تحت الامطار للفيتوري

من اجمل ما كتب الفيتوري وكثيرا ما اتصور مشهد هذه الخيول تحت الامطار والسائق يضرب يها بلا رحمة .....خلو الفيتوري يتكلم احسن

ايها السائق رفقا بالخيول المتعبه
قف
فقد ادمي حديد السرج لحم الرقبه

قف

فان الدرب في ناظرة الخيل اشتبه
هكذا يغني الموت حول العربه
وهي تهوي تحت امطار الدجي مضطربة
غير ان السائق الاسود ذو الوجه النحيل
جذب المعطف في ياس علي الوجه العليل
ورمي الدرب بما يشبه انوار الافول
ثم غني سوطه الباكي علي ظهر الخيول
فتلوت
وتهاوت
ثم سارت في ذهول

و الله الزول القصير دا ما ساهل

لك التحيه علي الامين وان تدرك الكل كالموت وفي اي مكان ....الراجل ما فيه كلام بس مرات عندو شطحات ما عليك بيها ...زاحييك وانت تشمخ شموخ هذا البحر والمركب والارض والفن الذي تسمعه اذنك .....(ممتاز حفظك الله ورعاك ) ولاكيف ؟؟؟

لا حول ولا قوه الا بالله.... تشبيه علي الامين بالموت تشبيه ضمني وفيه وجه الشبه منتزع من متعدد وكلاهما يدركونا اينما كنا ...شكرا ود الامين وانت تذكر يوسف النو
شكرا يوسف النو ذكرتنا الموت ..شكرا الموت دائما يذكرنا ان الحياه الدنيا تافهه ولا تسوي اي شي

و الله يا جماعة حيرتوني
دا اسي شكر و لا نبذ
غايتو
ساخرج من سوء ظنى الى حسن ظنكم

كتر خيركم
و الله يا يوسف و نزار شغلة المنتدى زي زمان ساعة كنا صغار الفريق
كان الواحد يمرق من بيتهم يجي بيت ناس عمى النو
-تخش الراكوبة تلقى ناس عمتي التاية في سو في الجبنة
-يوسف وين؟
تاني تمشي تخشي الديوان
تلقا ليك جماعة كدي ما عندك معاهم جاز
-يوسف كان معاكم هنا
-اي طلعو هو و نزار قبل شوية
-اها يا زول الشغل دي بي وراكم كدا لحدي ما ادرككم و انت جايين من البلدات محملين بخيرات التقاة الما معروفه حلال و لا حرام
وراكم و الزمن طويل

شكرا" جزيلا
الموت
خالو يوسف
علي الامين
نزار