تهنئة بمناسبة العيد...

كل سنة وانتو طيبين جميع الإعضاء بلمنتدي وربنا يحقق الاماني ويصفي القلوب وانشااللة كل زول يكون طلع من العيد دا بقلب ابيض ونضيف ..وبمناسبة العيد عندي قصة فيهانوع من الطرفة الفتها من خلال تعاملي مع البنات في مجتمع الجامعة اوالداخلية فهي بتتكلم عن الشواكيش وتأثيرها في البنات وكيف كل واحده بترد علي الزول الضربا شاكوك ...قصتي بتتألف من ثلاثة بنات كل واحده ليهارأي مختلف من التانية الأولي قالتلو:في نص شعري:مابتستاهل حرقة قلبي ومابتستاهل دمعة عيني ومابتستاهل اقيفلك ثانية وافكر فيك بللة عليك جاوبني وقولي انا لية ابكيك ؟؟؟انالية ابكيك وإنت الجاني انالية ابكيك يوم ماتنساني ..اناببكي حبيبي إذا اتألم وببكي حبيبي وهوبيحكيلي مرار الدنيا القاسية ومحال ابكيهو إذاساومني انا مابشريهو اذاماباعني بللة عليك لاتترجاني محال ارجعلك يوم من تاني كيف دايرني ارجعلك تاني وانت في بالي جبان واناني ؟يلااتوكل من قدامي كمل في طريقك وامش اختاني انابت معروفة بحسن النيةوقلبي نضيف من السخرية مابننفع حاشا وكلا سويا اتفضل وفتش لي امثالك ابعد واصل في مشوارك انابدري مرقتك برا حياتي ............والتانية قالت :-(بتذكرك وانا بمتحن @بتذكرك ساعة دموعي يفرفرن *بتذكرك وانا ببتلي وبتمني لوالقاك حداي .ببكي وبنوح اناياهناي شان بفقدك وقت المرار وقت القي نفسي بلا قرار وقت الزمن امشي ويجيني إطوي فرحي ويزيد انيني ...وانا يامناي بتذكرك كان القي فيك بعض السكون وبتأملك لوالقي فيك طيفي الحنون بهدهدك جواي حلم من يوم رحيلك عن سماي بتوقعك ترجعلي ياأملي ورجاي تملأني بلفرح الصبح اسطوره في صفحة حياتي المن بدت بتسطر الأهات مقال وانا ياحياتي بفتشك في الدفاتر كلمة جباره خواطر..وبتذكرك في سكة الدنياالخراب وبشوف ملامحك ساعة بترشدني الصواب وانا والعذاب من يوم بعادك ياملاك اتعس صحاب ........والتالثة مسكينة ماقدرت تقول شي غير انها قالت الهم اجرني في مصيبتي واخلف لي خيرآ منه وابتليهو بواحده تطين عيشتو...)في ذمتكم اعقل واحده في الثلاتة ديل ياتا.....ملاحظة القصة قابلة لنقد والتعليق ...علي فكره القصة انا الكتبتها لكن انا بريئة منها ..

عيد سعيد بتنا منى وعبرك نعيد على كل فرد في القرية اما بالنسبة للبنوت التلاتة انا مع الاخيرة بس ماكان تدعيه امكن ظروفه شويه صعبة...............ولاشنو؟ ياجماعة

عيدكم مبارك نورتو المنتدي اليوم
انا فى راي الثالثة احسنهم فكرا وعقلانيه لنها دعت ربها ان يخلف لها خير منه

كل عام وانتم بخير وربنا يحقق الامانى 0انا مع الثانيه لانها لن تستسلم ولم ترمى المنديل بلغة كرة القدم وربما احساسها يقودها ان لابد ان يرجع اليه فى وقت ما لان الحب عاطفه مششتركه ومتبادله يعبر الرجل مدى حبه للمراه وانما تعبر هى مدى تعلقها بالرجل والرجل اكثر جراه فى التصريح