حكمة الجوع ..:_ ا
ان تستخلص .. الجمال من حشائش ( البوده ) ذات اللون الوردى .. الجميل وهى تفنك بالذره ... ا
هو نوع من .. الجنون الطازج .. وفيزياء .. لا يتبناها اساطير القدماء .. وهى فكره غير قابله للاشتهاء ... لامراة
حديثة الحمل ... وهى اوج وحمها
ما.. حدث :_ ا
دق ... صوت جوال الدقيق ... وهو ترمى به ( أمونه ) ... عند مدخل الطاحونه ... وصغيرها ( حمودى) ممسكا " بطرف
ثوبها كشراع مركب ..غبى
:-
التدقق مصارينك ... دا دقيق ليك ؟؟
و ( عبود ) عامل الطاحونه .. رد عليها بابتسامته .. المعهوده ... مما اظهرت .. احد اسنانه المردوفه .. محاولا" ا
امتصاص غضبها بلهجه سوريه ....
ايش لونك ؟ وايش بدك ؟
الرسول عليك نحن بقر ؟ تدقق لينا كدى ؟
وامونه كالعاده ... سريعة الغضب ... وسريعة الرضا
تضاريس الحلم :_ ا
عند بداية المساء .. وفى الطرف الجنوبى للحوش .. .. كان ... ( كمال ) .. ممسكا" بألة العود ( تم استبعاده من قبل امونه حتى لا يصحى حمودى ) .. يعزف .. ويغنى
ما تبقى .. من زمن ... وهو طريح الشوق . وامونه تذهب تاتى ... وتنظر كمال ...احيانا" مشفقه .. واحيانا غاضبه
يراودها .. احيانا .. احساس .. ان تكسر تلك الاله ( العود ) وان تعوس بها كسره .. وتتراجع مسرعه
وكمال ... يندم احيانا ... على نظرته ( الفلكلوريه ) عندما راى .. امونه وهى تبتسم ... ( وهو خريج الفلسفه يفسر
الاشيا ء كألوان الطيف ) راى ضحكتها الجميل ... ولكن لم ينظر لماذا تضحك ؟؟؟؟
كانت تمسك انفها .. من تفاعل الغاز ... من زجاجة مياه غازيه !!!! ... وصرخت اعماقه ... وجدتها .. وجدتها
ويدور حوار كل مساء
تعرفى يا امونه .. تحالفكم على انتى وأمك دا بيأخد طابع امبريالى ؟؟
وب على ... امى دخلها شنو بألامبرياليه !!1
يعنى تحالفكم مثلأ ؛؛
هىىىىى يا كمال ... ماقاعده اعوس ؟ ما قاعده اغسل ؟ ما قاعده احمم ( حمودى ) ؟
يا امونه ... يا امونه .. ما تخلى نظرتك للحياه استهلاكيه ؟؟ فى حاجات حلوه غير الكسره ... والعده
كماااال انت ليك كم يوم ما شديد !1
انت عارفه انو المراه ... ضلع معوج والرجل مكمل لذلك ؟
انا عارفه قصدك شنو لكن ... بنظمك
وذات ليله مقمره وفى النصف الاول .. من الليل ...توقفت عربه بوكس موديل 78 وبها مجموعه من الرجال
وهم ... اهل لأمونه .. استنجدت بهم ... وكمال ... لايدرى .... ورددت فى سرها ( العز اهل ) ا
كيفكم ياجماعه ؟ وكيف الحال ... ولم يستجيب احد ... لرشاقة كمال .. وكيف الزراعه ؟ ولم يستجيب احد
يا كمال ... الحديث اقصروا ... ورينا حركاتك دى .. انت داير تعرس فوق امونه ؟ ولا جنيت ؟؟
وكان جنيت دى الحبال جبناها معانا ... وكان العرس امونه بتنظمك
والاختيارين اصعب ... وكمال يقسو .. على فلسفته .. ا
ياجماعه ادونى فرصه .... وبعدين انتو ماشربتو الشاى ؟
الشاى مشروب ... بس بكره .. ورينا النتيجه ..
وفى طرف الحوش .. والشمس ترتفع ... كان كمال ... يردد منذ البارحه
فى الحالتين .. انا ضايع ... انا ضايع
وما لاقى البفرحنى ..
الإثنين 25 أكتوبر 2010 - 1:04
