...
وعن احلام ( زلوط ) .. نحكى .. ا
وزلوط .. شاب .. تخرج وبحث عن عمل .. ولم .. وكان يذهب وياتى اخر اليوم يجرجر اذياله
وذات جلسه .. جلس زلوط .. مع اولاد .. الفريق .. تحت الشجره .. وقال لهم :_ ا
يعنى العلماء ديل اكتشفو .. الغواصات والطيارات .. والسيارات غالبهم .. يخترعو حاجه للعطاله دى ؟؟
ضحك صاحبه محمد وقال :_ الظاهر دى الحاجه الوحيده الغلبتهم
اجابه عمر .. :_ العطاله دى الحاجه الوحيده الما عندها حل جزرى
تدخل ( زلوط ) وقال :_ .. انا عندى فكره !!!! ممكن تقضى على العطاله نهايئا"
والتفت الجميع اليه .. :_ اها .. شنو يا زلوط ؟؟؟
فقال :_ طبعا" نحن مواطنيين مشهوريين بالنقه الكتيره !!! ا فقاطعه عمر :_ ود دخلو شنو باالعطاله ؟؟
زلوط :_ ياخى .. اصبر نتم كلامى ..!! ا
واضاف :_ يعنى يا جماعه ممكن النقه دى نستفيد منها فى حل العطاله .. فقاطعه .. عمر مره اخرى :_ ا
لا.. انت يا زلوط الليله شارب ليك حاجه .. فصرخ فيه .. زلوط غاضبا" :_ ياخ خلينى اكمل كلامى
جر زلوط .. نفسه بعمق وقال :_ يا جماعه .. افتكرو انو فى شركه حولت النقه دى لى .. جهاز بولد كهرباء !! ا
يعنى .. واحد نقناق زى عمر .. دا ممكن يولد عشرين واط فى دقيتين .. وفى خمسه ساعات ممكن يولد كهرباء
تشغل مصنع نسيج كامل ..!! وكده بكون طلع مصاريفو بارتياح .. اها رايكم شنو فى الاختراع دا ؟؟
صمت الجميع .. وهم ينظرون الى .. زلوط .. وكسر عمر . حاجز الصمت :_ انت الليله ما براك
قاطعه .. زلوط :_ والشركه دى ممكن تشغل الخرييجين وتخت قدام اى مكرفون .. وتخليهم ينقنقو . ويولدو كهرباء
وكل ما الواحد .. كان صوتو غليد .. وحلقو كبير .. بيكسب اكتر وبعدين الشغلانه ممكن تتطور وتربط الجهاز بالتلفزيون
مثلا" .. يجى واحد صوتو غليد .. زى عمر دا كده .. ينهر التلفزيون نهره واحده ويحضر السهره بى مزاج
نهض عمر قائلا" :_ انا ماشى .. بش الشركه دى ممكن تجيب . شريط اى فنان يغنى للجهاز دا وتقلبو بالجنبتين
لا خريجيين نقناقيين .. ولا يحزنون .. ومضى
الاعزاء .. ا
وما يجعلنا .. نجلس مع زلوط . هو الخيال وعدم المنطق .. فى طرح المشكله
وهو فى كل الاحوال .. عرضه للتشتت .. وتهمة الخفاء ..
ملاحيظ :_ ا
الحاج .. لم يسعفنا الوقت ان نلتقى ..والجايات اكتر من الراياحات
عبد اللطيف .. العيش تحت الارض ومد اليد خلف الباب .. نوع من انواع الخجل والخوف كما ارتكاب الجريمه
منى .. الكواريك .. نشفت حلقومنا .. وضهرنا اعوج .. وكده بكون انكسر .. الله يستر
ودمتم ..
الجمعة 9 سبتمبر 2011 - 21:45
