ملاحظه علي شكل المنتدي

وكما عارفين الي الان عضويتنا فاقت المائه عضو لكن الاعضاء النشيطين ما بيصلو السبعه..يعني 7% في المائه ديل النشطين والباقي متصفحين فقط..الواحد يجي من الصباح يقراء المواضيع المكتوبه وينصرف بكل هدوء يا اخي بتاع الجرائد اللي بفرش في السوق ده لو جيتو كل يوم اتصفحت ومشيت ...بحرجك ذي الما حصل شي...وشتان ما بين هذا وذاك ..وعشان ما ينط لي واحد ويقول لي يا اخي انت عايز الناس تكتب بالعافيه... الما داير يكتب خليهو بي راحتو...!!!اقول ليهو ما في زول قال ما عايز لكن في ناس بتقول ليك انا ما عندي زمن وتلقاهو 24ساعه في المنتدي..انت لو ما خشيت مافي مشكله..ظروف..شغل اضافي..مكان مافيها نت..لكن لما تخش قول رائك في الناس القاعده تكتب دي عشان ما يمسكو المنتدي علي حسابهم وفي النهايه التقييم محسوب علي ابناء قوز ابوروف ككل ما بقيمو جاد الله ولا عبد الفراج ديل مجرد مستخدمين فقط لكن النتيجه في النهايه بترجع للقوز وغير كدي المواضيع كتيره ومتنوعه يعني لو مسلم اكتب في المنتدي الاسلامي ولو علماني اكتب في الثقافي ولو ما مواكب علق علي كتابات الناس اكتب عن مجتمع القريه ..التراث..الاخبار الاجتماعيه..يعني في النهايه الزول
نهايه الكلام...دايرين نعرف سبب الاحجام عن الكتابه في المنتدي....!!! ونناقش الموضوع ده باسهاب شديد عشان ما نفتحو تاني...

ومنتظركم لاي نقاش

khatab كتب:

ماتنفعل يازعيم,,,وان كان انا ما من انصار انو الزول يكتب اي حاجه (يكتب من أجل الكتابه)
اوعلي الأقل يكون في مشاركات نوعيه ولو بنسبه قليله ودا راي شخصي خاااااااااااااااااالص

معليش يا خطاب انا نسيت اقول ليك انو الموضوع ده عام ..لكن بس قدرك جاء تحت البوست بتاعك...وبعدين انا من زماااان كنت ماسكو في بطني لكن الليله استفرغتو (طرشتو)... وبتمني الناس كلها تستفرغ عشان من الاستفراغ اي زول بيقدر يعرف مرضو شنو...وبلقي ليهو الدواء باذن الله

ربنا يخلي لينا البكتبو
و البقرو ربنا يخلي ليهم المنتدى

حكمةاليوم :
الجفلن(البقرو بس) خلهن اقرع الواقفات( البكتبو)

ياشباب العوج رااااقد لكن واحده واحده..
ونحي كتير جدا الغيره ع المنتدى

المثل بيقول الما بدورك ما بعاتبك
الشباب و الله ما مقصرين