عدد المساهمات : 133 نقاط : 184 تاريخ التسجيل : 30/01/2009 الموقع : القوز.. جنب الصهريج الواقع
موضوع: حينما .. غنا صديقى ..عشا البايتات الجمعة 10 فبراير 2012 - 23:42
.. وربما تكون اخر ( سفه ) .. وربما بعد قليل سينقطع اللحن... جمعها بأطراف لسانه لتتخذ ...موقعها الطبيعى فى المقدمه وههى تجاور اللحن يا عنبيه .. يا عنبيه يا يا .. يا يا عنبيييييييه .. بسماتك فيها الحنيه دلالك رائع يا بنيه .. ا
وربما .. وحده يعلم بروعة الدلال . .. وحده يعيد ترتيب حلقات مفقود .. توقف عن الغناء .. ورفع رجله مستنده على الطوريه .. والطوريه اتخذت مكان الرجل الاخرى
سألنى .. بوجه ملفوح :_ حصل حضرت حفله لى مصطفى ( اب كرنك ) ..الله !!ياخ اسكت ساااااى انه يجذبك من شعرك .. شوقا وتكاد تخرج من جلبابك .. طربا" .. يجرك الى اقصى تفاصيل الذاكره يااااخى المخلوق دااا ( يهرس البنقز دا جنس هرسى ) ... قالها وكأنه يدخل من جديد فى عالم توعده طربا
شفت بيت ناس حسن ود اب روف دا كان اخر الحله .. انا ما حصل سكرت بس الا الصعوط والجبنه دى كان ماى لقيتا بتقول دا .. مرضان سنين بس مره واااااااحده غشونى ناس (.. ) فى حفلة (.... ) قالو لى دا بيبس !!! انا لى هسعى زعلان ...نمت ما صحيت ال الصباح
دعنى .. اوقع عنك ودعنى اشتهى .. فرحتك .. وانت تحتسى فنجان قهوتك وربما تحتقر طوريتك هذى ... وربما تدعو زمانك ان يعود هى تواريخ القانعين ... العائدين مع الظلام ... الراقدين على ابواب الكريم .. هو مجدك فانتعل ما تشاء .. من احذية الصبر
انت عاااااارف يا ود النو ... ان حبيت مره واااااااحده .. بس عدم القرش الله ينعلو ... اهااااا عاد كيفن الزول يمش ايد وراء وايد قام ؟؟ لكن لسه لما اشوفا ... برجف وضحك وعاد الى طوريته عاد .. يرسم ملامح انثى .. وملامح الضياع .. وملامح ان الله قال هكذا ...
الجمعة 10 فبراير 2012 - 23:42
