عدد المساهمات : 461 نقاط : 559 تاريخ التسجيل : 27/01/2009 الموقع : اجمل مكان في السودان
موضوع: قصة اغنية ما تهتمو للأيام الجمعة 8 أكتوبر 2010 - 17:31
قصة أغنية: ماتهتموا للأيام
كلمات: عوض جبريل
غناء: كمال ترباس
يقال إنها كتبت في احد الفيضانات التي اجتاحت مدينة الثورة ويقال إن الشاعر عوض جبريل في ذلك الوقت كان يسكن في الثورة الحارة 11 ومع شدة الفيضانات وقعت أجزاء كبيرة من منزل شاعرنا عوض جبريل وأصبح المنزل مكشوفاً ووجد عوض جبريل زوجته في حالة حزن على ما أصاب منزلهم فكتب يواسيها:
ماتهتمي للأيام طبيعة الدنيا زي الموج تجيب وتودي ما تهتمي للايام ظروف بتعدي ما تهتمي للايام سبيل الزول عشان يفتح طريق يا دوب يكون زادو البشيلو معاهو شوق مشبوب عشان يلقي انتصارو يا زمن محبوب يضوق المرة يتوشح بي صبر ايوب ما تهتمي بالايام ظروف بتعدي ما تهتمي للايام وما تهتمي اصلو الناس حياة ظروف بتتحكم تغير كل خط مالوف مصير الزول حياتو ياما فيها يشوف وفي دنيانا بنلاقي الفرح والخوف ماتهتمي للايام ظروف بتعدي ما تهتمي للايام جمال الدنيا في بسمة سرور وجمال وفي فرح الخواطر الطيبة في الامال وفي شروق الصباح في بسمة الاطفال ومهما تظلم الايام ضياها الفال وما تهتمي للايام ظروف بتعدي ما تهتمي للايام الأغنية تحولت بعد أن اشتراها الفنان كمال ترباس إلى ماتهتمو للأيام وبقروش الأغنية أعاد عوض جبريل بناء ماوقع من منزله.
عدد المساهمات : 325 نقاط : 424 تاريخ التسجيل : 28/10/2009
موضوع: رد: قصة اغنية ما تهتمو للأيام السبت 9 أكتوبر 2010 - 5:09
الله يخليك الاخ العزيز ابوروف علي النقل الجميل والرائع وتحية جميلة ايضآ لصاحب القصيده الاستاذ الشاعر المتين عوض جبريل وحقيقي كلمات رائعة لاشك فيها وهي تصور مأسئ حزينة وظروف صعبه مرها وحالة زوجته الميؤسه والمغلوب علي امرها في تلك الحظات الحزينه وما عليها سواء الصبر وفعلا ماتهتموا للايام ياعزيزي ظروف بتعدي واذا ضاقت لابد فرجها باذن لله ,,,
الجمعة 8 أكتوبر 2010 - 17:31
