جائزة منتدى قوز ابوروف للتميز الاكاديمي

ابو الافكار دائما سباق
كده المنتدى حياخد الحس الاجتماعى الفعلى لمن تكون فى مشاركات او خلق منهج جديد
فى كتير من المناسبات ويكون المنتدى لعب فيها دور كبير جدا وسلك الطريق الصحيح لفكرة التاسيس
رعاية التفوق الاكاديمى .... وتكريم الاساتذة..... احياء ذكرى الاستاذتين الراحلتين
واقامة دورة سنوية باسم الراحل محمد عبد الرحمن برعاية المنتدى
....
فهذه الجوانب التى ذكرت حقيقة بتدينا دفعة كبيرة للامام وبحسسنا انو نحن عملنا شئ ملموس
عجزنا فترة طويلة من تحقيقة
وشوفو يااخ على الخطة والبرمجة المطلوبة
وطريقة تمويل البرنامج....
فقط ارسلو لى صور تكون واضحة وملونة عشان اطبعا فى بروشور كبير باسم المنتدى

والى الامام الى الامام

شباب بالجد والله موضوع يفتح النفس من الصباح..وأحي الاخ ود اللمين علي المبادره التي كان من المفترض ان تكون ضربه البدايه لإعلان المنتدي وكذلك الاخ ابو نورا علي الحماس والتشجيع المعنوي و المادي وكذلك اخونا ابوروف و حتي لا يكون الموضوع نظريا أضم صوتي اليكم وكلنا ثقه ان هذا البرنامج سوف يتم باذن الله
واعاهدكم سوف أسعي من هذه اللحظه في الترتيب لاكمال هذا المشروع واقولها لكم بملء فمي ستجدوني دوما في المقدمه...علما بان مدارس الاساس ستفتح يوم 16مايو

ولنا عوده

تسلم يا أبو اللمين وإنشاء الله ما حيكون كلام منتديات زي ما قال خطاب ، الميزانيه +البرنامج ده المطلوب ونحنا جاهزين إنشاء الله

التكلفه(جنيه)	قيمه الجائزه(جنيه)	العدد	المحتفي بهم	الرقم
200	10	20	أوائل الاساس بنين	1
200	10	20	أوائل الاساس بنات	2
200	100	2	مديري الاساس بنين -بنات	3
200	100	2	الاستاذتين مي عبدالله وهويدا	4
50	25	2	متفوقين شهاده الاساس	5
60	15	4	اوائل الثانويه بنين	6
60	15	4	اوائل الثانويه بنات	7
50	25	2	متفوقي الشهاده السودانيه	8
100	100	1	مدير المدرسه الثانويه	9
200	-	-	منصرفات ضيافه	10
1320	-	-	التكلفه الكليه	11

كلام .... مظبوط
10%
الواحد والله من الفرح
لمن شعرات جلدو كلبن
يعنى بالعامية كده جاتو قشعريرة

ياشباب صباحكم منقا
والله نحن فى اهم خطوة وفى اهم انجاز شبابى غير مسبوق
فنرجو التأنى والسير بخطى ثابتة حتى يكلل هذا المششروع بنجاح فائق
فعلينا دراسة كل الجوانب التى تساعد فى النجاح
....
الشئ موضوع الصور ارجو ارسالها باسرع ما يمكن لانو الشغلة بتاخد وقت وبتتوقف على وجود شخص نازل السودان
والصور حتكون عبارة عن اهداءات للمدارس وليس لاسر المحتفى بهم .. باسم المنتدى
اما صورة الاخ الراحل محمد عبد الرحمن حتكون ملك للمنتدى تعرض فى مواسم الذكرى السنوية او النشاطات المصاحبة

ابو نورا كتب:

ياشباب صباحكم منقا

فنرجو التأنى والسير بخطى ثابتة حتى يكلل هذا المششروع بنجاح فائق
فعلينا دراسة كل الجوانب التى تساعد فى النجاح

و الله بالجد بالجد نحن مستعجلين عشان الموضوع يتم لكن بالصورة اللائقة

علي الامين كتب:

الاخ نزار
بنفس الطريقة التي حددت بها التكلفة ارجو ان تقوم بحصر عدد الاعضاء و المهتمين بهذا الموضوع لتحديد حد ادنى للمساهمة يكون بمثابة اشتراك ثابت يفرض على كل عضو مع اتاحة الفرصة للتبرعات

الاخ علي
حسابات التكلفه سهله جدا يعني اي زول ممكن يضع التصور لكن فرض الاشتراكات صعب لانو ظروف الناس ما معروفه...غير كدي نحن ما عندنا مشروعات مستمره طوال السنه عشان تستمر الاشتراكات يعني عندنا الجائزه السنويه فقط. طبعا رائي الشخصي انو التمويل يتم بتبرعات الاعضاء كل حسب استطاعته وكل زول عاوز يتبرع يرسل ليك علي الخاص يعلن عن القيمه المتبرع بيها بعدها نشوف الحصيله كم ونعدل الميزانيه علي حسب الكاش العندنا ويقوم البرنامج . يعني انت مسئول من ماليه الاخوه بالداخل والاخ تمام مسئول من الاخوه بالسعوديه و في النهايه مجرد اقتراح .....ونشوف بعد داك

الاخ تمام
فعلا التأني مطلوب عشان نطلع شغل موسس ولانو ده اول (جديد) لينا دايرنو يكون بصوره مشرفه للمنتدي لكن برضو بنحاول نسرع عشان توضح الصوره ويظهر شكل البرنامج العاوزنو واعتقد ده بتم باتفاق الاعضاء وانفعالهم مع الحدث يعني الكل يدلي باراءه وان شاء الله متفائلين يطلع عمل ناجح جدا جدا والواحد يحس بانو يوم من الايام قدم لي بلدو شئ مستحق

بخصوص الصور كلفت زول يرسلها لي من القوز وانا في انتطارو

دمتم

مراعاة لمساهمة كل اسرة
المدرسة من معلمين و معلمات في تفوق الطلاب اري انه يجب ان توجه قيمة الجائزة رقم 3 و 9 كهدايا تذكارية الى المدرسة ككيان بدلا
عن مبالغ نقدية للمديرين
مثلا ساعة حائط قيمة عليها شعار المنتدى لمكتب المدير و اخرى بنفس المواصفات لمكاتب المعلمين .
[/quote]
الاخ علي
اقتراحك جيد ومقبول لكن انا من وجهه نظري ان مدير المدرسه هو اكبر كيان في المدرسه وبالتالي تكريم الاداره هو تكريم للاساتذه ...فلذا اري ان من الاجمل تكريم المدراء لانهم الاكبر عمرا والاطول خدمه بالذات مدراء الاساس ...وممكن التكريم يكون هديه معنويه ..شهاده تقديريه ..وشاح ...الخ
ونشوف اجماع الاعضاء وعموما ليست نقطه خلاف ان شاء الله

ابوروف كتب:

من وجهة نظرية ان تكون هنالك خطوه عمليه وبصوره جاده جدا.. الا ترون يا شباب كانما البرنامج قايم على عاتق واحد او اتنين من الاعضاء وبتتناقشو في الموضوع بذات الاسلوب..... انا ارى ان يكلف واحد من الشباب الشباب قصدي الطلاب او حديثي التخرج نفسه زي و زي عبد اللطيف حمد مثلا والجلوس مع من يرى ان لديه تجميع كامل عن البرنامج مثل نزار...علي الامين على ذات الخطى والتصورات الموضوعه والتي تم الاثناء عليها سلفا من قبل بعض الاعضاء.. او ان يتم التكليف من قبل نزار وعلي مثلا للاخ الدسيس وايضا ازكي الاخ مهند مبارك وانا على ثقه من ان الاخيربالذات اذا اتصلنا عليهو ما ح يتوانى لحظه,,,,,,,,,,,,,المهم الشباب ديل وظيفتهم الترتيب وجمع التبرعات وتكليفهم بالشهادات التقديريه وما الى ذلك

وعن نفسي لو كنت في الخرطوم الموضوع ده ما بياخد وقت بس داير نفره ولا رايكم شنو شبااااااااااااااااااااااااااااااااااااااااب ؟؟؟؟؟؟؟؟؟؟؟؟؟؟؟؟؟؟

ولا الفي البر عواااااااااااااااااااااااااااااااااااااااااااااااااااام

فعلا يا ابوروف انو الموضوع أسهل بكتير مما نتخيل ....عشان اوريك ان الموضوع ساهل ..الادوار موزعه كالاتي
أدارات المدارس ملتزمه بتجهيز البرنامج الاحتفالي من فقرات وترتيبات وغيره حتي اقترحوا ان يكون عصرا بالمدرسه التانويه لوجود التسهيلات ...كهربا ... أذاعه...ومسرح .ووو.. رابطه الطلاب موكلين بشراء الهدايا واخراجها بالشكل المطلوب... الساده اعضاء المنتدي عليهم الاسراع بالاعلان عن تبرعاتهم للاخ علي الامين و الاخ ابو نورا عن طريق الاتصال الشخصي وبتمني لو قاموا بتذكير الناس علي التبرع لان بعض الاعضاء النت غير متاح عندهم...

ويا جماعه عاوزين حمااااااس والله لانو ده عمل خير وعمل بودي القريه لي قدام ونكون قدمنا للقريه بقدر استطاعتنا...
ودمتم

على العموم انا معكم قلبا وقالبا ولسه عندى عشم فى صور تصلنى
بالنسبة لى تجهيزا ما بتاخد وقت لكن تبقى المشكلة فى انو القى زول نازل
عشان كل ما جات بدرى بترجع بدرى او الواحد فرصة كافية يفتش لى زول نازل
اما بالنسبة للتبرعات ماعندى مانع سوف اساهم 100جنيه

ابو نورا كتب:

على العموم انا معكم قلبا وقالبا ولسه عندى عشم فى صور تصلنى
بالنسبة لى تجهيزا ما بتاخد وقت لكن تبقى المشكلة فى انو القى زول نازل
عشان كل ما جات بدرى بترجع بدرى او الواحد فرصة كافية يفتش لى زول نازل
اما بالنسبة للتبرعات ماعندى مانع سوف اساهم 100جنيه

الاخ تمام
صباح الخير
طبعا امبارح كنت في القوز وبحثت في موضوع الصور لكن يبدو انو ما جاهزه - حسب كلام الزول المكلف بيها - والصور المتوفره الان ليست واضحه واحداهما ليس لها صوره في الوقت الحالي(دايرين يفتشوها)ونحن في الانتظار و اذا ما وجدنا صور ممكن نشوف البدائل الاخري...اما موضوع التبرعات ده حقو تشوف الشباب المعاك ديل ونحن بي جاي برضو ساعيييين في الموضوع