنظم و ضمان الاستمرارية و ان تكون الشفافية موجودة في جمع و صرف المال


و دمتم

الفكره جيده يا ابو ممدوح بس الناس تدرس الموضوع وبعد كده تحدد المطلوب شنو ووفق الله الجميع

بلاشك بالقوز شباب غيور وطموح مهموم بتطوير بلده الكبير والصغير ولكن في راي يحتاج
إلى من يوظف تلك الطاقات والمجهودات في المصلحة العامة ومن على البعد احي السيد
الباشمفتش واقل له شدوا الهمة ونحن من خلفكم وكلنا اذن صاغية وتحت امركم .
ومن هنا ارجو من شباب المنتدى بالداخل والخارج تبني هذا العمل فورا

عووووووووووووووووووووووك
تووووووووووووووووووش
الرائعون حد الروعة
الثاملون في القوز حد الثمالة
انا عندي عدد 50 موظف جاهزين في الخرطوم فقط لدفع مبلغ ال10 ج توما الباقي
ويمكننا تكوين المجموعة ووضع خطة سنوية لتنفيذ اعمالها الموضعة مسبقا

الاستاذ عبد الرحيم يوسف نحيييك دوما وانت كبيرنا وعكاز عمانا
حقيقة المنتدى محتاج لى افكاركم النيرة التى دوما تصب فى مصلحة القرية وتشجعنا على تلك الهمة
لكن نود تواصلكم معنا بشكل دائم فى المنتدى فلك التحية والاحترام
فأحئ فكرة الصندوق الخيرى بشدة
فنحن جاهزون جاهزون

اقتراح موفق جدا من صديقنا محمد على واتمنى ان توزع الادوار فيما بينهم بالطريقة التى تناسب زمنهم ودمتم ذخرا للقوووووووووووووووووووووز

اوافق الاخ محمد علي على مقترحه
ولا تحفظ لدينا على الاسماء
و اليكم خطة تكوين الصندوق كما اراها
1-
تكوين لجنة تسيرية بعضوية الاسماء سالفة الذكر مهمتها وضع لائحة تحكم عمل الصندوق و تسويق الفكرة وحصر العضوية و تسجيلها و جمع معلومات كافية عن الصناديق المماثلة
2- عقد اجتماع في اقرب مناسبة جامعة بحضور العضوية التي تم حصرها وحل اللجنة التسيرية و انتخاب لجنة جديدة بمشاركة الاعضاء
و شكرا

في البداية لا بد لي ان اشكر كل من ساهم وادلي برايه في الاقتراح الذي تقدمت به وقد زاد اعجابي وثقتي بابناء القرية من خلال ارائهم ومقترحاتهم التي تدل علي حبهم للقرية وحتي يتحقق ما نصبو اليه جميعآ اقترح عقد اجتماع عاجل لكل شباب القرية بالخرطوم وحضور ممثلين من القرية والمدن الاخري وتطرح فيه الاراء والافكار ويتم التنفيذ

اقتراح جميل جدا مبدئيا يجب ان نثني على الاقتراح وان نجعل فكرة المكتب التنفيذي اعلاه قيد التنفيذ مع اجراء بعض الاضافات واتخاذ خطوات جاده وملموسه ... وكما ذكر نزار الغرقان انو مشكلتنا في التنفيذ التنفيذ وليس الافكار .
والتحيه للاستاذ عبد الرحيم يوسف ونتمنى ان نزرع لنجني وبأذن الله موفقين .. اما بالنسبة للأشتراكات الخارجيه
فنحنا لها ان شا الله وسنطرح الفكره على كل الشباب الموجودين بالمملكه العربيه السعودية...
وسدد الله الخطى الى مافيه الخير والصلاح

عوووووك
تووووووش
الموضوع دا كان منتصف فبراير
الاتعمل شنو ؟
هل نحن ناس عمليين وللا ناس بتاعين تكريم طلاب كل سنه ؟
جاء من الحله أ ياسر لموضوع الرابطه .. قلنا ليه لا للرابطه نحن عايزين صندوق ( انا . علي. هاشم .ابراهيم) حددنا يوم 15/7 لتكوين جمعيه عمومه . اتصل نزار ب أ عبدالقادر طمم ليه بطنو ف موضوع الصندوق . قال ليه أعملو رابطه ..! شان شي في نفسهم والله أعلم
التاريخ يمشي حثيثا جاء هاشم صديق وهو يحشد لإجتماع أكثر من ال20 لتكوين الرابطه أيضا . وقفنا له بصلابه واقنعنا الحضور بالصندوق .. (نفس المجموعه الاولي ) واعلنا للحضور أن يوم 15/7 هو يوم الجمعيه العموميه .. تخيلوا يوم الخمس 14/7 كان هنالك إجتماع لاعضاء اداره المنتدي الذي ينادي بالصندوق كان إجتماعهم لتكوين لجنه مشتروات الاحتفال بالطلاب المتفوقين بمدارس قوزابوروف المختلفه .. وباكر في خبر كان !!
هس التاريخ فات والموضوع شكلو لو مالقالو وجيع بموت ! إذن ماهو الحل ؟؟ ونلتقي

عووووووووووووووووووووووووووووووووووووووك
تووووووووووووووووووووووووووووووووووووووووووووووووووش
الاخ نزار ذي ماقال خطاب الاستاذ ياسر بقول دايرنكم لاكبر من كدي
وبيني بينك نحن بقنا ناس تحت تحت
ابنعمل الا السهل
لينا سنة سوينا شنو
ومن ما بقين موظفين قدمنا يا علي للقوز شنو؟؟؟؟؟؟؟؟؟
كل واحد بي هموا
كل سنة نعمل تكريم ونقول اهداف المنتدي بس؟؟؟
الحل هو ان نعمل

الاخ نزار اين ردك علي مقترح القائمة ؟

البوست ده غير الاختراحات مافيهو شي
والحال ياهو زاتو الحال اوفي جواي صدي الزكري

عوووووووك
توووووووش
أهو طلعنا بتاعين مخترحات ساي .. ماقلنا ماديرين تعين . بس كان كدي وماقادرين التعين مامرفوض
وانا ف مجموعه نزار معاه

نزار الغرقان كتب:

ووزعت المهام وعلي الامين كان عليه اكبر المهام وللاسف لم نري منه اي شي...وهذه الحقيقه التي لا تريد قولها
وشكرا

علي الامين كان عليه ابسط مهمة وهي توجيه خطابات دعوة لشباب القرية لعمومية الصندوق
و لكننا فشلنا في اقناع عدد بسيط ممن حضروا الاجتماعات التمهيدية بفكرة الصندوق و كانت هناك الكثير من الافكار الخاطئة عن الصندوق و خلط كبير بين اهداف الصندوق و الرابطه و حتى الذين فوضوني بتوجيه الخطابات لم يكونو مجمعين على فكرة الصندوق على سبيل المثال فانت يا اخ نزار تصورك للصندوق اقرب للرابطه
و الاخ هاشم فقيدة يؤيد فكرة الاتصال الشخصي المباشر من دون الدعوة لاجتماع او جمعية عمومية
و الاخ خليل يحمل فكرة واضحة عن الصندوق و مع توجيه دعوة لجمعية عمومية
اما بقية الحضور فقد قضينا اغلب الليل و نحن نلاوي معهم في فكرة الصندوق و تقبلوها و لكن على مضض(في ناس قالو ح يدو الصندوق فرصة 3 شهور لو ما نجح نعمل رابطه)
بصراحة كده انا لم احصل على التفويض الكافي للدعوة لجمعية عمومية لذلك اقتنعت بفكرة الاخ هاشم القائمة على الاستقطاب الشخصي المباشر و من ثم الدعوة لجمعية عمومية
و دمتم

عوووووك
توووووش
هس مافات شي والموضوع دا جد مهم وياالزبير ابدا لو سمحت انت
اتصل علي كل شباب السعوديه خليهم يلتذموا ليك
الاشتراك الشهري ليكم 30 فمافوق من 1/9

ياشباب نعلن انضمامنا لكم ودامت القوز فخورة بجهدكم اللامحدود

عووووك
تووووش
منو البقدر يقول كلمه الحق ف البوست دا؟
ممكن نقيم اعضاء المنتدي من البوست دا ؟

فكره جيده يا ابو ممدوح والله بالجد الموضوع دا محتاج لنفس حار والناس تتحرك وبسرعه كمان وذى ماعارفين اليد الواحده مابتصفق دايرين الناس تمشى لى قدام وياريت الموضوع دا يكون فى العيد عشان نعرف انسان قوز ابوروف الحقيقى . والله الموفق

عوووووووك
وااااااااااااي
يوسف البوست دا 2 واحد كاتبه ابوممدوح بخصوص اختراح الصندوق والتاني كاتبو خطاب بخصوص دستور الصندوق بس للاسف مافيهم حاجه غير الاختراحات وإختراحك دا كان ف عيد رمضان . تخيل حيجي واحد يقول نفس الاختراح بس تاريخو يوم راس السنه .
نحن ناس إخترحات ساي

وين ياخليل ماظاهر مالك انشاء الله المانع خير والله ياخليل كنت بصفح في المنتدي ولقيت الموضوع بتاريخ امبارح وما عايتنت للتاريخ المكتوب فيه الموضوع علي العموم برضو راي لاني خشيت المنتدي قريب .

عوووووك
توووووش
يوسف بجد سوري انا ماقاصد الا إنو نتحرك سريع ولك ماكان بيننا وبابا من السنط

اقتراح جميل جدا جدا وانا بقرا في الموضوع مبسوط للغايه وبقول لسه الدنيا بخير ومندهش فرحان بس للاسف رجعت لقيتو كلام من ليهو سنتين كلام جميل كيف اتشكلت الجمعيه واتبني سور المدارس واتصلحت شبكه المويه والزبير جمع قروش السعوديه دا كلو في البوست دا عشان تشوفو نحن بتاعين نظريات كيف هسي مافات حاجه كلو ممكن يبقي كدي قولو بسم الله وختو الرحمن في قلبقكم كدي انقترح لينا ماليكم نحن في الرابطه عندنا اهداف ومطالب لنا عزيمه في تحقيقها ولم لا يكون الحل هو الاتحاد فنحن بالعزيمه والاصرار وانتم بالخبره والكفاء بالمناسه اتكم عن نفسي وليست نيابه عن الرابطه انشاء الله خطوه خطوه ندفع عجله التنميه ندي دحش خليل بتاع التنميه سوطين بس الناس تتحلي بالصبر شايف الخطوه كانت جاده بس شويه عتره كده الناس فقدت الامل عليكم الله الصبر الصبر والناس تبيض النيه وانشاء الله نسمع كلام طيب
!
!
!
انا تلووووب صغيرا في حجمي كبيرا في عقلي قويا في عزيمتي فدائيا من اجل بلدي

محمد مالك
الاحباط أقوي من الصبر
العذيمه خارت

والاحباط بدايه النجاح ياخليل بس لو في اصرار كلو ببقي

اها يا جماعة كنا واقفين في شنو؟