بت هندســـــــــــــــــــــــــــــــــــــة ,,,,,

**** بت هنــدســــــــــة****

**************
يا نجمة الليل والأسي ..
أنا رقم أشكال الشتات حاضن عواطفك وحارسه
أنا في هواك بقيت فتات ودخلته عشرين مدرسة
جنيت مع كلمات هواك بقلبي قاعد أتنفس
ويا حلوه يا بت هندسة ..
وكان شفتي يا بت هندسة ..
خطوات دايما بالغلط وأموري ديمة معكسة
يوم داك مساهر في الهدوم وكويته جت
عشان ألبسه لقيته الصباح حقت أخوي ..
وهدومي قاعده مكرفسه
كان للهدوم ما مشكلة بشوف لي مصيبتن ألبسه
لكين هواك أعملو إيه ..
دشدش عضامي وهرسة
دار ليا فرصة أكون قريب طبلة قليبك أفلسه
عشان تشوفي هواك كيف بهدل عواطفي ودعفسه
كلماتي ليك أتبشتنت ما زي زمان متهندسة
حتي الشعر الكان زمان كلماتو حلوه مملسه
هسه أتلخم بقي كيف كده ما فيهو كلمه مهندسة
وإنتي السبب في كل ده يا أحلي أسباب الأسي
أنا ياخ بريدك أعمل إيه ..
وريني يا بت هندسة أمشي
وأكورك في الظلط يا ناس بريد بت هندسة
كم مرة قلته أقوم براي أقعد معاها
وأحدسه لكني ما بقدر عديل ..
ما بقدر أنضم أونسه خليك من أشرح حالي وحب ليك والدبرسه
يا ناس أقول ليكم كلام ..
لي شنو الحقيقة ندسدسه
والله ما قاصد لعب أنا رسمي داير أعرسه
كان قلتو بدري علي العرس ما مشكلة أنا بمشي وين ما بحرسه ..
يا هناية داير أقول ليك كلام ..
أصلو السكوت فيهو وسوسة
أنا يا ملاك أنا بعشقك وما أظن بلاك أرجا المســـــاء
دايرك تكوني لي حبيبة وأبقا ليك حبيب قســــــا ..
أكسيك هواي وتلبسيني نعيم هواك أجمل كســـاء
ويا ربي كل عاشق نبيل تديهو زي بت هندســــــــة
وترعاها من عين الحسود ..
ومن توب جمالك لبسه ويا رب تحفظه لي
برآآآآآآي ويارب تحفظه تحرسه .. ...

منقول :
والتحية لصاحب هذة الكلمات [/center][/b]