السلام عليك ياهلال ,,,,,,,,, وين مختفي

مجرد انتهاء مباراة الهلال والصفاقسي التونسي ذهبت الي المنتدي لأري بعض التعليق من الاخوه الاعضاء لم اجد شئ يعبرون عنه , قلت في نفسي لماذا ؟ اهي نتيجه غير مرضيه حقآ ؟ ولماذا لم تعطونه حقه بالنتيجه فلنفترض انها ايجابيه وليست سلبيه اي بمثابة الفوز او فلنعتبرها تعادل لما بذلوه من جهد جبار ولكن هي كورة القدم هكذا !فنسال الله لهم الفوز في اللقاء القادم لياخذوا بثاثرهم بدل 0/1 تكون 0/3 للهلال في (المقبــــــــــــــــــــــــــــــــــــــــــــــــــــــــــــــــــــــــــــــــــــــــــــــــره) كما يقولون من دخلها لن يخرج آمنآ باي اسلوبآ ان كان ..... لماذا ياخ العرب لانها المقبره ..... فالجميع يموتون هنا كما تري فهذه قبور المنتخب الفلاني وهذه وهذه ,,,,,الخ فليس جديد علي الهلال دفن هؤلاء التوانسه في ام درمان وعلي ارضه ومع جمهوره واذا لم يفز الهلال ساعتها تناولته القاورير واكياس التمناك وزجاج البارد من المدرجات ,, لذلك حبيبي الهلالي خش وانت مطمئن لانها فعلا حتكون مباراة جميلة وعنيفه جدآ والفوز لاشك فيه ولما ذكره اعلاه والهلال لايخيب امل جمهوره العريض بعرض خط الاستواء شمالا وجنوبا ,, والا ماااااااااااااات مديره العام والكل يعرفه بالنيييييييييييييم ,, وختامآ ايها الاحباب معا وبصوت عالي ومن قلوبنا بنيه صافيه ندعو الله عز وجل فوز الهلال فهي مباراة تاريخية اذا كنت مريخابي او هلالابي او مستقل من كلاهما هنا الدعوه باذن الله ح تكون مستجابه بناءآ علي النيه الصافيه بفوز الهلال عملاق السودان ونسور افريقيا ليس بالانابه كما سمعت قبل ذلك من بعض الحاقدين علي من ينير كوكبنا من وقت لاخر فانه الهلال ,,, كما غنت له ندي القلعه ,,,, ونتمني ان يوفئ الهلال بالفوز لجمهوره ويتصدر ومن هنا الكأس للسودان اكيـــــــــــــــــــــــــــد وليس للهلال ,,,,, والكل باسم الوطن يشجع الهلال ولا للهلال وانني اعرف ذلك من اعينهم ايها الحاقديييييييييون ,,, وسلام باسم الفوز القادم وبي حلاوته اختم كلماتي هذه ,,,,, ودمتم

النتيجة كويسة لكن بصراحة اسلوب الهلال ما عجبنا
بعدين 1\0 دي نتيجة كويسة للصفاقسي لانو دا دور الاربعة
يعني ممكن ناس الصفاقسي في امدرمان يقفلو و يعتمدو على الهجمات المرتده و اي قوون يجي في الهلال المبارة انتهت
اهم حاجة انك تحرز هدف خارج الديار و هذا لم يحدث

الكورة التونسيه لها تاريخها وتميزها والتاريخ يشهد بذلك والصفاقس واحد من اضلع الكوره التونسيه المميزه التي اتفوقت
عليها مراراً وتكراراً خمسيات ورباعيات وسداسيات وفي اعتقادي 1/0 ليس من السهل تعويضها امام الصفاقس العنيد
ونتمني من الهلال عدم الثقة الزياده واللعب بروح قتاليه امام العنيد الصفاقس مع الاعتبار بانه صاحب الرباعيه التاريخيه
امام البطل السوداني المريخ الذي مثل السودان سابقاً في نفس البطوله التي حملها سابقاً

احييك يا ابو النيز المريخابي علي نبذ التعصب الكروي..وفعلا انت نموذج للمريخاب الفاهميين...وكما يقال الكوره لا تعرف المستحيل..وليس صعبا علي الهلال ان يتفوق علي الصفاقسي فقد عملها من قبل علي فريق القرن الاهلي المصري بثلاثيه..وامام مازمبي في عقر داره بثنائيه..الشي الذي يجعلنا نطمئن علي نتيجه ام درمان

الامور تختلف يا نزار الغرقان
ثلاثية الاهلي كانت في دري المجموعات لذا لم تكن كمية الاهداف مهمة بقدر النقاط
اما مازيمبي فكانت المبارة محسومة بالنسبه له منذ جولة الذهاب لذا لم يكن هناك دافع من اجل الفوز
اما في دور الاربعة و المبارة النهائية اذا ما فزت في بلدك باي نتيجة دون ان تهتز شباكك تكون قد قطعت 70% من المشوار

الدخل المريخاب شنو في الشوون الهلاليه .....لا تتكلمو في من صنع استقلال السودان ولا كيف يا مان ؟؟؟؟؟

و الله يا شباب كل ما المريخ يكون لاعب كورة مع فريق اجنبي
بمشى للكورة و من لك قلبي اتمنى ان يفوز المريخ و لكن اول المريخ يجي فيهو قوون اقول ما مشكلة الجماعة ديل بعادلو و لمن التاني برضو ما في مشكلة
لمن اجي التالت الضحك بشرطني و بظهر على حقيقتي الهلالابية
تذكر يا يوسف مباراة الوحدات هاجرنا ليها هجرة و كنا بتقول المريخ بظبطهم
لكن و ما انا بدأت الاهداف تترى في شباك المريخ بدأنا نحس بالمتعة الحقيقية

ياشباب نكون واضحين مافي هلالابي بيتمنى تقدم المريخ و لا مريخابي بيتمنى الفوز للهلال

ياشاب 1/0 نتيجه حلوه يسهل تعويضها فى المقبره والكتيبه الزرقاء قادره على ذلك

تحياتى للكل

تعبير جميل من الاخوه الهلالاب بالتفاول الزائد ولكني اعتبره شبطه بقلم رصاص رفيع السنه حتي يسهل سمحه يوم اللقاء القادم
بالمقبره كما يدعوووووووووووون ,, ومن القلب ياعلي الامين اتمني فوز الهلال ليس لانه هلال بل لانه يمثل السودان وهذا ليس تحيزآ للمــــــــــــــــــــــــريخ ولكن ,,,,,,,,,,! للثقـــــــــــــــــــــــــه الذائده عن اللزوووووووووم ....
ودعاكم اللـــــــــــــــــــــــه اللقاء القادم بالمقبره ,,,,,,,,,,,

ربنا يوفق الهلال دائماً وابدً انا في راي اسم المغبرة غريب حارقني شويه ما عشان مريخابي بس اسماء كل الانديه العربيه والعالميه تختلف كثير مثلاً المريخ القلعة الحمراء الرجاء البيضاوي (محمد الخامس) الصفاقسي (محمد المهيري) الفتح الرباطي (الفتح) الترجي التونسي (رادس) مانشستريوناتيد(اولد ترافورد) ارسنال (الامارات ستاديوم )تشيلسي (ستامفورد بريدج ) ليفربول (انفيــــــــــلــــــــــد) بولتون (ريبــــــــــــــوك) ستون فيلا (فيلا بارك ) نيوكاسل (سان جيمس بارك)
برشلونة (كامب نوو ) ريال مدريد (سانتياجو برنابيو ) أيوجد مقبرة ؟؟؟؟؟؟؟؟؟؟؟؟
(والله من وراء القصد)

اخونا نزار
الاسماء التي ذكرتها هي اسماء رسمية
استاد الهلال اصلا اسمه ملعب طلعت فريد و هو من الشخصيات الوطنية التي لعبت للهلال و ساهمت في تاسيسه

شكراً اخونا علي الامين علي المعلومة اللواء طلعت فريد والوزير السابق تميز وزيراً ولاعباً من الشخصيات الدعمت الكورة السودانية واستاهل يسمي علية (لكن المقبرة دي رايك فيها شنو؟؟؟)(أكناية لصعوبة الهلال ؟؟؟؟)
ا

هااااااى شاب انا عن نفسى اسم المقبره ده عاجبني شديد ههههههههه

بالله عليك يا الزبير بية
انا مفتكركم صفوة كجمهور الصفوة اي سوال(هههههههههههههههههه)

» المريخ السوداني ,,, والتألق
» اغار عليك
» بسأل عليك لما السؤال يصبح سفر,,,,,
» بالله عليك رد علية ولو بحرف يكفي,,,,ولك الود
» حبه عليه السلام لفاطمة