انا لا ابراهيمك انا لا رؤياك 000

بينما انا اتصفح جوال احد اصدقائي وجدت حقيقة وجدت قصيدة في غاية الروعه والجمال وتحمل كثير من المعاني الجميلة وبها تعبير مدهش احساس عميق وتشبيه لايوصف في الخيال ويعني الكتير وتدعك تعيش فعلا مع واقعها للذين يعانون من تلك العاطفة ولذلك فهي لكم والتحية للشاعرتها ولها الود كله واحييها علي الكلمات الرائعة والجميلة عبر هذا المنتدي :
انا لا ابراهيمك ولا رؤياك ***
وانا لا فرعونك لا موساك***
انا لا ثعبانك لانـــــــــــــي عصاك
انا بس يا دابك ,,يا دابك ساكنة مسامك ***
وجبرآ جارية مجاري دماك***
ومقطع اول :
ما غشيتك اتوكيتك اعصاك احلام
ودخل واديك عفوآ ناديك**
شيلتك ريحة مطرة وقبلي ولع نارك
يوم خشيتك ودقيت بابي **
أستاذنته فتحت الباب بي سراع لاقيتك ***
وعشعش فيني خيالك جوه ***
وكنته الزول الضعف ***القوة **وكت ات آدم
وكت انا حواء سلبته الريد الصادق مني
وكان الريد مسكين بتلوي***
ودون ما اشعر**
كت بحتاجك **كت بحتاجك لم تعفرت سحب الوجعه***
تسكن خوفي **وكت بحتاجك لم تطش الكلمة الحلوة
تلوي حروفي ***
وكت بحتاجك تملئ فراغك فيني وتسكن آخر جوفي
وتبقي القلب النابض انتا ورهف احساسي وعافية
شوفي **
ومقطع تاني :
ولا 0000 ناديتك 000
الناداك احساسي وشوقي شدي خيولي وكت لاقيتك
وجبتك مني جنين مستوطن عصب الفكرة وقم تاتيتك 000
ويوم فرعون الزمن الظالم فتش عنك انا تاويتك
واوحي خيالي توانس يم احساسي المرهف**
وفيهو اختيتك وكان تابوتك اني اوسد ذاتي ***
مسامك 0000
وفجأة رميتك 000 ولما رميتك اتمازجتا الولد الفطرة 000
واتكونت الريد الفكرة ***
وكنت صباح الليلة وبكرة ***
وكنتا شعاع الزمن القادم ونور الحاضر **
وذااااااااات الذكري ***
ومقطع تالت :
ما غنيتك 000 الغناك داك الوتر الحائر
وانا مابنكر استنيتك 000
لا وصلتك 00لا شريتك 00 انا لا دورتك 00
ولا نــــــــــــــــــــــي ابيتك 000
لا طلقتك انا 000 لا رديتك
وتيمتك واضوتيتك 000 لا استنشقتك
عنصر تالت بدي مجال لاي تأكسد في كريات الريد
في بيتك ***
انا ادمنتك لم عقاب الزمن استوطن فيني خراب ***
ورجعت مشيتك**
سكة تلملم باقي الحسرة لو ما
داريتك 00000000
وانا داريتك 000انا داريتك
انا داريتك 00000 انا درايتك
بين شوطأن البال والخاطر **
وفي ضليل الغيم الماطر **
وفي همسات اطفال بتغني
فاطمة السمحة وحسن الشاطر
ويأنــــــــي السحمة ويأكا الشاطر
لانــــــــــي زليخه عشان ما
اراودك ولا ألاقيك يوسف ***
شان ما تابـــــــي ***
لاشديتك عود وربابه
ولا دقيت ايقاعك مبدأ
ولا حرشتك تمشي الغابـــــــــــــــــــة**
ولا كلمة البحر ****شان ما تطلع انتا**
سحابه***
ومقطع خامس :
انا *** بالجد *** بالجد
حبيتك وانا بتوكل ادخل جواك ما دمت بي الانفاس ***
تاويتك وانا بتوسد عصبك عنوه وتدخل انتا جواي **
ياريتك وينووووووو غناي لو ماغنيتك وشن **
غنيتك,,,,,,,,,,,
ويأنـــــــــــي عصير زيتونك 000 ودارك 000 ونور مشكاتك
ونورك000 وزيتك 000 بس ياريتك لو تمسس روحك فكرة
أني نسيت اسمي00
ما نسيتك بس ياريتك لو تمسس فكرة اني نسيت اسمي ما نسيتك
لا ابراهيمك 000 لا موساك 00 لارؤياك 000
انا لا فرعونك 000 لا موساك 000
لا ثعبانك لانـــــــــي عصاك 000
انا بس يا دابك يادابك ساكنة مسامك وجبرآ
جاريـــــــــــــــــــــــــــــة مجاري دمــــــــــــــــــــــــــــــــــــــــــــــــــــــــــــــــــــــاك**
التحية مرة اخري لصاحبة هذة القصيدة
وارجو ان تمدوووووووونا بقصائدها لو احدكم يمتلك لها بعض القصائد 0000000

القصيده فعلا رائعه وهي تجسيد بديع للحاله النفسيه
التي ارادت الشاعره القديره ايصالها الى زهن المخاطب
وتعريفه بالدرجه التي وصلت اليها من الوله
ودائما ما نجد جمال قصائد الر ائعه نضال الحاج
في قصائدها التي يغلب عليها طابع الحزن والاسي

سلمت اناملك خالد

انا ادمنتك لم عقاب الزمن استوطن فيني خراب ***
الله يخليك ياابوروف
ويعطيك من الصحة ما اوفرها
قصيدة لا كل القصائد
خيال واسع وابداع واختيار
للكلمات بادتقان
في النص وترابط بين
الشطر الاول للثاني
بمعني مختلف لا خر
وهذا يدل علي انها حقآ
شاعرة جميلة ورقيقة
ومفعمه بالنشاط الحسي الحديث
في محتوي القصيد
وتسلم علي حبيبنا ع المروووور
بس ادينا حاجــــــــــــة منها
ولو حرف ,,,,,,,,

شووووووووووف يا خااااااالد كيف نضال
جسدت الكراهية

انا بكرهك
بس بكرهك
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هوي هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد فلبي ولا قسيت لكن طلعت خيال عشم
ضمخ رؤى الوجع المميت
انا بكرهك
قدر اشتهاي
انا بكرهك
قدر الغرام الكان زمان كابت مساماتي وهواي
انا بكرهك
قدر اني ما لودت بيك كريات شراييني ودماي
انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سخت شمسك علي
كانت سماي مليانة غيم
فتق جراحــاتي
فتق جراحاتي وامش
خليني في لهب الجحيم
انا قلت ليك..
انا بكرهك
قدر المواسم الشادة خيل الريد عليك
انا بكرهك
قدر المصائب الحارسة بوابات مجيك
انا بكرهك
نفس المساحة وحجم قلبي الكان تملي بيشتهيك
بقى بكرهك
واتوكل ارحل مني فوت
حرمان علي قلبي الكلام
كان غيرك اجتاحو السكوت
خليهو قلبي الاندفن
تنسج عليه العنكبوت
اوخلي.... من بعدك يموت
الموت اخير......
من اني افضل
في رحابك وفي رجاك
انا كنت لو غاب القمر دائما بضوي
ضلام دناك
وانا كنت لو غيمك رحل
بطلع عشان اسكن سماك
وانا كنت لو بردك نزل
بوقد صوابعي لهب حداك
لكن منو القدر كدا
والله لو انا في محلك
بنسج الشمس احترام
واهديها ليك متمددة
بفتح كراريس الكلام
اختار حروفي واجردا
بنبش قبور المستحيل
كلمات شكر متفردا
لكن خسارة على قلب
حباك بلا ما يعرفك
انعل ابو القلم العلي دفتر غناك دمو انسفك
انعل ابو الشعر الغشاني وغنى فيك والفك
منعول غناي
منعول غناي كان ما امتطيت خيلي وبقيت اتاسفك
بتاسفك وكتين عيوني بسوقن الشوق لي انتظارك
لما ليلي يسوق محاسنو وينهزم عندك نهارك
لما ابكي انهزامي عشان ابارك انتصارك
لما كوكبي ساب مدارو رحل عشان يسكن مدارك
كنت مالي زمان ومالك
لكن وحاتك بكرهك
ندمان
ندمان على عمرا معاك ضيعتو
ضيعتو في غفلة زمن
ندمان علي
دمعا سكبتو على رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كلما يطول ليلي ويواتيه العذاب
انا بكرهك
كل ما القلم يركب مصاعب الدنيا
يمشي على الكتاب
انا بكرهك
كل ما الفراق كتل مضامين العشق سدالو باب
انا بكرهك
قدر العيون ما تلبس التوب الزراق
تتوضأ موية الانتحاب
انا بكرهك
من كل باب انا بكرهك
واتوكل ارحل من جواي
غلطان اذا قلبك هداك قال ليك حا تفضل غناي
غلطان اذا عقلك رضخ لي ظن يقول انك حداي
والله ما فارق معاي
انا كنت ناوي اجملك
بس كنت ناوي اجملك
وامسك مضامين اللغات
من فيض حروفي اكملك
ترحل علي درب العشم
بي زاد هواي احملك
وكتين اخش قلبك جرا
واقطع قليبي وادملك
ندمان منو
انا غايتو ما ندمان عليك
اتوكل ارحل من جواي عيش العذاب الباقي فيك
ولو قلبك اتجرأ رجع
حقك تلومو علي مجيك
شان قلبي انت مليتو دم
ياخ فلبي انت مليتو دم
ما عادلو باقي يسبو ليك
على كل حال
انا بكرهك
عدد الحصى وعدد الرمال
انا بكرهك
عدد الصواب والاحتمال
انا بكرهك
عدد الحقائق والخيال
انا بكرهك
عد الشنة وعدد الجمال
انا بكرهك
عدد الاجابات والسؤال
انا ابكرهك
عدد الشعر ماسنة سيف الارتجال
انا بكرهك
عدد اللي ممكن والمحال
انا بكرهك
عد ما زمان قت ليك تعال
انا بكرهك

مستورة حالي وراك وفوت
يا دابو ليلك همو طال
مستورة حالي وراك وفوت
يا دابو ليلك همو طال
على كل حال
انا بكرهك

وشووووووووووووووووووووف الرد على القصيده

انا بعشقك
بفتح شبابيك قلبي ليك
ريدا وغرام بستنشقك
وبوقف حروف القول عليك
بدمي للكون برسمك
وانا بعشقك
انا بيك بكون عالم جميل
لافيهو اهة ولاندم
وانا فلبي بيك يا ست هواي
صالح جروحوا واستجم
يالفيني ساكن ومشتهيك
يا اقصي غايات العشم
مكتول هواك يا احلي زول
لو بالفصيح او بالعجم
وانا بعشقك
مين السواك اهداني ريد
جوة القليب نبضو اتزرع
ومين السواك داوي القليب
من كل اشكال الوجع
ناخب فؤادي اشر عليك
اداك نبضو واقترع
سطر حوف اسمك غنا
احرف غناك ليها اخترع
وانا بعشقك
ياماليه جواي باليقين
بيك الحياة ما اجملا
انابيك بتحدي السنين
يابت فريده ومذهله
عبيني يومات بالحنين
كان يوم اطول فيك العلا
وافيهو لي عهدي الامين
كان يوم اطول فيك العلا
وانا بعشقك
باختصار
انا بعشقك
بالليل نهار
انا بعشقك
عز الشتا او جو حار
رغم الالم والانكسار
انا بعشقك
رغم الاسي والانتظار
انا بعشقك
يابت بتدي الكون نضار
انا بعشقك

رائعون انتم بروعه المنتدي.. وفعلا هذا النوع من القصائد يستهويني واقف عنده لانه خارج عن النمطيه واللون التقليدي للشعر وفيه تجديد لنفسيه المتلقي...بس البت نضال دي شكلها بتكره اكتر من اللازم لانو الزول البريد ما بكره قدر ده.

نزار الغرقان كتب:: رائعون انتم بروعه المنتدي.. وفعلا هذا النوع من القصائد يستهويني واقف عنده لانه خارج عن النمطيه واللون التقليدي للشعر وفيه تجديد لنفسيه المتلقي...بس البت نضال دي شكلها بتكره اكتر من اللازم لانو الزول البريد ما بكره قدر ده.

انا بيك بكون عالم جميل
لافيهو اهة ولاندم
****
مكتول هواك يا احلي زول
لو بالفصيح او بالعجم
تسلم ياغالي ,,,, ذي ما قلت شعر جميل وواضح جدآ يعني لهذا العصر وخاصة مثل هذه القصائد
هي لنا ,,,بها تجديد ومعاني حقيقية موجوده بداخلك لو نظرة لها ,,,وحتي لو اضطررت الرجوع للماضي سوف
تجدها مجسده لك ,,, لكن يا نزار استاذ نضال دي قدر ما بتكره بتحب وحب ما عادي انسان بمثل
هذه الموهبة تفتكر بيكره ,,, ولاي انسان منا تجارب توجت بالفشل ,,,وهي احسن مننا كتير
قدرت تخفف وتواسئ نفسها بالحرووووووووف ,,,,, ولا شنو ؟؟؟؟؟؟

بالرغم من اني لاأميل إلي كثيرا لكن القصيده عجبتني..ونتمني مزيدا من الابداع.

ابوروف يا متابع

وعدتك