مؤسسات قوز أبوروف

و الله الخدمات في القريه جد رديئه
لكن نقول شنو
الفشفاش كتير علي ام الفضل

يا استاذ نزار سلام عليك
طريقة ردك على تمام بصراحة ما انا شايف انها ما منطقيه بعض الشئ لانك اذا جيت للمؤسسات الخدمية الفي القوز دي كلها من جهد مواطن المنطقه فقط فيد المؤتمر الوطني فيها ضيئله جدا... يعني شنو تعمل لي فصل في مدرسه او تجيب لي اجهزة حاسوب........وانا لامن كنت طالب المؤتمر الوطني تصدق لينا بمليوني جنيه وفي الاسبوع الثقافي بسته ملايين و..........ز ولكن لم نطال منها ولا تعريفه الي الان؟

انا بس يابشمهندس شايفك مدحتهم و د/ بابكر بصوره ما طبيعيه.......انا بقول ليك الكلام ده وانا شخصيا ما ح ادي صوتي لغير المؤتمر الوطني لاسباب اراها منطقية بالنسبه لي.
ارجع لموضوع ردك على تمام : في الفقرات ماقبل الاخيرة تحدثت عن عضوية المنتدى (وده الاهم) وماادراك ما عضوية المنتدى بصوره عجييييييييييييييييبه ......انت باعتبارك من كبار مؤسسي هذا المنتدى يعني وضعك الطبيعي يقتضي التشجيع والتحفيز وليس ال...........؟

الاخوة الشباب اولاد الخاله والخالات والجدة والحبوبات والعمات والاخوال والاعمام السلام عليكم وحمة الله تعالي وبركاته ،،،؟

وبعد: التحية لكم جميعا بمختلف الون طيفكم السياسي ....؟ ولكم العتبى حتى الرضا واسفين علي الا نقطاعة التي دامت قليلا ....
لكن علي العموم انا متابع كل ما بذلتموه من جهود جباره تجاه هذه القرية الوديعه الحالمة انا شخصيا اشيد يهذه الجهود واتمنى لها المضى قدما ونحو الامام ..

لكن الشي الملاحظ ان في روح تحزبية متعصبة.. وهذا شي طبيعي وومن حق كل فرد بس الشي الغير طبيعي هي مفروض علينا هنا .... بمعنى ان في اشياء او مشاريع خدمية في القرية قامت بمجهودات فردية من المواطنين . يعني اعفوا هذه لا تنسب للمؤتمر الوطني. هذه تعتبر مصلحه شخصي اخي (نزار )و..............؟؟؟والشي الاهم من هو بابكر محمد توم ومن هو المؤتمر الوطني و بماذا خدم القوز (علي بلاط) ولنا لقاء تحياتي ،،،،،،،،،،،،،،،،،،،،،،،،،،،،،،،،،،،،،،،،،،،،،،،،[b][b]

شوقى يوسف كتب:

الاخوة الشباب اولاد الخاله والخالات والجدة والحبوبات والعمات والاخوال والاعمام السلام عليكم وحمة الله تعالي وبركاته ،،،؟
[b][b]

مرحب بي عودتك اخي شوقي و ماتطول الغيبه

نزار الغرقان كتب:

فعلا كتير الفشفاش علي ام الفضل.....إذا كان انا مؤجر في الخرطوم وبدفع رسوم مياه شهريه 26جنيه وقسما بالله بستحم في الجامع والدش أسبوع ما بجيب مويه فما بالك بقريه القوز؟؟؟؟ حقو تشرب من البحر مقارنه بالوضع في الخرطوم!!!!!

نزار والله العظيم خليك انت في الخرطوم والله العظيم وقسما بالله انا في السعودية سويتها استحميت في الجامع كذا مره ( مبالغه مش ) للك التحية والتجلى اخي ,,,,,,,,,,,,,,,,,,,,,,,,,,

علي الامين كتب:

هل جامع القوز فيهو مويه ؟

الحمد لله الجامع به ماسوره وثلاثه أزيار(أتوضيت فيها أمس المغرب) ..فلنفرض ليس به ماء -كما كنت تتوقع الاجابه- من المسئول عن توصيل الماء للمسجد ..الموتمر الوطني..لجنه المسجد ..فاعل خير...صلاه الاستسقاء...أريد ان أصل بك الي ان الدعم الذاتي اصبح ضعيف جدا مقارنه بالماضي واصبح الوضع مقلوب اي عندما كنا فقراء كنا نبيع الشله ونتبرع بها لبناء المدرسه والان مع تحسن وضع القريه المادي اصبح الدعم شحيح جدا... واظنك تتذكر أخي شوقي في عام 93 عندما فتح باب التبرع وكان الاخ هاشم صديق يحمس الناس للتبرع لاتمام الفصل الاول من المدرسه الثانويه وكان يقول: الطفل شوقي يوسف يتبرع بمبلغ 10 جنيه والطفل نزار 5 جنيه و الحاجه امنه احمد علي 2 كيله ويكه...

جامع القوز الكبير فيهو ماسوره
و الله انه لمن دواعي الفخر
و كمان ازيار
بارك الله في الموتمر الوطني

شوقى يوسف كتب:

نزار الغرقان كتب:

فعلا كتير الفشفاش علي ام الفضل.....إذا كان انا مؤجر في الخرطوم وبدفع رسوم مياه شهريه 26جنيه وقسما بالله بستحم في الجامع والدش أسبوع ما بجيب مويه فما بالك بقريه القوز؟؟؟؟ حقو تشرب من البحر مقارنه بالوضع في الخرطوم!!!!!

نزار والله العظيم خليك انت في الخرطوم والله العظيم وقسما بالله انا في السعودية سويتها استحميت في الجامع كذا مره ( مبالغه مش ) للك التحية والتجلى اخي
,,,,,,,,,,,,,,,,,,,,,,,,,,

أبو الشوش حمدا لله علي السلامه , بركه الشفناك طيب...أبقي واصل