سوداني او مولود لأب سوداني داخل أو خارج السودان؟
يجب أن تخضع للجنة الإختيار العامة و بعد ذلك للجان فرعية متخصصة و التصنيف سيكون كالاتي:
عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الإستقبال وأاكيد حاتسمع مننا..
ماعندك شهادات و لا واسطة: أمشي البحر إنتحر!
شين و صوتك حلو: تبقى فنان!
سمحة و صوتك ماحلو: برضو فنانة!
سمج و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذاً أنت مذيع سوداني!
سمحة و ...ة: نوعين الأول سمحة و نحيييفة: مذيعة في النيل الازرق!التاني سمحة و سمينة: هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!
عدم إحساس جلد تمساح: ناس سودانير!
قنعان من روحك وتشجع المنتج المحلي: تركب سودانير!
سبع صنايع و البخت ضايع: موظف حكومة، مدرس، سواق تكسي!
سبع صنايع و البخت الرائع: موظف إتصالات!
أمك داعية ليك: ياخدوك في شركة دال !
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب!
مصاص دماء: تشتغل في جهاز المغتربين!
سياسي عمرك فوق المية (ديناصور(:معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول!
كترتا و مسختا: مستشار!
عايز تشتهر: إخترع ليك حركة خزعبلاوية لتحرير السودان!
حمار شغل: الفئة دي ما موجودة في السودان!
مدهوك، معجون، معفوص، ممغوس، موجع، مقطع، مرقع، قرفان، تلفان، سجمان، رمدان، غالبك التسوي: مبروك أنت مغترب!
ـــــــــــــــــــــــــــــــــــــــــــــــــ والله فى عون العبد ما دام العبد فى عون اخيه ـــــــــــــــــــــــــــــــــــــــــــــــــــــــــ
الأحد 23 يناير 2011 - 3:01
