والله انا ماضاع مني لكن دخلني مدرسه ودي الحكايه ,,,,كنت في منطقة تبعد حوالي 600 كيلو من مقر الشركة والموبايل هو دليلي في هذه المهمه ومتابعة الشركة لي بالاتصال وانجاز هذه المهمة باسرع وقت ممكن خلال هذا والرجوع الي الشركة في وقت مبكر وانثاء سيري علي الطريق المح في مرة محطات وبوفيهات وكافتريا واقول في نفسي الوقت بدري علي الافطار واسير ,,,,, وفي منتصف الطريق خلاص ماعدت اتحمل الجوع والعطش ودخلت علي البوفيه والبال مشغول هنا هناك والموبايل لسؤ الحظ النعس بطاريته فيها خط واحد واعطأني انزار بها ورحت لصاحب البوفيه وبكل احترام بالله لو سمحت شاحن عندك قال ليه في شاحن واعطيته اياه ورجعت اواصل في فطورتي والبال مشغول وكابس كبسه شينه ,, المهم حاسبت الراجل وطلعت وياتاريهو طلع بن كلب ما ذكرني الموبايل وراي فينا الاستعجال والضيق علي نفسي وركبت العربيه وواصلت في مشواري عادي والزووول خلاص اكل بمزااااااااج من غير حد يتصل فيهو ويلا اسرح وبعد حوالي 250 كيلو انت ياابوالشباب فتش لموبايلك هنا وهنالك واقعد اتذكر فيهو وين فاااااااااااااات؟؟؟؟؟؟ نسيت ليك البوفيه خالص واقعد اتذكر اتذكر بس (البوفيه) ياالله معقوله ارجع تاني حوالي 250 كيلو وانت لسه ماحصلت المنطقة المقصوده يا الله ,, ياربي اسيبو وامشي عادي واتوكل , لا لا لا طيب امشي كيف ؟؟ واعرف المكان كيف ؟؟؟ وتلقي الشركة اتصلت عليه اكثر من مره يعني مافي طريقة خالص لازم ارجع لازم ارجع وفي النهاية رجعت وانا العن واسب في الموبايل واخلاقي خلاص في نخرتي والنهار كبس وسخنت شديد والوقت ضاع عليه ووصلت البوفيه ودخلت وجدت ليك راجل تاني غير الشخص الاول يا الله الليله اليوم مالو كده , المهم سالته انا جئت قبيل ونسيت ليه موبايل هنا , صاحبك اندهش وفكرني مجنون ولا حاجه المهم شرحت ليهو الموضوع كلو واتصل علي الشخص الاول وقال ليهو ايوه صاح في موبايل حق واحد سوداني وشكلو كده وكده وعربتو نوعها كده واشياء من المخابرات والتامين ودا كلو عشان موبايل وكرته ليك حاجه اسمها موبايل واخذت الموبايل ووجدته مغلق وسألته ليه اغلقت الموبايل قال ليه هذا جوال مافي وقف دقيقه علي طول اضرب عشان كده انا سكر جوال هذا ,,,,,,, وبعد مجازفات خرجت مني ضحكة مجاملة سااااااااااااي وقلت ليهو في نفسي والله انت ماعارف حاجة سااااااااااااااااااي ووووواصلت في مشوار عادي والخبر انتشر في كل مكاتب الشركة عسي الراجل بخير اوعي يكون عمل ولا حاجة وحكيت ليهم الحكايه دي كلها ,,,,,, والمهم لم تنفذ الا في اليوم ودا كلو بي سبب الموبايل والاستعجال والشفقه ,,,,,,,,,
والله يانزار بتجيب ليك في حاجات تمغص وضحك في نفس الوقت ,,,,, ولك التحايا ,,,
الثلاثاء 12 أكتوبر 2010 - 13:15
