غلوتية سودانية

عنزى كناتل ام ضرعا بناتل حلابها عطية فى غابة ضرية؟
شدرة فوق القيف لابتخدر لابتجيب عليف؟
حايمة ومتلايمة فيها ستة عيون واتناشر قايمة؟
هو هنا وبلدو منى؟
احمر حيمور متل التيمور لابساك ولابتلاك؟

يا ابو عبدالله مافي خيارات؟ والله عجزت فيهن ديل قوقل ماعرفهن تلميح اي شي نبدأ به ولك سلامي

احمر حيمورهو( اللسان) . اما الاولي فهي مجموعة العين والرشرش والحاجب . والله أعلم

بس ياجنابو القلوتيه حيرت عمنا قوقل...قمت سالت قوقل قال لي دي كاتبها واحد اسمو ابو عبدالله في منتديات القوز.....وقال لي لمن تعرف الحل كلمني معاك عليك الله..وماشاء الله الخال الامام قطع نص المسافه ويلا يا شباب شدوا حيلكم..

شكرا على الاجتهاد اما الاولى فهى السيالة (شجرة العلًيف)
التانية السنون
التالتة النعجة بها تيمان وهى لغز من الغاز قبيلة الحمر بولاية شمال كردفان والضان الحمرى مشهور جدا
الاخيرة تمت الاجابة عليها

عفوانسيت الاجابة الرابعة وهى( الودع)لاننى اثناء الاجابة جاءتنى محادثة من السودان ولذا ورد فى قوله تعالى (وما جعل الله لرجل من قلبين فى جوفه)صدق الله العظىم
اى ان بؤرة الشعور لاتتقبل شيئين فى وقت واحد.

مشكور يا سعادتك بس المره الجايه خليها ساهله شويه عشان نقدر نشتغل...
وهاكم دي فكوها:
حمراء وكلحيه لا من الناس ولا من السعيه

يديك العافيه ياابو عبدالله .شكرا على المعلومات الثره دى ..

عووووووووووووووووووووووووووووووووووووووووووووووك
توووووووووووووووووووووووووووووووووووووووووووووش
حبيبنا عبداللطيف:
المثل علي حسب قول سماح : شجرتي فوق القيف مخدرة وشائلة عوليف.... جومالي (( النياق)) أبنها وجومال الناس أكلنها؟؟؟؟؟؟؟؟؟؟؟؟؟؟؟؟؟؟؟؟؟؟؟؟