من روائع الامثال السودانيه

هي مجموعه من الامثال قمت بمجازفتهاوان كان البعض منها قولا ماثورا وقد تجد فيها الكثير الموغل في المحليه والدارجه المبهمه تحكر اي مثل علي جغرافيا معينه فعليك انت كقاري انت تدعمها بالتفهم لانها قيلت بالسن عاديه وليست من السن علماء امثال

المكتوله ما بتسمع الصيحه

البلقي هواهو بضري عيشو

الخيل تجقلب والشكر لحماد

كان ما فيها شق ما قالت طق

السايقه واصله

تجري جري الوحوش غير رزقك ما تحوش

التسوي كريت في القرض تلقاه في جناها (اوجلده) م

الطشاش في بلد العمي شوف

الدنيا دبنقه دردقي بالشيش

الما شاف فاطنه يشوف امحمد في السوق

البباري الجداد بوديه الكوشه

كان هبت تجيب الجداد مربط

الضايق قرصة الدبيب يخاف من جرة الحبل

الباب البجيب الريح سدو واستريح

المجانين كتار لكن شقي الحال بقع في القيد

العرجا لي مراحا

القحه ولا صمة الخشم

تاباها مملحه تاكلها قروض

مازي ابوك لكن بربيك

حشاش بي دقنو

العتره بتصلح المشي

القلم ما بزيل بلم

الجن بداوه الا كعبه الاندراوه

الوقعت من السما تحملها الارض

والكثير من الامثال الشعبيه شاكرا من الاخوة دعم المنتدي بالامثال الشعبية لانها روح الهويه السودانيه ولعل منتدانا يصبح يوما اكبر منتدي يحتوي علي الامثال الشعبية ...ولاكيف؟؟؟؟؟؟؟

الجود بالموجود
الخواف ربى عيالو
الرماد كال حماد
الماعندو ضهر بنجلد علي بطنو
ديك المسلمية هو يعوعى وبصلته يحمروا فيها
سيد الرايحه بفتش خشم البقره
عايرة و ادوها عصا
عيب الزاد و لا عيب سيدو
قهر و سهر و فراق اهل- (شكلو كدا ما مثل لكن في اي فرن بتلقاه مكتوب على الحيطه)
كان داير سوقو ادي جحا يضوقو
كان غلبك سدها وسع قدها
مثل ام قده في البرام مافي - سمعته من محمد النو لاول مره
هدوها من الدواحه باتت كتر - اول من سمعته ينطق به قمر الدولة مصطفى تاج الدين
هي عصيده و ملاحا في الريف - سمعته من حاجه التومه

وهاكم دي زياده خير
شكار نفسو ابليس
الخيل تجقلب والشكره لي حماده
جرادايا في سروال ولا بعضي لكن قعادو ولا حلو (دارفوري)ا
الشكروهو نام
تمر الفكي السيدو شايلو ومشتهي
عواس السم بضوقو
ادي العيش لي خبازو لو ياكل نصو
مجبوره خادم الفكي علي الصلاه
قلب الوالد تليفه
كان راكوبه ابوك اشلعت شيل ليك منها شعبه
جلدا ما جلدك جر فوق الشوق
بطنا طلعت منها تنسد
الما بدورك في الضلام بحدر ليك

وكمان اضافة
الساعدوهو فى قبر ابوهو دسة المحافير
برمة الكتيرة مافوارة
بعد لبنت ماتديها الطير

مقدرة ( فوق شرك المشرك اشرك )

يا باها مملحه وياكلها قرووض
بجي الخريف واللواري بتقيف
الصلبرات روابح لو يجن قامحات
البخجل من بت عمو ما بجيب منها جنا
الكتره غلبت الشجاعه

الجبل من بعيد املس.....
البعد ولا البلاد ام سعد....
البتجى من السماء بتحملا الواطة....
القلب كان اباك الوش بوريك....

الله يعطيك الف عافية يا تمام علي الاضافة (القلب كان اباك الوش بوريك ) و دا براو وكفي ,,,,,,,, مليان حقيقي

واثق الخطا يمشي ملكا
ملاحي في ناري وعيني في جاري
مافي دخان بدون نار
البعر دليل البعير والسير دليل المسير
كلو عند العرب صابون
حكم ابو تكو
قائل القبة تحتا فكي
النية زاملة سيدا
كل اول لية اخر
الفوله بتتملي والبقارة بتجي
الفاضي يعمل قاضي
الماعارف يقول عدس
عيش ياحمار لمن تطلع النجيله
حلم الجيعان عيش
خت في بطنك بطيخا صيفي
اهل البكا غفرو والجيران كفروا
البلد ي المحن لا بد يلولي صغارا
الما البارد بقد السقي
السواي ما حداس

واللة يا شباب مية المية ماخليتو لينا مثل حايم جيهتونا جية جد وهاكم دا واحد بليلة مباشر ولا ضبيحة مكاشر واحيكم

اضافة الي ذلك :
,,,,,كتلوك ولاجوك..جوك
,,,,في الوش حبايب وفي القفه دبايب
,,,,الولف كتال
,,,,التور كان وقع تكتر سكاكينو
,,,,,حكم ابتكو
,,,,,,الغلبا راجلا ادبت حماتا
,,,,,المافيك ماببكيك
,,,,تيراب الحنضل زرعوه في وادي العنبر وسقوه بي موية السكر
,,,,,لمن جاء اوانوا قام زي اخوانوا
,,,,,,المافي ايدك يكيدك والفي ايد الناس بعيد
,,,,تابها مملحة وتكووسها قروض
,,,,زربية المك البره داير يدخل والجوه داير انفك

فتح الرحمن بابكر ابراهيم كتب:: واللة يا شباب مية المية ماخليتو لينا مثل حايم جيهتونا جية جد وهاكم دا واحد بليلة مباشر ولا ضبيحة مكاشر واحيكم

لك التحية الاخ فتحو , وهذا شئ بسيط جدآ من الامثال وهي لاحصر لها في مجتمعنا السوداني ومااكثر الحبوبات والحكاويات (أن صح التعبير ) والحكماء ,,,,,,,,,

فتح الرحمن بابكر ابراهيم كتب:: واللة يا شباب مية المية ماخليتو لينا مثل حايم جيهتونا جية جد وهاكم دا واحد بليلة مباشر ولا ضبيحة مكاشر واحيكم

لك التحية , الاخ فتحو ,,, والله دا شئ بسيط جدآ من الامثال السودانية اذا نظرنا الي قاموس الحكاوي والحكماء والحبوبات السوداني تجده كما قلت لك ممتلئ تمامآ بس نحن بعيدين كل البعد عنه تمامآ ,,,, وماأكثر الحبوبات والحكاويات (أن صح التعبير) والحكماء بالسودان ,,,,,,,

و الله يا شباب اهم حاجة بتميز الزول اللبق هي استخدام المثل المناسب في المكان المناسب
في ناس كدا تلقاهم حافظين ليك خرتمية مثل و يدخلوها ليك في الكلام حيثما اتفق

إذا غامرت في شــرف مــــروم فلا تقـنــع بمــا دون النجــــــوم

فطعـم المــوت في أمــر حقـــير كطعــم المـــوت في أمــر عظيـم

علي الامين كتب:: و الله يا شباب اهم حاجة بتميز الزول اللبق هي استخدام المثل المناسب في المكان المناسب
في ناس كدا تلقاهم حافظين ليك خرتمية مثل و يدخلوها ليك في الكلام حيثما اتفق

ديل يا علي الناس (الشتر من أشتر)الواحد يقول ليك الخيل تجقلب ذي الشراء في القندول ويحكي ان أحدهم شاف اتنين ماشين مع بعض واحد من اغني ناس المنطقه والثاني من افقر الناس فصاحبنا تأمل منظرهم الاتنين وقال والله فعلا صدق القال (يضع سرو في أضعف خلقو)