خدمت اولاد العرب

االسادة الاعضاء السلام عليكم
ارغم اني لا اجيد العمل الكتابي لكن علي الطلاق كان اشارك داير اوصيكم بان لاتسرقكم المدن بزخمها وبريق انوارها وتنسوا البلد وخدمت اولاد العرب من (سند وتجنكب و كرس و حرق و حش مع الحشمة ما الي ذلك ) يا اخواني تذكروا الذرب والكوبان و التل و التزمل و السرج البسيك تذكروا الجرة البجيبوها من الجروف والفزعه و اللوبة العفنة (المغمولة ) الزكريات جميلة و كثيرة لكن يبدو ان الزاكرة اصبتها افة النسيان ارجوا ان افيق قربيا حتي اجرد ماراينا في هذه الدنيا ام بونايا قش ختاما ودعتكم الله

وكمان ماتنسى المحكاكه وكسرة الراعي وجميط الغنم والسربه البعد الساعه 12والقمرا بيييييييضه وسك الدقاقه وناس ام دادوول قالو بكره الضهريه بحششن وشوف المفارقات دي كيف يعني زمان البلدات كانن بحششن ونحن نتعرمل هسه بقينا نحشش نحن و هن أترمدن (جايه من رماد)وعدمن الحبه والله زمن يا دنيا، كدي بجيكم تاني للموضوع ده..

hashim كتب:: االسادة الاعضاء السلام عليكم
ارغم اني لا اجيد العمل الكتابي

حالتك دي ما بتعرف الكتابه
و الله ياهاشم اجمل حاجه في الدنيا دي الزول يكون عفوي في التعامل في الكتابه
في كل حاجه
كدي شوف كلامك دا حلو كيف و الله طعمو موية ترس ساعة تكون عطشان وجيعان ترويك وتشبعك

hashim كتب:: االسادة الاعضاء السلام عليكم
ارغم اني لا اجيد العمل الكتابي لكن علي الطلاق كان اشارك داير اوصيكم بان لاتسرقكم المدن بزخمها وبريق انوارها وتنسوا البلد وخدمت اولاد العرب من (سند وتجنكب و كرس و حرق و حش مع الحشمة ما الي ذلك ) يا اخواني تذكروا الذرب والكوبان و التل و التزمل و السرج البسيك تذكروا الجرة البجيبوها من الجروف والفزعه و اللوبة العفنة (المغمولة ) الزكريات جميلة و كثيرة لكن يبدو ان الزاكرة اصبتها افة النسيان ارجوا ان افيق قربيا حتي اجرد ماراينا في هذه الدنيا ام بونايا قش ختاما ودعتكم الله

و الله ياهاشم خدمة اولاد العرب اصلو ا ما بننساها.............!! بنذكرها بي خشمنا دا .......الا ما بنرجع ليها تاني هي العملتها فينا ساهله؟

نحن ياهاشم مازيك .... ماركبنا سرج بيسيك .... ولاجرينا شوك
نحن كنا اولاد عز ... ولدنا وفى فمنا معلقة دهب...
طبعا الاسرة زمان كانت بتهاجر (يعنى انا من صغير على الغربة دى ما اول مرة) بتمشى الباجور لجنى القطن وهناك بيسكنوا فى مخيمات سياحية من القش يتكفل بتشييدها صاحب الحواشة واشهر هذه المخيمات( كمبو اللالوبة ) قدام ود المادح ....
ومجرد ما تجى الاجازة الصغيرة بيقوموا اهلك بيرسلوا ( بيزا) المصاريف عشان تجى تقضى معاهم الاجازة هناك ( الود ما شهادة عربية) وفى النوع الما عندو حق ( البيزا ) وانا منهم ديل بيقدوا عمرة ساااااااااااااااااكت بيلفح قرقابو و بيقد بقصاد بلدات الانصار ... وفد سجة ما بنقيف الا فى( ود الريد ) لكى نتزود بقليل من الماء وبنواصل المسير... حتى الزلط ومجرد متقطع الزلط بتحس بالامان ... لانو بيظهر ليك صهريج ود المادح... وبتكون شبه وصلت الى المخيم وبتقضى اجازتك هناك بارتياح مرة تمشى الحواشات ومرة تمشى الجناين تشتل بصل ولا طماطم.... وتجى راجع محمل بالفول المدمس والفول النى وقليل من المصاريف.....
ر""""""""""""""""""""""""""""""""""""""""""""""""""""""""""""""""""""
""""""""""""""""""""""""""""""""""""""""""""""""""""""""""""""""""""""""""
رايك شنو يا فقيدة؟ تقولى شهادة عربية؟

والله انا غايتو اكثر حاجه عانيت منها هي انك تمشي الدقيق في الشدايده بي حماره و عندها دحش في الحله و كمان يكون دقيقك كيلتين و من دون سرج وبراك و تلقى طاحونة الشداياده قاطعه سير و..................

و تلقى طاحونة الشداياده قاطعه سير و..................تمرق في طاحونة ود مطعوون وبرضو يقولو ليك خسرانه وما عندك حل رجعه لازم تكمل المشوار عشان ما تكووون ولد خائب لانو امك هناك بتكون متدينه كم كوره دقيق وكم كوره عجين(ذي الكاتبه ليها شيكات) الخلاص بعد ما انت تدقق عشان كدي بشوووت الريحماب طوااالي ولاتمانع من الحرقه اذا دعت الضروره ..واهم حاجه بعد تخت عيشك في الصف وتكتب عليهابالماركه السودا اسمك واسم قريتك لانو شوال دقيقك بقت تنطبق عليهو صفة القوميه وتتطابق الاسماء وارد جدا في الحاله وان كنت تحمل ذريعه(بضم الذال)تدرج في صف الذريعه لان... الذريعه لا تدقق الا مع ذريعه ....(مستر عبودواخرون) وبعدها تسقي الحماره في الترعه بدون سرج _لزوم التبريده وكدا_ الا اذا كانت (مدبره) فهذا استثناء واضح و.................

كلامك دة داير الكيس الماكن والسجاير الطويل والجبنة المدورة والموص المدور والبصل المدور فوق نار الجبنة

واللة انا عندي وقفة صغيرة مع المدعو الباجور دا يامحمد تمام ...........وأولا كنت حاقد علي الناس البمشوا الباجور لانو ناس بيتنا ماقعدين يرحلو ...ولم أحظي قط بزيارتة الي الأن ...في يوم النتائج وعند الذهاب الي الفطور مع ترديد عبارة (النتائج بعد الفطور ).. تجد بعض الحمير مربوطة بجوار الفرن وهولاء شواذ الباجور اذا ان كثير منهم يلفح قرقابة كما يفعل محمد تمام ...كنا نقدمهم حتي التب ...وننظر اليهم وفي عينينا شيئا من حتي وكأنهم زاهبون الي الفردوس ....وعند نهاية الأجازة يعود هولاء ولهم بعض الخصائص منها:-

1-سيماهم علي شدوقيهم واطرافهم من الكشكة
2-يلبسون عراريق من الدمورية والدبلان(غير واضحة المعالم)
3-لهم رائحة مميزة (اعتقد انها غبار +عرق..الهيلاهوب)
4-يحماون في شنطهم المدرسية كمية من الفول السوداني اكثر بكثير من الادوات المدرسية إن وجدت
5-في بعض الاحيان يفقدون الشنط المدرسية تماما بسبب حريقة المت بالكمبو ...وفي هذة الحالة تقع اعباء الكتابة علي عاتق حناكيش ذاك الزمان وكمان الكراسات منهم وبعد دا كلو غالبا مايرفد(يبطل القراية) اذا اكتشف احد الأساتذة هذة المؤامرة

الشىء الذي لم يفارق ذاكرتي في لحظات الرحيل الى الباجور
الجداد المربط مع السيخ و البيض البختوه في ماعون فيهو رمله
الكلب طبعا بجلوه عادي و بعد دا بلحق اهلو

في بعض الراسماليه بستغلو ظروف الغلابه ديل و بيجو الكمبو يبعو فنايل السقط

الضو (شيح الوسيله) له الرحمه والمغفره المقوله الشهيره (شوقي دلااها والضو حتاها )وهنا اترك المجال لي اصحاب الخيال الواسع لتعليق /الخخخخخخخخخخخخخخخخخخخخخخخخخخخخخخخخخخخخ

انا نسيت حاجة مهمة خالص وما في زول زكرني ليها الا وهي -مغاب السمااااااااااني

بعدين ياشوقي انا ماظن اقدر اتخيل ليك لانو خيالي واسع خالص

زائر

لا تنس العصيدة باللبن ملاح الويكاب ملاح الورررررررررررق

وتمش الغابه هناك الكاشييتة السبرسسة وقعدة النهارية

لكن والله كانت ايام جميلة ايام المشاكل الكتيرة وتمرقني الي ام ادادوول

majdy

» هل الرحيل عز العرب ؟؟