خاااااااااااااص للاخوه المغتربين ( ممنوع دخول الدميعاتن قريبه )

قصيده منقوله من منتديات الحلاوين وانشاء الله تنال اعجابكم ...

يازول يانيل...يازول معجون بالطيبه قليبك

كيف شايل همك وشجن الغربه ..واهة شوقك وطول اليل
كيف شايف دربك ودمعة حزنك بين اهدابك وعمر السكه ولسه طويل
يا .. الشلت جراحك بقجة ذكرى منوسره وتنتح وفى اعماقك يومي تسيل

كيف خليت الغربه تسوقك وانت المزروع طيبة نخله في خصر النيل
كيف وقعت بطاقة فقدك جوه عيون مليانه محنه وجوه قلوب رايداك بالحيل
مالك يازول .. ادمنت الغربه وزت همومك
وكنت وحاتك جمل الشيل
يازول معجون بالطيبه قليبك
ما مشتاق لى موية النيل ؟؟
ما مشتاق يازول يا نيل ؟؟
ما مشتاق لى قعدة جبنه ؟؟ وريحة كسره
وحفلة حنه هوايد الليل ؟؟
ما مشتاق لى صوت اصحابك وضل الشجره الحاضن بابك
وشاطى النيل
ما مشتاق لى شيلة سفره فى عرس اخوانك ومرقة فاتحه على جيرانك
وصرة زول زعلان وجميل
ما مشتاق لى رشة مطره وصوت حوليه ودقة نوبه وصدى تهليل ؟؟
ما مشتاق لى زوله حنينه مستفه ريده تريدك جد جد

وشوقا يتاورك نص الليل ؟؟
لو ما مشتاق الناس وحياتك ليك مشتاقه
وصورتك لسه فى اعماقهم فنجرى .. راكز اخو اخوان
سودانى اصيل

القصيده حلوه كتيير وهي تجسيد رااائع لكل الاشياء الجميله التي نفتقدها
هنا...لكن
يا خااااااااااال شكلهم الشباب ديل كلهم دميعاتهم قريبه
حتى مافي واحد قرب من البوست ده... والاحساس بالغربه بقى
شي نادر بعد محو الامية التقنية والاهم انو اي منطقة تمشيها تلقى السودانين
اكثر الاجانب حضورا

والله ياابوروف الفي القصيده كله حاصل لكن زى ماقلت قاعدين نكتمه في حنانا!
وانا عن نقسي اشوف اسم محمد علي بجي طاير هوا المهم انا جاي آخر شهر6 واول ما
اجي عازم محمد علي شية في سوق الناقه وقعدة جبنة في نسمات الخريف بإذن الله.

يا حليلكم وحليل ايامنا الراحت...ويا حليل شمس المحنه الغربت طاحت

والله ياشباب انا داير اعمل فيها مغترب(نص كم)واديها دمعه واحده .....والله الغربه حااااااااااااااااااااره

الاعزاء ... ا

ان بعض القصائد والاغانى .. بمثابة .. ا

مضاد حيوى .. ضد وحشة الغربه

وشاحد .. الكريم .. وبجاه الحبيب المصطفى ا

ان تعودوا سالمين غانمين

وان .. تقدلو نص الحله ... وان تزهجوا .. من سلام نسوان الفريق

الاخ الحاج :_ ا

عيزومتك مقبوله ... بس الجبنه اهم ... وممكن نجيك انا ونزار

نزار الغرقان كتب:: يا حليلكم وحليل ايامنا الراحت...ويا حليل شمس المحنه الغربت طاحت

ياحلاة ليلا" معاكم مادرنا يصبح وياحلاة
صبحا" تكونوا انتم المصبح.

» موضوع خاااص جدا ممنوع التعليق. الان يمكنكم التعليق