ملامح (عن ومن)غيم اسمو محمد عبدالرحمن(1980-2009م)

اولا:
عذرا إذا ادمنا ان نستظل بهذا الغيم الذى يمتثل شرفا غيابيا ولكن ما فعلنا هذا إلا انه فعل فينا ما يفعله نبض الريح فى جوف المسافه دحين إلتمسوا لنا العذر وفى ناس تتكرف هذا الغيم دعاش خلونا نديهم منو نقطتين تلاته
الإسم والنشاة:
إسمو محمد عبد الرحمن عبدالكريم وامه أمنه يوسف تاج الدين (وصلة الرحم تربط بين والديه)ولد عام 1980م بحلة حامد والتى تقع جنوب غرب بركات بولاية الجزيرة واسريا ياتى ترتيبه الرابع
المراحل الدراسيه :
درس المرحله الإبتدائيه بمدرسة قوز ابوروف وأما مرحلته الثانويه كانت مابين بركات وقوز ابوروف والأخيره حصل منها علي نسبة 87%المساق العلمى ثم التحق بجامعة السودان كلية الهندسه قسم المعمار عام 2002م وبعد أن أكمل مستواه الأول إنتقل من هذا القسم إلى قسم النفط الدفعه 13 فى نفس الجامعه وفى العام 2007م كان من ضمن المتوجهين إلى دولة ماليزيا بصدد رحله علميه ليعود منها ومن معه فى نفس العام ولكن اراد الله ان تتخرج دفعته وهو بعيدا عنها جسديا وفعلا قد كان(التخريج)تحت شعار(دمت فينا ماحيينا).
هوامش:
......وزمن بدا يفكفك فى طلاسم الخدمه وقبل عشرين يوم تقريبا من رحيله قعدنا نسولف وكما ذكرنا انه كان بمثابة غيم قال لى إت عارف زمن هطولنا كبس خلااااااااص قت ليهو هلا هلا جمرك لهلب كان كدى لكن صب ساكت ويارحام وراء وقدام قال لى....ها....وين ....دا قت ليهو غايتو قدر ماتصب شق الحوجه مابنكسر وكان عمرك طال بتشوف ضبح الجمال(وظنيت الله ماداير إوريهو ضبح الجمال) قال لى يعنى شنو قت ليهو نحنا .... آ...خوى ضنبنا جارى الحسكنيت من يومو دحين احلامك الزي مدينة الفارابى دى خليها قال لى :كيف قت ليهو إت هسع كان مشيت تفتش وظيفه وانا مشيت البحر افتش لى إبره فى نصو بجى بى إبرتى لكن إت بتجى تقول .....................قال لى ....آ...خوى هييييييييييييييي قطم قطم ماتحبطنا...المهم بعد داك سافر الحله وانا تانى مالاقيتو إلا فى افواه الناس البتجض وتقول مخير الله كان تمت المعدوده مابتترقع المقدوده ثم فى اجل الله الذي إذا جاء لا يؤخر.

الاخ مهند شكرا لك
و نحن ايضا نقول للشهيد
دمت فينا ما حيينا

لن ننساك يا محمد عبد الرحمن وستظل فينا باقيا ما بقينا علي ظهر البسيطه ولن ننساك من الدعوات التي هي الصله بين الاحياء والاموات ...دمت في الفراديس العلي خالدا مخلدا تتنزل عليك رحمات الله كما الصديقين و الشهداء...
شكرا مهند مبارك وانت تسنهض فينا ذكري الشهيد ...لا أسكت الله لك حساٌ

ستبقى فى الحنايا هيكلا مرسوما......
وفى خطانا صرحا شامخا يمتد بطول الطريق

يا انت ياهذا الذي أخفيه في كنف الحياة بمهجتي
وأضلل الأعماق حتي لاتراك ،،،

هكذا هى الحياة تاخذ منا من سكن في............
ارواحنا وجرى حبه في دماءنا فيضا" يعطر كل المساحات.........
وستظل باقيا"فينا ابد الدهر يا محمد....
رحمك الله ورزقك الدرجات العلى من الجنه

مهند .... ابوروف ... شركاء الحزن ...

اجاركم الله .... حين تفطم سدرة المنتهى احدى اوراقها .... ويحين للفارس ان يرتاح .... فى رحلة العروج ... الى أعلى ...

لم اتعرف على الشهيد بقرب ... ولكن بقدر ماعرفته ....بشوش .. تحسه حفيد احد الصحابه .... وياتيك احساس بانه ... يخرج عليك من احد الازقه ..... مبتسما" ينفض غبار الموت ... او تحسه ينتظرك ... فى اخر الشارع ...

... رحمه الله

وللحزن بقيه .....

حياك الله يا خال

انه كمازكرت تماما" وانة اصدق القول
ما اوردته فية

اللهم ارحمة واجعله مع الصديقين والشهداء

» مرور عام على رحيل المهندس / محمد عبدالرحمن عبد الكريم
» بابكر محمد توم ام يوسف محمد احمد
» كفاره محمد النو
» دعاء لسيدنا محمد (ص)
» إلي مخلص محمد عبدالله