زول لابس نفس لبسك

كتير مرات تلاقي زول لابس نفس ملابسك ...البنطلون نفس البنطلون والقميص يا هو ذاتو قميصك...يعني ذوقو في اللبس ذيك تماما ..عاوزين كلو زول يصف شعورو تجاه الزول ده..

انا شخصيا بشعر براحه لانو لقيت زول بتفق معاي في المزاج ويعني انا ما أشتر و في ناس بشاركوني الاختيار بغض النظر عن الشخصيه ..بتاع اورنيش ,فنان اوبرا,رجل أعمال,بتاع طعميه..اللهم زول بتفق معاي في الذووووق

يلا يا ذوووق اي واحد يصف لينا شعورو!!!!

ياابو زينب لى انا ...
لو لابس نفس ملابسك ما مشكلة زى ما قلت ده تطابق فى الزوق والاختيار..
لكن تلقى واحد داخل فى كل تفاصيل شخصيتك لبسك طريقة كلامك ومرات يتبنى حاجاتك تبقى دى المشكلة ويبقى ده التقليد الاعمى

بس يا ابو نورا لما التقليد يكون في حاجه كويسه ما بيكون تقايد أعمي..لكن في ناس شغالببن بنظريه:كان الحسانيه سكروا -شربو المريسه -نحن بنعرض -بنرقص .....و ده التقلييد الاعمي .

اذكر مره كنا ماشين مع اصحابنا وكان في واحد لابس طاقيه فقلنا ليهوطاقيتك دي شينه وبقي يغالط فيني و بعد شويه لقينا واحد جزار بي ملابس الشغل و لابس نفس طاقيه صاحبنا فما كان من صاحبنا الا و اخرج الولاعه وحرق الطاقيه في اللحظه ..حتي لا يتعرض لمزيد من السخريه

والله يا نزار انا فى راى انو الشخص لمن يقلد حد بكون معجب
او بكون الشخص زات زوق راقى فى اختايره للثياب الجميله
بختصار فى شريحه من المجتمع بتجبر الواحد يقلدا
اما بالنسبه لى انا شخصيا لمن اجد حد يقلدنى بكون سعيد
لنو عرفتا كيف اختار على راى المثل البقول
كل لى نفسك والبس للناس

تصدقوااااااااااااااااااااااااااااااااااااااا

اني بضايق ..........................

ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟

لانو كيررررررررررررررررر بس بدس دايرين الحلو براهم

تاني حاجه بقولو:-

حلوه الشماعة

يعني قميصي اكيد ما حلو لمن يلبسو الزبير او معتصم (ود امونه)

هههههههههههههههههههههههههههههههههههههههههههههههههه

والله ياخلو كونى البس قميصك ده
شرف لى والله لنو انتا زول راقى
راقى شنو انتا الروقى نفسو
مشــــــــــــــــــــــــــــــــــــتــــــــــــــــــــــــــــــــــــــــــــــــــــــــــــــــــــــــــــــــــــــــــــاقين