جماعتك قاموا قشوا القروش كلها في 5يوم ....حليب الاخوان ....جبنة مين ...والشهر باقي ليه 22 يوم عشان الناس تصرف اول مرتب وبكون مرتب تعبان جدا ...الجماعه دقت ليهم...اول قالوا نحن اولاد الخرطوم والعيشة ما بتغلبنا ...قالو اها نسوي شنو قروشتا انتهت ....بدينا يا اولاد الخرطوم ؟؟؟ ما عارف انا ما ود الخرطوم بجاسف بطريقتي ولو اموت ما برسل السودان لمصاريف ...طوسه الشليق قال عندي فكره رائعة نتصل علي ابوبكر (ده وكيل الشركة الجابتنا)قام طوسه بكبر في حسه ذي اولاد الخرطوم
معاك رقم ابوبكر ؟
ايو ه اكتب صفر خمسه صفر
كيف يا ابوبكر واخبارك وادينا دين قروش
الشركة ما ادتكم سلفية ؟؟؟
والله انتهت يابوبكر
خلاص انا ما بديكم ولا درهم عشان تتعلموا تدبروا نفسكم تاني
طوسة ودالكلاكلة لسة بكبر في صوتو ذي الزول القابم من النوم ...يا جماعه دي بسيطة نحن مش جينا لشركه نطلب سلفية تاني من الشركه ...ولاكيف ؟؟؟
يوسف عاوز كم ؟؟
500درهم
عثمان ؟؟؟
500 برضو
فلان ...فلان ؟؟؟ يشيل ويكتب في ورقتو خلاص انشا اللة بكرة بمش الشركة اصرف واجي اديكم
راح طوسة الشركة ..ناس الشركة قالو لية انت لسة ولا يوم ما اشتغلتوه و لا شفناكم عاملين كيف ؟؟؟ولا نتيجة الكشف الطبي وصلتنا يمكن برضو عندنا شروط خاصة وامتحانات وزارة الداخليه لو سقطت فيها يلا مع السلامه ....الامر بقي واقع لابد من برنامج اسعافي واولاد الخرطوم علقوا امالهم علي في الخروج من الازمة ما حبا في ولا ثقة... شكلهم قالو الراجل ده جاي من القري ويقرطها لينا شوية عشان ناس الريف عندهم خبرة (للموضوعمعروفه في علم التدبير والجلدنه ....المهم نصحتهم انو يركزو علي العدس بس كل باقي الشهر ويتحلوا بالصبر العدس ورا العدس ...مرة عدس احمر ومره اصفر ...الدنيا مشت يوم الناس صرفت بقيه ) ...
الجمعة 7 مايو 2010 - 2:57
