عضو جديد

السلام عليكم _ تحياتي للجميع مشرفين أعضاء وزوار _ احيكم علي الفكره وربنا يخدر ضراعكم _

مرحب بيك ود العم و انشاء الله تكون مشارك معانا دايما

ابو النسب ......والله كبرت وبقيت تعرف

مداخل الدنيا بتسوق الرفيق لى وين؟

نورك بق سابقكك يا دخرينا قبال

قامتك تشوفا العين
.........
.,.......
الف مرحب بيك وعقبال نشوف بقية الجماعة

ود الخاله نزار
أبو النسب أبو نورا
ولدي أبوروف
كتر خيركم كتييير وإنشاء الله نتواصل علي طول أنا ما صدقت لقيت منتدي يلمنا _

مرحبتين حبابكم خالد وريهام وكتر خيركم كتيير علي الترحيب والمنتدي منور بيكم يا بت أختي

يا ود الخاله البلد جابت جرارك والله :

دقوا الجرس نحن الجرارك جينا
نتالب علي الحاره تب ويليد مافينا

ومرحبتين حبابك

أبشر بالخير لكن يا ود الخاله والله كان دخلت لي زميلي ده المنتدي تكون ما قصرت تب _ أنا عارفو ما بعرف بس إنت علمو وأصبر عليهو ينوبك ثواب _

مرحب خليل _ كلامك ده أنا بحسبو نوع جديد ومبتكر من أنواع الترحيب بالأعضاء الجدد _ رهام دي رهام الأمين آدم بله حرم أخونا علي الأمين _ ولو عندك سؤال تاني ممكن تسأل _

[quote="khalil"]



وبعدين رهام دي منو


الاخ على الامين اسمح لى اردعلى الجنى المهود ده....
..............................
...........................
خليل انا زمان قلت ليك كان ما نزلت من عجلتك ما راح تفهم اى حاجة ... التقول مرسلنك؟
اولا : الاخت ريهام الامين هى ابنة المرحوم الامين ادم بلة
الرجل الفاضل رجل قامة معروف لكل الناس بطيبته .... وهمته الزائدة قضى حياته مابين شارع دوبا وبنطون وسنارفى خدمة مواطن المنطقة ... كان يقطع تلك المسافة بين دوبا والبنطون ماشيا على قدميه منذ ان كنا طلاب فى المرحلة الابتدائية وتعرفت عليه وانا كنت طالبا فى الصف السادس وترافقنا فى ذلك المشوار وكنت ساعتها جاى من العقدة وكان نعم الرفيق ووجده يعرف كل صغيرة وكبيرة عن اهلى كلهم وكنت مستغربا من ذلك الرجل الغريب كيف وصل الى كل تلك المعلومات؟
ثالثا : كان هنداما عرف الشكة قبل ناس استاذ مالك وعمرين طبعا ديل كانو قشيرين الحلة فى زمانهم
ثالثا:
متزوج من الحلة امرأة بنت زعيم قبيلة /الشيخ مصطفى عوض الكريم
رابعا:والشئ البيزيد خيبتك وعدم درايتك بالناس هى زوجة الاخ الفاضل جدا الاستاذ على الامين احمد
عشان كده ياخليل ارمى العجلة دى بعيد وتعال بى كراعك وبكرة بتجيب لينا ناس البرياب وبنقول ليك ديل من وين؟
الله معاك

والله يا شوقي مشتاقين ليك _ إنشاء الله تكون خليت التمباك _ شكيتك علي الله علمتنا التمباك وسافرت _

[quote="ابو نورا"]

khalil كتب:

وبعدين رهام دي منو


الاخ على الامين اسمح لى اردعلى الجنى المهود ده....
..............................
...........................
خليل انا زمان قلت ليك كان ما نزلت من عجلتك ما راح تفهم اى حاجة ... التقول مرسلنك؟
اولا : الاخت ريهام الامين هى ابنة المرحوم الامين ادم بلة
الرجل الفاضل رجل قامة معروف لكل الناس بطيبته .... وهمته الزائدة قضى حياته مابين شارع دوبا وبنطون وسنارفى خدمة مواطن المنطقة ... كان يقطع تلك المسافة بين دوبا والبنطون ماشيا على قدميه منذ ان كنا طلاب فى المرحلة الابتدائية وتعرفت عليه وانا كنت طالبا فى الصف السادس وترافقنا فى ذلك المشوار وكنت ساعتها جاى من العقدة وكان نعم الرفيق ووجده يعرف كل صغيرة وكبيرة عن اهلى كلهم وكنت مستغربا من ذلك الرجل الغريب كيف وصل الى كل تلك المعلومات؟
ثالثا : كان هنداما عرف الشكة قبل ناس استاذ مالك وعمرين طبعا ديل كانو قشيرين الحلة فى زمانهم
ثالثا:
متزوج من الحلة امرأة بنت زعيم قبيلة /الشيخ مصطفى عوض الكريم
رابعا:والشئ البيزيد خيبتك وعدم درايتك بالناس هى زوجة الاخ الفاضل جدا الاستاذ على الامين احمد
عشان كده ياخليل ارمى العجلة دى بعيد وتعال بى كراعك وبكرة بتجيب لينا ناس البرياب وبنقول ليك ديل من وين؟
الله معاك

شكرا الاخ محمد تمام
لقد اوفيت و اجزيت واعطيت كل زي حق حقه
ولكن بعيدا عن شخصنة الامور
اعتقد ان الاخ خليل هو احد موسسي المنتدى
لذا كان من الاحرى ان يشجع الاعضاء الجدد و بالذات الاخوات بدلا من احباطهم
اليس كذلك؟
ارجو ان يسحب الاخ خليل هذه المساهمه

يا اخ على الامين نرجو الا تزعل من الاخ خليل
وخد الامور عادية الزول ده ما قلنا ليك مهوّد ساكت
وخليهو لمن ينزل من عجلتو دى ...امكن يفك فيك طوبة ويقوم جارى تانى تلحقو وين؟

ابو نورا كتب:

يا اخ على الامين نرجو الا تزعل من الاخ خليل
وخد الامور عادية الزول ده ما قلنا ليك مهوّد ساكت
وخليهو لمن ينزل من عجلتو دى ...امكن يفك فيك طوبة ويقوم جارى تانى تلحقو وين؟

قلت كدي
لا كان كدي خلاص

مرحبتين حبابك العزيزه جدا زينب النو _ والله لو ما إعتذرتي برضو بفتش ليك عذر وكتر خيرك كتييير وربنا يديك الفي مرادك _