الخرطوم والبصات الجديدة

البصات الجديدة تبدأ عملها بالخرطوم ووقف تراخيص الحافلات :

11/7/2010

تدافعت أعداد غفيرة من مواطني ولاية الخرطوم لاستقبال البصات الجديدة التي تم تدشين عملها أمس وبدأوا باستقلالها مباشرة للوصول الى مقاصدهم. وشهدت الولاية موجة من الارتياح لطريقة عمل البصات الدائرية التي تختصر الزمن وإنفاق المال في وقت أعلنت فيه ولاية الخرطوم عن إيقاف تراخيص حافلات أو بصات نهائيا حتى إذا كانت مملوكة لمسئولين بالدولة ، فيما وصف نائب رئيس الجمهورية علي عثمان محمد طه مشروع البصات بالمشروع الحضاري المتكامل الذي يحافظ على قيمة الزمن. وطالب لدى افتتاحه أمس عمل البصات بالساحة الخضراء بالخرطوم العاملين عليها والسائقين بالمحافظة عليها.
من جانبه حسم والي ولاية الخرطوم د. عبد الرحمن الخضر الجدل الدائر حول مصير الحافلات بالولاية بتأكيده على مواصلة الحافلات لعملها في نقل الركاب في خطوط مخالفة لخطوط البصات بجانب مشاركة الجهات الأهلية وأصحاب الحافلات بنسبة (24%) من أسهم شركة المواصلات بالولاية فيما تساهم حكومة الولاية فيها بنسبة (15%). وكشف الخضر عن وجود عدد (40) الف حافلة بالولاية أكثر من (27) ألف منها غير مرخصة. بجانب وجود أكثر من (60) الف ركشة مرخص منها (27) ألف فقط. وأماط الخضر اللثام عن أن كثيرا من مشاكل الركشة تنتج عن امتلاك غير السودانيين لها. وكشف عن تشكيل لجنة لدراسة الموضوع وقال إنها تحتاج لعلاج بمنظور متكامل.
وفي السياق أعلن مدير شركة المواصلات العامة علي الخضر عن قيمة التعريفة للبصات والتي تتراوح ما بين (1-2) نفس تعريفة الحافلات جنيه وتوقع وجود خسائر وصفها بالكبيرة جدا في بداية عملها. وقال إن البصات ستعيد مجد أبورجيلة من حيث الانضباط في الزمن فضلاً عن مزاياها الاخرى إذا أنها سريعة ومكيفة وبها نظام تتبع عبر الأقمار الصناعية. وأكد أن البصات تتمتع بميزة عبور جسري المك نمر وكوبري النيل الأبيض القديم وأن البصات ستعمل في شكل خطوط طويلة دون توقف وخطوط دائرية . واوضح أن العدد الذي دشن به المشروع لا يساوي الا (4%) من حاجة الولاية لسعات النقل الكبيرة.

منقول,,,,, السوداني

ود عبد الباقي احييك علي المتابعه وانت غني كل الغني عن البصات ...لكن اتخيل لي المشكله الحقيقيه ليستفي عدم وجود وسائل نقل.....!!! بل المشكله في في عدم الشوارع الصالحه للسير واقرب مثال شاهدته وانا راكب الترحيل صباح اليوم عند مدخل السوق الشعبي القديم حيث تعارضت الكارو في طريق البص ما ادي لقفل الشارع وايقاف الحركه نهائيا ...غير كدي تذكرتها غاليه مقارنه بالحافلات الخرطوم جبره 1جنيه في حين انو الحافلات أسرع....وفي النهايه المشكله شوارع وليس بصات.....

والله انا بصات الخرطوم الجديده دي شايفه ماشه في الزلط زي الزول الكبير بيلعب في كوره مع شفع في الميدان..

قلت الشغلة ليك شنو يا اخوي بعد الله ريحك ومشيت السعودية تاني بتغازل في العقارب ليه
نسي الشقاء يافتي و استمتع بالحياة السهلة وبطل الوطنية دي

المشكلة في الشوارع ولا في الناس المساكين ديل ياكلوا من وين ,,, يانزار ؟ واصل الفكرة غلط مفترض يراعوووووووا للناس الغلبانه دي وقت ما ادوها كامل و كلها خصصة في خصخصة بس براهم براهم ولينا نحنا حرام ويظل الظلم كالشمس كل يوم يتجدد باسلوب مختلف عن اليوم القبليهو الله يكون في عون الناس الذين يمتلكون حافلات والشباب خريجي الجامعات الذين يمتهنون من الرقشات مصدر رزق و دخل لهم ومبسوطين رغم الايصالات التي يحصول عليها من السلطة ولايعشمون في الوظائف الحكومية وهم متاكدوا تماما هي ليست من حقهم والقوي فيهم هو الانقاذي ولا قوي غير الله بس هنالك اشياء تخلي الواحد استغفر ويشهد من الاعمال الحصرية دي ومازال مدها مستمر وح نشوف تاني شنو الجاي ,, واكيد يانزار الخرطوم ككل مشلكتها شوارع وعشان كدا لازم تلقي بتاع الكارو المسكين دا سادددددي الشارع برضو ماشي للزرقو معزور وماهماهو طريق يتسدي ولاغيرو (لان لديه دوام وزمن وح يتعاقب علي التاخير ولا رايك نزار ) وح تلقي غيرو كتير سانرين علي نفس خطي السابق له ويسد الطريق اما بالنسبة للتعريفة برضو غالية جدآ ودا منهم اذا نحنا دولة مستخرجه للبترووووووول اين نحن من تخفيض سعر البنزين ,,الجالون قال ليه بقي ( جينه بالله شوف دا كلام برضو ويقول ليك ظهر بترووووول في الحته الفلانه شن فائدة ظهورهو ياحبيبنا ومازال العجز كما هو وهو نحن ما قادرين ناكل وما قادرين نوفر حتي كيس الصعوط خليهو حق الموصلات عشان تقول ليه 1 جينة ولا 2 جينة وبعد دا كلو بطيئة ذي ما قال ليك محسن ويعني خسارة قروش وتاخر في الفاضي وغصبآ عنك بالله شوف ,, دينا والله والله المستعان علي في حق كل من صبر علي هذة الكارثة وخصوصا اصحاب الحافلات والرقشات بعد حقو العندي حافلة اطلع بيها بره الضهرة بس بدل الكوارو الموجوده في تلك المناطق وهذا ليس استهزاء بهم ولكن احسن من الايصالات والتي سوف يتزداد صرفها عليهم بعد هذا الحدث العظيم والجلل وكما يتدعون في سبيل راحت المواطن ,,,,
ولك التحية الاخ هاشم
كلام حلو بس الراحه وين في بلد ما بلدك وخصوصا انت تعمل ليل نهار وبعد كلو حقك بتاخدو علي داير ملين احمر
والمغصقه تشق وين ما تقبل حتي ولو في الواق الواق ان صح التعبير ,,

تحيه مسائيه خالصه إليك ياناصر الاحزان والله مشتاقين كتير وكيف انك مع نار الغربه نتمناها بردا وسلاما عليك ايهاالرائع اما بالنسبه لموضوعك فقد اعجبني كثيرا واستمتعت به بما فيه من معاني شيقه وكلمات معبره لمواساه الخريجين احزانهم ورد حقوقهم المسلوبه ..فمايسعني إلا ان اهديك هذا البيت من الشعر..{لاتاسفن علي قدر الزمان لطالما لعبت فوق قبور الاسود كلاب**لاتحسبن بلعبها تعلو علي اسيادها فالكلاب كلاب والاسود..}دمت ناصراللاحزان..

شكرا ود عبد الباقي وانت تستفرغ الاحباطات وتزفر الاحزان في بلد المليون ميل مربع ولا نملك من 5متر مربع في بلد ظلت تهافت علي كل مستحدث وتتمشدق بكل مل لا يمت للحضاره بصلة بلد اصبحت تتفسخ عن جلدها كما الثعابين عند تداخل الفصول واقتراب موسم الصيف’ بلد صارت معايير الحضاره عندها مجاراة الغير وتقليد كل ما نراه ونسمعه وما لم ...البترول وما ادراك ما البترول وما اجهل الناس به ....وما اصعب مهمته في بلد ظلت ترزح تحت ثالوث الانسانيه المرعب... الجهل...الفقر... المرض...اذن المشكله جماعيه...كلنا متهمون ...أنا وانت والبترول وشركات ال.. والناس البتنادي من بره..حتي البكتبو الجرايد ويسودوا صفحات الصحف عليهم الجرم الاكبر لانهم اول العالمين بباطن الامور...وفي مطارات بانكوك وامستردام نواري علبه السجائر في جيوب المعاطف خجلا من اناس ليس منا ولسنا منهم ونقدس علامه ممنوع التدخين حتي ان لم تكتب بلغتنا وفي صاله وصول مطار الخرطوم نتواري في بعضنا لندخن تلك السيجاره التي حرمناها يوما ونصف اليوم...الم اقل لك اننا نحن !!!نحترم غيرنا ونعجز عن احترام انفسنا وعلي ذلك قس

كلام زى الجرايه

» شباب الجامعات
» الخال الامام محمد ابراهيم الي الخرطوم
» افتتاح مدارس قوز ابوروف الجديدة
» الف الف مبرووووووووووك للاخ علي الامين المولوده الجديده