طرائف عوض دكام وابوداؤد

عوض دكام مرة جوهو ناس الزكاة في مكتبو
قال ليهم اها ان شا الله خير
قالو ليهو والله نحن العاملين علي جمع الزكاة
ودايرين نحصل ما عليك من زكاة
قال ليهم كدي اقروا كتب الفقه العندكم شوفو العب عليهو زكاة

الدكتور عوض دكام بحكي وقال:
ناس الحكومة طلبوا من كل الدكاترة يعملوا دفاع شعبي
المهم قاموا ودوهم معسكر جبل أولياء وطلبوا منهم يجكوا
داخل الحلة، قام هو ومعاهو بروفيسر زاغوا فى نص الجكة
ودخلوا الحلة وهم لابسين الميري بتاع الدمورية، وكانوا
عطشانيين شديد، فدقوا باب فى الحلة، وطلع ليهم شافع
قاموا قالوا ليهو: عليك الله أدينا موية
الشافع جاب ليهم الموية وشافهم شينين كدا ولابسين الميري
إفتكرهم مساجين، فقام قال لي د. عوض دكام: ياعمو إنتو عملتوا
شنو عشان ودوكم السجن؟
قام د. عوض دكام ضحك وقال ليهو: سجن؟! حرام عليك يا ولدي
ياخي أنا راجل دكتور، وعمك اللي جمبي دا بروفيسور كبير فى جامعة الخرطوم
قام الشافع فكاها فيهم ضحكة قوية وقال ليهو: والله ياعمو إنت بتقنبلا جنس قنبيلة!

عوض دكام الله يرحمو جاء الحج وبعدين فى الصفاء والمروة
عمل ليهو خمسة اشواط وتعب خالص ونفس وقف من الطواف
اتلفت يمين وشمال الناس جارية مافى زول اشتغل بيهو
قال ليها ما بالغتى يا هاجر ؟؟؟؟

ابوداود أيام قوانيين سبتمبر... النيل أبوقرون كان طالع في الكفر...
نميري اتلفت لوراء فجاءة لمح ابوداود... قال ليهو ..أبوداود !!رد ليهو أبوداود "لا أبوقرون يا ريس"
.................................
.ايام الاوسمة بتاعت نميري يوزع فيها شمال... لا قي ابوداود ..
نميري : كيفك يا ابوداود...
ابوداود : زعلان منك يا ريس
نميري : ليه...
ابوداود : شغال توزع في الأوسمة يمين و شمال و نسيتنا..
نميري : لكن انت يدوك شنو يا ابوداود...
ابوداود : اي حاجة ان شاء الله عب السودان البار

ابو داؤود وخالد ابو الروس
اتلاقو في المجلس القومي للآداب والفنون
ابو الروس صاحب فلجة واسعة
ابوداؤود قال ليه نكتة
ابو الروس يضحك ويضحك
ابوداؤود قال ليه :
عل
أبو داؤد راكب عجلة وفي كلب
جاري جنب كرعيهو وشغال: هو،
هو، هو، هو، هو......
أبو داؤد قال ليهو: ما تمشي
تشوف شغلك. أنا راكب عجلة
ولا عضم؟

عوض
دكام الله يرحمه متزوج مصرية المهم ولده كان لاعب كورة مع فريق الحلة
وغلبوا فريق الحلة الجمبهم وديل من الزعل دايرين يدقوا ولده وجارين وراه
وبكوركوا دقو الحلبي ولد الكلب ولده جرا وادسا في البيت قام عوض دكام طلع
ليهم وقال ليهم :
حرام عليكم ياخي دا ولدي انا
قام واحد فيهم من الفريق المغلوب قال دقوا الحلبي ولد العب.

المرحوم
أبو داؤود.. جاي هو والعازفين من حفلة بالليل وراكبين حافلة وصلوا جنب نفق
بري والوقت داك كانت في حالة طوارئ في البلد ونظام حظر تجول ، في الحافلة
العازفين بي كمنجاتم وعدتهم كلها فوق في الحافلة وقفم ليك العسكري.. وعرف
ليك أبوداؤود.. يا ابوداؤود كيف الحال واخبارك وماعارف ايه.. وابوداوود
سلم عليهو .. بعد السلام العسكري سأل أبوداؤود.. قال ليهو .. اها يا أبو
داؤود جايين من وين بالليل ده... قام أبو داؤود قبل وعاين للعازفين وقبل
عليهو تاني قال ليهو ..... جايين من فاتـحة!!!!

منقول

مشكور يا ابوروف علي الفرفشه وبرضو من نكات عوض دكام مره كان معاهو حامد بريمه حارس المريخ السابق- طبعا هم الاتنين من قبيله النوبه-قال ليهو والله يا حامد بريمه لو ما انا دكتور وانت حارس المريخ كان هسه مكاوينا تتطاقش يعني كان مفروض نكون شغالين غسالين

تمام يا عوض دكام

مشكور ابوروف على الطرائف الجميله
دى

تسلم يا دكتور يارائع علي الطرائف الرائعه جدا

المرحوم
أبو داؤود.. جاي هو والعازفين من حفلة بالليل وراكبين حافلة وصلوا جنب نفق
بري والوقت داك كانت في حالة طوارئ في البلد ونظام حظر تجول ، في الحافلة
العازفين بي كمنجاتم وعدتهم كلها فوق في الحافلة وقفم ليك العسكري.. وعرف
ليك أبوداؤود.. يا ابوداؤود كيف الحال واخبارك وماعارف ايه.. وابوداوود
سلم عليهو .. بعد السلام العسكري سأل أبوداؤود.. قال ليهو .. اها يا أبو
داؤود جايين من وين بالليل ده... قام أبو داؤود قبل وعاين للعازفين وقبل
عليهو تاني قال ليهو ..... جايين من فاتـحة!!!!
الله بعطيك الف عافية ياعزيزنا ابوروف علي الطرائف والمواقف الجميلة وضحكتني والله شديد ,,,,,

تسلموووووووووووووووووو يا شباب
ع المروووووووووووووووووووور

يازووووووووووووووووول والله اجمل من طرائف
عوض جادين والسر ادم جابر مافى
ياريت الاخ على يدينا من بيت الكلاوى

والف تحية ليك يااخ ابوروف

» طرائف الانتخابات
» طرائف من التراث الاسلامي