نحن اهل الفرحه جينا

شباب ذي الورد

كيف اخباركم و احوالكم بعد 35يوما من الغياب ركبت مواصلات القوز ونزلت جيت المنتدي اول حاجه دقيت الباب كم مره ما في زول فتح لي سالت بتاع الدكان الجنب المنتدي قال لي ما عارف حاجه لكن قبل كم يوم شايف خليل خش وطلع سريع قلت انا طالما عندي مفتاح اخش جوه اشوف في منو دخلت لقيت جريده بتاعت يوم 18/4ولقيت فيها خبر حبوبتي غنيه بت علي الله يرحمها وبكيت عليها زييييييييين لانو كانت مره حنينه وطيبه كنا بندخل بيتها عشان نلعب الكشتينه نص النهار نلقاها تسوي في الجبنه وتقول لنا جيتو تلعبو الكشتينه نقول ليها اي ياامي غنيه عشان بيتك ده بارد تقول لينا اها خلاص برحل ليكم علي المطبخ وتشيل عده الجبنه وتقوم ماشه علي مطبخها ...طيبه ذي دي تاني وين بتتلقي الله يرحمها ويغفر ليها....... اها بقيت اعاين لقيت زيت سمسم وصعوط ناشف قلت ده بكون شايلو خالد النيل لي محمد تمام ونساهو تقول محمد تمام سارح في جدايه..لقيت شاحن اللاب توب بتاع علي الامين معناه جائي بعد شويه لقيت ملابس في السلكه شكلهم كدي تابعين لود الخاطر ..في سرير كان في الشمس بلاستيكو اتقطع قلت ده هيثم صابونه اظنو طول ما جا راجع المنتدي ...لقيت باقي فته يابسه في صحن كانت مظبطه دي اظنها من زمن الطماطم كانت رخيصه قلت بكون ده هاشم فقيده وخطاب اصلو هم بحبو الفتوت ولقيت ماسوره الحمام فاتحه لو ما المويه صعبه كانت هدمت المنتدي اكيد بكون ده شوقي ود محاسن..اها غايتو قلت اولع لي سجاره وانتظر قاعد لحد ما تجو راجعين نشوف الفوضي دي حدها وين والما بجي بنرسل ليهو بوستاتو في كارو والله يعدل عليهو..ولا كلامي ده اعوج

لودفعت قروش الإيجار وسددت فاتورة الموية والكهرباء وصالحت بتاع الدكان لانو هو وهاشم فقيدة لحقو خراب سوبا في حبة ملح واهم حاجة تغير عراقيك دا وعجلة خليل دي بقي بنومها جنبو في العنقريب

بعد داك بنجي إنشاء اللة

[/size]

عوووووووووووووووووووووووووووووووووووووووووووووك

توووووووووووووووووووووووووووووووووووووووووووش

الاعزاء الاحباب

كنت ماشي جنب الكرجاكا لقيت بتين بتساءلن

الاولي : بري منهم تعبو فيه وخلوه ( جبنة طهر

التانية : فالحين بس الواحد من مايعرس ما تشوفية الا في الدكان يلعب الكوتشينة ( اسنة

لا منتدي لا افكااار لا اخباااااار كلو في حالو

دا كلام دا

عموما شكرا لتحريك التمتة يا عريس

وعلي قولك يلا نبدا

تسلم يا كبير الرواد بس انا نفسي اعرف الناس دي مالا فجاءه كدي بطلت الشغلانه وعملت نايمه...والله ذي ما قالت بت القوز تعبنا فيهو وخليناهو