طلاب الشهادة

كل الامنيات لطلاب الممتحنين الشهادة السودانية وانشااللة موفقين .وبتمني من اي زول عندوا طالب ممتحن يهتم بيهوكل انواع الإهتمام يشجعوا يهيئ ليهو الجو للقراية يسالوا من الامتحان كيف كان يحسسوا بثقتوا في نفسوا ...دا للمعاهو..اماالناس البعيدين برضواعندهم دور في تشجيع الممتحنين يعني تلفون مخصوص لفلان عشان تسالوا الامتحان كيف وتقول ليهو شد حيلك وانشااللة موفق بس انت ركز يعني تحسسوانو في ناس بهمهم نجاحك....اكيد دا بمثل دافع كبير للممتحن وبرفع من معنوياتو

ربنا يوفق الطلاب الممتحنين لكن اعتقد انو الوضع تغير تماما هذه الايام تجداهل الطالب الممتحن مهتمين بالامتحانات اكثر من الطالب نفسه

الحمدلله الدنيا تغيرت يانزار كان الواحد يذاكر دروسه بونسيني او فانوس تنظفه من المغرب
وتعبيه جاز ابيض ورغم كل هذه المعاناة لم يحس بيك احد وانت تمني نفسك بان تحرز نتيجة
مشرفة مع الاف من اقرانك مدججين بالمذكرات والكورسات والدروس الخصوصية وغيرها
ولكن الواحد ثقته في الله مالها حد.

واللة يانزار ياهو الحاصل ذاتو كلامك زكرني لمن كنت في تانية ثانوي استاذ عبدالقادر قال لينا المابجيب درجات كبيرة في الموادالعلمية مابمشي علمي ..المهم انا اليوم داك جيت وقلت اضغط نفسي قفلت الباب علي وقعدت اقرأ جات مني خالتي دفرت الباب لمن إتخلعت وضحكت وقعدت جنبي وبكل عفوية قالت لي سبحان اللة ياها قراية فلان ذاااتا قافل عليهو الباب الليل والنهار وفي النهاية الرماد ماجابو.انا من اليوم داك لمن اجي اقرا الباب لو قفلو الهواساي بقوم جري عشان افتحوا...... ياخالواعلي.ديل النوع البكونو عايزنك تنجح باي طريقة من غيرمايقدموا اي شي وحجتم الناس النجحواديل زايدين عليك شنو......الاخ الحاج انا بشوف انو القراية بجاز كانت اكبرمحفز للقراية

اللهم وفق الممتحنين
اللهم كن عونا لهم ....
اللهم حقق امالهم وطموحهم
يارب العالمين

هذه الايام كااااانت دوما تمـــــــــــــــــــر علي بجرسه هااااااااااائله
واكتر امتحانات الواحد بخاااف فيها ربنا ينجح الممتحنيين ويوفقهم ويلزمهم الصبر والثبات
على هذه الايام فهي لحظات لحصاد غرس طال انتظاره

الهم وفق جميع الطلاب الممتحنين
كلهم ناجحين انشاء الله

اللهم يسر ولا تعسر اللهم لا سهل الإ ما جعلته سهلاً انت تجعل الصعب إذا شئت سهلا
اللهم وفق الممتحنين وفرج همهم ووفقهم ونسال الله لمدرسة قوز ابوروف التميز كما عودتنا

اللهم سهل كل امورهم ونجحهم يا الله وفق جميع اهل العلم ومن طلب العلم ساهر الليالي ونصيحة لي اخواني المنتحنين خلو البرشام والله معاكم انشاء الله

[b]