عضوة جديدة...

بحمد الله طلت علينا بالامس الخميس 17/2/2011م العضوة منال الحاج الامين
ومضى من عمرها 36 ساعة وعقبال العمر كله وعبر المنتدي بتحي الاهل بقوز ابوروف
وودعجبنا وودالمحينة والفاو والخرطوم وكل الشعب السوداني

الف الف مرحب بالاخت منال الحاج وزادت الديار بهاءا بطلتها.... نتمنى ان تكون اضافة حقيقية ونرى منها المزيد والمفيد فى ظل غياب بنات حواء وان تكون محرك جديد للقضايا التى تهمنا وتهم المنطقة
ولك الشكر عزينا الحاج المحينة

حمد الله على طلتها

وجعلها الله من البارات

والمستورات فى الدارين

وغر الله بها عين والديها

ومبررروك

يامليون مرحب بيها انسال الله ان يجعلها من بنات الوطن البارت الف الف مبروك ربنا يحفظها

سلاماتك حبابك الابنه منال ذات الخمس ايام ..والف مبروك اخونا الحاج الامين ونسال الله ان يجعلها من المستورات في الدنيا و الاخره..

الف الف ميلووووون مبروك الاستاذ الحاج الامين ونسأل الله ان يحفظها ويجعلها من بنات الوطن الصالحات

ههههههههههههههههههههههههه
ههههههههههههههههههه
والله انا مامركز نهائ
وشائت برة الشبكة
انا ماقريت الموضوع بشكل كويس وختفت الكلام ختفة
افتكرت الموضوع بيتكلم عن انضمام عضوة جديدة للمنتدى مش لاسرة الاخ الحاج
عشان كده الرد كان عبارة ترحيب حاااااااااارة
لكن مامشكلة : نقوم نبارك من جديد ومبرووووووووووووووووووووووووووووووك البنية وتربى فى عزكم انشاء الله
واسف للخرمجة

شر (البليله) ما يضحك -او كما قال واحد بلدياتنا- انا طبعا اول زول انتبهت لي تعليقك لكن عملت نائم ذي ما الناس بعملوا... لكن يا ابو تمام شكلك كبرت وخرفت لانو شايفك بقيت ما بتزور المنتدي الا الواجبات ...يعني بقيت زول فواتح بس...الحفلات ما عندك معاها شغله بمشوا ليها الشباب ذي ناس خليل وابوروف ونزار...الخ

انتو مسعولين من الخير ... ابو العروس ده زائق من كيس الحلاوه ولا شنو خليها السمايه عمل نائم ما عزم زول..هسه الناس دي كلها جات تبارك البنيه لكن زول ساي يقول ليهم خشوا لي جوه مافي...
ابو العروس تعال راجع قنعنا من الحلاوه

تربي في عزكم انشاء الله من المستورات اميييين

مشكور يا الحاج الامين علي المعلومه وللعضوه منال التحيه والاحترام

معقولة بس ياود النو لحقت ودمام في الكبر ام...........مع انه ودمام وآدم واحمد النو واسماعيل
وودالقلع والهميم وعامر وودالفكي(جنابو) وبله ومحمد احمد علي الحاج كل هؤلاء كانوا برالمتنا
وانا ماعارف علامة الكبر هذه عكسية ولاشنو؟(واحكي لكم موقف طريف مررت به في الاجازة
قبل الماضية وقتها جاين من سوق دوبا وانا راكب في اخر البكس وفي واحد راكب
في اول حوض البكس ومتجه نحوي وهو يعاين في ويتبسم ويلتفت مني يمينا ويسارا و
بصراحة انا( تعقدت ياشباب) وقلت بوريه لما انزل في الواطه لانه انا راكب ومعانا ناس كبار
ولما وصلنا بيت (دريج) ووقف البكس لينزل مخلايته وانا نزلت وزعلان محموق من حركات
هذا الرجل الشايب العايب ولما قربت منه فاذا به بصوته الجهور والملئ بالمرجلة يقول لي:
(انت تغيت ولا لقيت يالحاج الامين ود المحينه) اها انا في هذه الحالة انفشيت شوية من العلي
بدات في طريقة المخارجة من زول( يعرفك وانت مابتعرفه)وهاك زوقان ويالف وقلت له
والله الكبر حاصل والواحد بره البلد وطول من الناس وكدى وهو لازال في ضحكه وبل بزيادة
كمان ومعاها مسخرة استفذاذ...واخيرا تمعنت الوجه فاذا به(محمد احمد علي الحاج) وهاك
ياعناق واحضان وعتاب وقلت الحمدلله انه الشيب بقى بيجي بأثر رجعي يعن نحن لسه بدري

والله يانزار محمد تمام شككني في الموضوع وكل يوم افتح موضوعي واقراه واقول امكن في
شي غلط القى مافي شي اللهم انا قصدت بالعنوان ان يمر كل الشباب على الموضوع ويباركوا
ويرحبوا ويدعوون لها فقط.
وهل تعلم محمد تمام عارف وبارك بالتلفون ولولا المسافة التي تصل الى 600كلم لكان من
الموجدين في السماية ويامرحب بالمهنئين وابقوا داخلين وزارتنا البركة وعلى فكرة حقكم
مخلينو لكم في التلاجة ولا اقولكم خلوها مع عزومة محمد علي.

هههههههههها
المقصود ودتمام ليس ود مام كما ورد سابقا
اها انا لحقت نفسي يا محمد الامين دفع الله تمام

[b]موقفى ده ذكرنى امراة شغالة (داية) فى احد قرى الجزيرة التى ارتادها
فمرة من المرات كانت قاعدة فى المركز الصحى وجابوا واحدة شابة عيانة فى حالة اغماء
والداية شافت الفتاة العيانة ولم تركز فى ملاحا وطوالى وبسرعة البرق مشت البيت وجات راجعة بسرعة اكبر من الاولى وجابت عدنها وجات .... واتفأجات انو المريضة بت اخوها عندها ملاريا واصلا مامتزوجة ....
وصاحبتنا اتضايرت ولملت اطرافا
لكن لم تجد بوست لتصلح غلتا

الف مبروووووووووك الامورة وتربي في عزك انشاء الله من المستورات
(اقبل اول خطيب علي البوست)؟

مبروك عليك يا نزار الامام وكمان وماتقول عندها حواشة !

مشكور يا ابو النسب
يلا يالزبير وزع الحلاوة وقول عين الحسود فيها عود

عوووك
توووش
بجد بوست روعه
مبروك يا الحاج أنا حامشي أذورها الشيخ موسي في البنيه
أخر مره ذرت الشيخ موسي متين ؟

بس الشيخ موسي بفتح يوم السبت بس!!!!

مرحبتين منال

علي امين كتب:: مرحبتين منال

ههههههههههههههههههههههههههههههههههههههههه
الود قال متابع يا مااااااااااااااااان

لاتلومهم يانزار الناس كلهم مكبسين في الفيسبوك الظاهر بيقروا العناوين وبتخارجوا

اسفييين واللة لتأخير الترحيب بصغيره منال وبنقولها:- ياهلاباللي علي الدنياحضر **ياهلاإتحديتي نور الشمس وانوار القمر لطلتك فرحت قلوب كل البشر كل المنال ليك يامنال وياعساك عمرك دهر.

مقبوله منك اختنا منى لكن لو تلاحظي ردود بعض الاخوان على العنوان فقط دون التفاصيل
هذا يعني انه الواحد منهم يقرأ العناوين البارزه فقط ويخرج زي ماقال اخونا نزار ديل ناس
الليل