وضع حجر اساس المركز الصحي

سوف يتم الاسبوع القادم باذن الله وضع حجر الاساس للمركز الصحي الجديد والذي يحتوي علي غرفة عمليات جراحه ووولاده بالاضافه الي عنبرين رجال ونساء وصيدليه تامين صحي وسوف يكون هناك طبيب عمومي دائم بالاضافه للملحقات الاخري ومن المتوقع ان يشيد غرب مبني المدرسه التانويه..علما بان تم التعاقد مع الشركه المنفذه لمواصله العمل في الاشهر القادمه..

دا كلااااااااااااااااام زي الدهب ..لكن خائفيين من بعزقت القروش ...
والعوده الي العون الذاتي والأسر المقتدره ,,,,, واولاد الحلال
والله يكضب الشينه(سطرين ونص)

والله كلام جميل وأتمني إنو ما يكون حجر أساس بس !! يا خطاب خوفتنا من العون الزاتي قلنا الرووووووووب من البكاسي الراكبين فيها ود الافندي وكرتاي دي

كان في واحد كضاب كضب شديد في ايام الشيخ فرح ود تكتوك...وكل مره بجي يكضب علي الشيخ فرح والله يابا الشيخ الليله جيش المهدي كتل خمسمائه خواجه والشيخ مبسوط منو ويجيهو تاني يابا الشيخ التعايشي قالوا التعايشي حرق 10 سفن من الانجليز والشيخ معجب بكلام الراجل لمن قالو لي الشيخ انت الزول ده عارفو دجال بتسمع كلامو لي شنو؟ قال ليهم انا عارفو كضاب لكن كضبو حلو وبعجبني ساااااي

القصه مكرره لكن عاجباني سااااااااي

دايما يا ود الخاله خشمك فيه اللبن ....مشكوووووووووووووووووور

ربنا يستر من مواسير كبر

و الله شي جميل
نتمنى ان يكلل بالنجاح

علي الامين كتب:: و الله شي جميل
نتمنى ان يكلل بالنجاح

ابوروف كتب:

علي الامين كتب:: و الله شي جميل
نتمنى ان يكلل بالنجاح

رايت بعيني الاسبوع الفائت وصول مواد بناء اوليه عند موقع المركز الصحي الجديد المقترح بجوار الصهريج الغربي...وعندما سالت عرفت ان الجهه الوكله بالتنفيذ سوف تبدأ عملها في الاسابيع القادمه..وهذا بشاره خير ولا احلي منها..وكلنا نقول يارب تسهل الامور

بسم الرحمن الرحيم
الاخوة سلام عليكم
مبروك المركز الصحي و ربنا يديم علينا وعليكم نعمة الصحة والعافية
بالمناسبة لدي وجه نظر في المركز الجديد المزمع انشائه في القرية متمثله في
اولا المركز مكلف جدا ليس من الناحية الانشائية فحسب بل من جانب التشغيل ايضا
لذلك الافضل ان ندعم المستشفي في دوبا حتي تقوي وتستقر لتخدم بصورة افضل من
الان وهي ليس بعيدة من القرية ونطور المركز الحالي لتقديم الخدمة الاولية
المركز الجديد يشتت الجهود والتركيز سواء بالنسبة للمحلية كادارة للمرافق الصحية
في النمطقة وايضا بالنسبة لمتلقي الخدمة اين يذهب المركز ام المستشفي
لذلك يجب الغاء الفكرة وتحويل التكلفة لدعم المستشفي
والله من وراء القصد

الاخ هاشم:
اتفق معك تماما...وبرغم ان البحر لا يأبي الزياده الا ان موسستين صحيتين في قريه بحجم قوز ابوروف تعتبر كثيره...وكما ذكرت ان تكلفه التشغيل تعادل اضعاف التشييدالشي الذي تعجز عنه وزاره الصحه-سنار ويعجز عنه الدعم الذاتي بالقريه ..ومن ثم يتحول المركز الصحي الي نقطه غيار او شفخانه وهي الان موجوده إذن لا داعي لشفخانتين...والتجربه واضحه في مستشفي دوباالريفي الذي به عربه اسعاف تقدر بمائه مليون جنيه لكنه يفتقد الي ابريق وضوء بجنيه واحد وذلك لشح الدعم...وبالنسبه لمركز قوزابوروف الصحي ذي ما بقولو البقت بقت وحتي المقاول استلم حقو.يعني ما في طريقه لاقتراحك يا هاشم. وكل املنا ان يفطن القائمين بالامر الي الاشياء التي تودي الي تدهور الخدمات وتجاوز كل السلبيات التي حصلت في مستشفي دوبا الريفي...
والله المستعان

اويد الاخ هاشم فيما ذهب اليه
يجب تحسين المركز الصحي الحالي و عدم استنزاف موارد القرية في مشاريع تنافسية تكلفة تشغيلها اكبر من تكلفة تأسيسها

عقلية المنافسة بين دوبا و القوز يجب ان تذهب الى غير رجعةو خصوصا ان الوضع قد تغير تماما مع الوعي الذى عم المنطقة يجب ان يتضامن اهل القوز مع اهلنا في دوبا لانجاح مستشفى دوبا و كل المشاريع التى تخدم المنطقة

عفوا شبابنا ...قبل ايام كنت اعضد نفس الفكره اننا ليست بحاجه لمركز صحي يجب دعم المستشفي الريفي في دوباونصرف باقي المبلغ علي اولوياتنا في القوز وعند التشاور مع الاخوه القائمين علي الامر وضح لي الاتي:
- المركز الصحي يحتوي علي 2 عنبر (حريم-رجال) وصيدليه بها خدمات تامين صحي وطبيب عمومي ومساعد طبي بالاضافه الي المرافق الحيويه حمامات ...وغيره بتكلفه كليه 240الف جنيه تدفعهاحكومه سنار وتم تمويلها بواسطه البنك المركزي تسدد باقساط طويله المدي.
- كل الاجراات الماليه وعقودات التنفيذ قدتمت اذ لا مجال للتعديل عن الفكره...
_ حسب اللائحه لكل 10الف نسمه يستحقون مستشفي ريفي وتعداد القوز الان اكثر من 6 الف نسمه لذا يعتبر نواه تمهيديه للمستشفي الريفي باضافات بسيطه..
- تفويت الفرصه هذا يعني لجهات الاختصاص عدم حوجه القريه وعلما بان الفرص لا تاتي قريبا
-التردي المريع في خدمات مستشفي دوبا حتي اصبحت مركز صحي هذا الخلل يجعل قيام المركز ضروره ملحه.
- هنالك اكثر من اربعين اسره لديها خدمه تامين صحي زائدا 100 اسره متوقع دخولها ضمن ديوان الزكاه كل هذه الاسر تتلقي الخدمه في مستشفي دوبا فوجود مركز صحي بها وحده تامين يوفر للاسر عناء الذهاب الي دوبا.
- وجود المركز بالمواصفات الذكوره اعلاه يوفر اكثر من 15 فرصه عمل لاهل القريه بالتالي مساهمه في الدخل..
ارجو ان اكون اوفيت والشكر اجزله لأبناء القوز المتابعين لهذا الصرح الحيوي ونسال الله ان يجعله في ميزان حسناتهم

الاخ نزار ما حدث قد حدث
و عجلة الزمن لا تدور الى الوراء
فقط نتمنى التنسيق بين قرى المنطقة في مثل هذه المشاريع الكبيرة
و على بركة الله

علي امين كتب:: و الله شي جميل
نتمنى ان يكلل بالنجاح

يوسف النو كتب:

علي امين كتب:: و الله شي جميل
نتمنى ان يكلل بالنجاح

فعلا علي الامين كتب ...لكن ما عرفنا يوسف النو كتب شنو؟؟؟؟؟ ود الخاطر ركز معانا

اجمل خبر اسعدني 2011 هو وضع حجر الاساس للمركز الصحي الجديد اتمنا من الله التوفيق للعاملين عليه

وهذه الصور لبعض مواد البناء الاوليه بالموقع
وضع حجر اساس المركز الصحي 5488616460_3008f57071

وضع حجر اساس المركز الصحي 5488611722_5e80986805

اول الغيث قطرة

علي امين كتب:: اول الغيث قطرة

عوووووك
تووووووش
هذا البوست يوم 6/5/2010 الفات أه ليهو سنه وحاجه شنو الحصل ف المبني الناس البره السودان عايزين يعرفوا الحصل شنو .. عموما أخر مره جيت جنب المركز الجديد ماختوا ليه بيم النص .. وكان هنالك نزاع حول ارض المركز (الجوديه خربت كل شي ) اه نرجع نقول !!!

يا خليل ما تفضحنا .....اخر خبر انو المركز فات بيم النص وقرب يضعوا السقف ,,,, نائم وين انت؟ اضرب أتاكد ورينا الجديدشنو...

عوووووووووووووووووووووووك
توووووووووووووووووووش