نــــــــــــــــــــــــــــــكته ,,,,,,,,,

قالوا ليك في مسطول سوداني جامد جدآ وخيالو واسع قدر ماتتخيلو قاعد مع مسطول مصري قال ليه (تعرف ... الدينا دي كلها مآسي ) المسطول المصري قال ليه ( ليه .... هو مقاسك أد ايه)...
مسطول عملوا معاه لقاء في التلفزيون "المذيع سأله " ماهو اصعب موقف مر بيك في حياتك ؟؟؟؟؟
المسطول قال ليه "يوم ماكنت بحلق في دقني وبلوك لي في لبانة ",,,,,,,,,,

و الله المساطيل ديل لو خلو السطل دا يكونو الذ ناس نــــــــــــــــــــــــــــــكته ,,,,,,,,, Icon_biggrin

هو لو ما السطله دي
اللذه ما فارقوها فراق الطريفي
لجملو

انتو يا شباب لية النكات كلها بقت مساطيل والناس مساطيل دايرين ناس واعية وبعدين الايام دى الجو زاتو ساخن حبتين

ياود عبد الباقي الظاهر الهمبريب ضربك مدام بتفتش في نكات المساطيل

خالد النيل كتب:: ياود عبد الباقي الظاهر الهمبريب ضربك مدام بتفتش في نكات المساطيل

والله ياودالنيل مادام الزوول زهجان ومدبس لازم يفكها شوية بالمساطيل ديل ,,, واضافة لذلك يعجبني عالمهم ذات الخيال الواسع والمبدع ,,, ولك الود خالد النيل

هاك يا خالد أتصبر بالحته شخدناها ليك من الجيران ...بس ما تقول لي مكرره شوفها وانت ساااااكت

تاجر بانقو اتقدم لى بت ..........اهلها سالوه شغال وين ..........قال ليهم:
فني تكييف

مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة

استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق

مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة

مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

سألو مسطولة سودانية ترشحي مين لقيادة حماس؟ اجابت: راغب علامة

مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف

واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع

واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!

مسطول سأل التاني : الطحنية دي بصنعوها من شنو؟ قاليهو: من النشاره!!

مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟

مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم

مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة

مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟

مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك

مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق

مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري

مسطول قدر ما يشرب سفن اب (7 up) بقي يمشي سبعة خطوات وينط....

مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش

واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة

مسطول بحب نفسو... كتب ليها جواب

مسطول دخل يدو في مويه نار مرقا لقاها مافي.. دخل رأسو يشوفا مشت وين

مسطول سالوه ما اصغر شئ في الدينا
قال ليهم
شامة في ضهر نملة

واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون

ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)

سألوا مسطول عن اكثر زول صبور قال واحد منتظر نانسي عجرم في قناة اقرأ

واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت

سألوا مسطول عن اكثر زول صبور قال واحد منتظر نانسي عجرم في قناة اقرأ
نزار قطعت مصارينا بالضحك ,,,
مباااااااااااااااااااااااااااااالغة

لازم نضحك مع الزمن العريض وطويل ده.....اه

الله يخليك نزار صاحب القلم الجميل المتألق دومآ وابدآ بالجديد والمفيد ومنكم نستفيد ,,, بس ابدع لنا بالنيو في عالم الطرفه والفكاه ,, اخوانا المساطيل لديهم عالم خاص وجميل ,,,
قلت ليه قال اخيراً الواحد يقدر يكب بنزين كداري) ,,, والله لكن سطله عجيبة ,,,,هههههه