مجرد اقتراح .. بيع المنتدى

عوووووك
توووووش
مبروك باي سعر بس بشروط :
‏1/ استمرار المنتدي بنفس الاسم والهدف
‏2/ استمرار الاعضاء السابقين . واستقبال الجدد بنفس السياسه السابقه
‏3/ استمرار الدعم باسم المنتدي للقريه
‏4/استمرار حريه التعبير داخل المنتدي
‏5/ عدم الاشاره لمكيتك المبتدي في اي من كتاباتك
‏6/ عدم اضافه اسماء لشكل المنتدي مثل تحويل منتدي اللواهله ليصبح منتدي ديوان النو أو دكان النو
‏7/ استمرار اداره المنتدي حتي نهايه هذا العام ثم تجري اتنتخابات لتحديد الادره الجديده بشرط عدم تخلك في أي من لجانها
‏8/ عدم ممارسه اي عمل بإسم المنتدي خارج القريه لجني المال
‏9/عدم المطالبه لاي جهه بالتبرع باسم المنتدي
‏10/ فتره البيع 20سنه بعدها ترجع ملكيه المنتدي للقوز
‏11/ تدفع الاموال الخاصه بشراء المنتدي لشراء قطعه ارض لمركذ صحي قوزابوروف علي ان يحمل المركذ اسم المنتدي
‏12/ عدم الالتذام باي من الشروط اعلاه ينذع عنك الملكيه للمنتدي بدون تعويض
ملحوظه : يمكن بيع .......... بالشروط اعلاه

والله كلام طراطير نحنا ولا شنو تعبنا يروح هدر
تبيعو وتشترو فى المنتدي خلاص بدل المشتري الجديد مايطردنا
احسن نقدم استقالتنا من بدري

عووووووووووووووووووووووووووك
تووووووووووووووووووووووووووووش
والله يا ود الغرقان بايعنو بايعنو
وال................... ذاتو بايعنو
والسماسرة: أ عباس عمل العقد
الطيب النور شاهد
بس اتنم اتلمو

عووووووووك
توووووووش
ود النو البيع سنه الحياه وانا كنت داير ابيع ليك اسره حاج بابكر بناسها بس قالوا عني .. ذائر .. ومن عبد الفضيل شان كدي عندي ليك بيعه جااااااامده (الزبير داك ونزار ديل صحباني بجد ادفع فيهم ببيعم ليك )
تاني المنتدي بكون حقك هو في ذول بخش غيرهم

عوووووووك
تووووووش
يانزار الذول نسيبك أفو
بيع بيع قبال علي الامين يخش يخربا
برضو يا الحلبي ماتنسي البيعه دي بشروطنا ال12
سدانيز البتقولو دا مالحم راس . نحن ناس صافين سعر يجيب 3مواقع (قووقل والفيس والتب كله)

عووووووك
تووووووك
تلحيقه :
يانزار إنت قايل نفسك وين ؟ الرجاله راحت ذماااان
قل :الراجل بفريسلو جهازو هههههه
تاني حاجه خلي ودالنو يشتري وشوف التجربه ماكلها فتره انتقاليه 20 سنه برجع

نعمة واللة دا كل الربنا قدركم علي ...خلاص مادام كدا تعالوا نبيع القوز ذاتا وبعدين اقتراح زي دا مابحق الا لزول واحده وهو الزول الفكر اعمل منتدي وتعب فيهو وعملو ولارايكم شنو ياجماعة؟..

عوووووك
توووووش
الأخت الرائعه مني
المنتدي حق القوز
والمبلغ لدعم القوز ماديا وهو حيكون شغال بالشروط ال12 اعلاه
شوفي المنتدي لمن يشتري قطعه ارض للمركز الصحي بكون عمل قدر كيف ؟
ونحن مانبقي عاطفين سوينا للقوز شنو ؟ يجب نكون فعالين مش بتاعين نظريات
‏(ملحيظه ) المشتري نطاط

ماقلنا شي ..اشترو قطعة ارض للمركز لكن دخلوا إيديكم في جيوبكم واشتروا بيراحتكم ...يعني عشان نشتري ضروري نبيع واللة المنتدي دا في نظري اهم من مستشفي ولو بيعتوا المنتدي عشان المركز ح يجي يوم تبيعوا المركز عشان حاجة انتو شايفنها اهم وكدا القوز ح تكون ماعندها شي ابدا

عووووك
تووووش
الرائعه مني أهلك العرب بقولو البكاء بحروره أهله وقالوا حق الكتار هامل
وقالو اللقوط ما بذيدن
وقالو حق الكتيره كان اندفق مابلقا البخموا
وقالو مسور الورثه ممحوق
وقالوا بيت الصبيان اعوج
وقالوا ...
نخلي البائع يظبطوا بشروطنا ونعيش فيه نحن نخرب وهو يصلح
ولك الدعوه بحضور مراسم البيع (نديك حق السمسره )

الاخ ود النو القنوات الخاصة لم يكتب لها النجاح وما بالك بمنتدي في النت الدخول ليهو بمصاريف اظن الفكرة
متقدمة كثير

اه ياخليلو البيعه تمت ولا لسي عشان حقنا مايروح ساي ههههههه

عوووك
توووش
خلاص رضيتوا . السمسره حقها جاهذ
يافقيده عجباك القناه السودانيه يعني
وماكل العالم دا مخصص وماشي ظابط

يااستاذ خليل الظاهر جينات جدودنا السودانين مسيطره عليك شديد باعوا كل شي ماخلواحاجة ماباعوها..ولاخلو لينا اي حاجة تدل علي وجودهم اوتحكي تاريخهم عشان نستفيد ونعتز بيها..

عوووووك
توووش
الرائعه مني
الخصخه اول علامات النجاح