منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 هاشم الاخضر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مهند مبارك محمد
عضو
عضو
avatar

عدد المساهمات : 19
نقاط : 42
تاريخ التسجيل : 27/06/2009

مُساهمةموضوع: هاشم الاخضر   السبت 9 أبريل 2011 - 21:03

عزرااا فهى طويله ولكن طولها بطول وجعهااا

جايي أغنِّيها وأقول
طيبة زي قولة سلام
قاله تربالاً دغيش
لي مراكبيةً تجول
شاله كف الموج بشيش
لي بنياتاً بيردن
تمّن أزيار السبيل
ومدّن إيدن كورا .. كورا
رشرشن قلب الشتول
أدّن الطيّانة دورة
وشويمن تالا المدارس
خدَّرن كل الفصول
صفقّن هلا يا حبيبة
جايي أغنِّيها وأقول
طيبة جبّارة خواطر
وجنَّها الريح التطفِّر
للعصافير التكاجر
ما تعشعِش إلاَّ وين
في الحراز اليومو ماطر
ولاَّ بين سمرة النخل
التقدِّم تالا باكر
وكت أكون صبحان مسافر
زادة ليّا معَ الزوادة
صنّة بسمعا في البنادر
ماب أقول لك ما تساهر
ساهر السهر اليفيد
لاب أقول لك ما تظاهر
وإنت هسَّع كم شهيد
ماب أوصِّيك وإنت شاعر
تبقى عشرة على القصيد
تدِّي يوم الليلي باكر
أدّك الأطفال نشيد
إلاّ أقول لك أوعى حاذر
أحذر أولاد الحرام
المطاليق
المساليط
الخواذيق الضلام
وأحذرك صنت قبالي
وقمت تمِّيت الكلام
جايي أغنِّيها وأقول
داخلى فيِّ عديل وهيطة
زي وهاطة النيل وبرضو
مارقي منِّي هديل موالف
زي ولِف تربال على أرضو
علّمت شفّع غناي
يبقوا آفة متين ويرضو
وناس سمح جيبو ومجبّر
برّة داراته آب يعرضو
عرفتني على الفقارى
قالت إخواني الكبار
المظاليم الحيارى
قلت أخيّاني الصغار
أمِّي قالت أبوي مسافر
إلاَّ نومته بي مرارة
تصقع الحجر آعمارة
أرفع الحجر آعمارة
ولمّا تاوق بالعبارة
بي قدح مونتو وجسارتو
شفتو واقع من عمارة
القدح بي مونتو روّح
أمِّي ما لقت الجسارة
إلاّ وكتينا الكبرنا
وأدّت البلد البشارة
ويا بلد جيت مبتليبه
جيت أغنّي المن عيونكن
يبدا يومه وينتهيبه
التشيل الليل تذاكر
أو تفاكر في حبيبه
ينقطع ضهر القصائد
عند مريقته من وشينا
حلّة قرية مدينة ميناء
تمشي فوق أتره الغناوي
الأناشيد التقاوي
بالمواويل والحكاوي
سكة الجوع الخرافة
وتنتحِن لهة المسافة
ينقطع ضهر القصائد
الأناشيد الغناوي
المواويل الحكاوي
ينقطع ضهر المسافة
لمّا تقفرا بالمواكب
منصهر بالدم ه########
والمواكب ما تجيبه
ينقطع ضهر المواكب
الأناشيد الغناوي
المواويل والحكاوي
ينقطع ضهر الحبيبة
وما تسيبه
جنّها وجن المهازل تتبرج
من إذاعات هراء
وجرائد إمِّعة
والدواخل تتفرج
في طنين الرؤساء
اليكفّي العالم التابع
موتاً ودماراً وفناء
تكفت الرادي وتذيع
لا دواء
أيها المرضى
لدى الزمن البنوكي
العتلي الذنيم
لا عليماً بك غيرك
كصغار الشعراء
أنت تنتفخين برداً
أو شموساً محرقات
وعواء
أنت تمتلئين هذا العام
جوعاً أو خواء
أنتِ ترتعدين صيفاً
يا بيوت الفقراء
أنتِ تحترقين
حتى أن يجئ
من يحيل النيل قسراً
نيل ماء
وينطلق ضهر القصائد
الأناشيد الغناوي
المواويل والحكاوي
بالحبيبة الخيرا زائد
ينطرح وجه الغلابة
يا إذاعات يا جرائد
والبلد فوق اللمليس
انطرح في خاطر باكر
وجيت أغنِّي لكم حبيبتي
إلاّ يا غبش العساكر
نتَّفت عصب الكمنجة
وصادرت منِّي الدفاتر
دخلت فيِّ الطبنجة
فرَّ من رأس غلبي شاعر
وركَّ فوق كتف الكلام
والعيون كانوا المحابر
هرَّب الشوق الحرام
من بيوتاً في المقابر
لي شموساً في الظلام
هاشم الأخضر سلام
التحيات النواضر
نبدا بي مين الرسالة
ونبدا من وين يا رفيق
عازّة فوق قيف البداية
وإنت في آخر الطريق
وإحنا بيناتكم محاصر
شوقنا بالريح والحريق
إحنا بيناتكم نصارع
زيّنا وزي الغريق
مرّة نمسك في المياه
مرّة في ضل الوطن
مرّة في عيدان حزينة
زنّت الريح في البحر
فنّت الريح من حراز
لما فطّاهو المطر
مرّة نمسك فينا آه
يا بحر مأساتنا آه
يا بحر مأساتنا بس
يا بحر مأساتنا فيق
يا بحر مأساتنا أوسع
أوسع أسّع ولاَّ ضيق
يا بحر بي غادي هاشم
هاشم التحراهو مين
هاشم الشكّعت فوقو
ريحك المزّع شراعو
موجك الصادربو شوقو
طوقو والزمن القضاهو
تالا هم باكر مسافر
ما رجف ساعة وداعو
هاشم السوِّيته فيهو
وسبتو يضرب بي كراعو
ما غرِق غرقت مراكبو
هاشم الأخضر ضراعو
ما يبِس يبست هدومو
ما حرق شومش شعاعو
وبقَّ كالحلم المصوبر
في الخواطر كوم أماني
هاشم العشم المعتّق
في خوابي الجوف أغاني
يا بحر تحراهو مين
يا بحر بي غادي زولاً
ماب ندلِّي الإيد بلاه
إيدو في إيد الرفاقة
وإيدو بي جاي في الرسن
ماشي في خاطر الغلابة
البيفصح والرطن
سار مقوِّنو التعابى وجايي
قاصدك يا وطن
والجا قاصدك كالزمن
ماب يصدنو العوارض
لاب يهدّنو المحن
ويا محن هاشم قمحنا
فأسنا كراسنا وقدحنا
هاشم المجروح جرحنا
هاشم الفرحان فرحنا
نلقى في زينّا وسمحنا
يوي وسي نغماً صدحنا
وفي ترحنا صبر ملحنا
نلقى في كل المراتع
في المزارع والمصانع
إيديه راية وفجر فاقع
في المدارس والمسارح
في البيوت فطن الشوارع
في الكنائس والجوامع
نلقى في كل المواقع
هاشم القاصدنو نحنا
هاشم الأخضر ضراعو
ما وقع يا نيل في فيضك
وإنت ماب يغباك شراعو
هاشم السمح المعافى
هاشم التسلم خطا
ويسلم الدرب الخطا
هاشم الكم لله أدّا
والبرادى تدور غطا
وشن غطاها بلا غطا
هاشم الحسن العطا
هاشم الحسن العطا
هاشم الصاح يا خطا
هاشم الحسَن العطا
سافر قبلنا وقلنا ليه
يا ماشي للوطن الوسيع
يا ماشي يا كم زول يجوا
يا جايي بي كم زول مشوا
يا ماشي في كم زول تصل
رسِّل سريع
وبلِّغ سلامنا
الشوق فظيع
سلِّم على المحجوب
وجوزيف والشفيع
سلِّم على حلمك محمد والمسيح
سلِّم على نفسك يا هاشم
ود جميع
من فات يوقِّينا الخطر
من قولب الحر والصقيع
بيناتو شان يطلع مطر
أو يحضن العالم ربيع
الناس بترحل قول لو ليه
شان حق يفضِّل ما يضيع
الناس بترحل كل يوم
والحق معاهو على العموم
الناس بترحل وماب تضيع
والحق بيفضل وماب يضيع
الحق حيرجع يا بلد
حقِّك حيرجع ليك وبيك
قوليها وإحنا معانا حق
الحق حيفضل يا قطيع
نتلاقى فوق قيف الفجر
بين التيقظ والهجيع
ويا إنتو يا نحنا
يا نحنا يا إنتو
يا أبّان ضميراً تاه
نتلاقى يوماً يوم
وبيناتنا حد الله
ويا إنتو يا نحنا
يا نحنا يا إنتو
يا نحنا يا المحنة
محنة
محنة
إحنا
القلبِ يشوف قبّال العين
من قبلِ أقابلك شفتك وين
في ياتو عريس مخضر إيدين
بين حضنو حلم يلصف لا وين
والناس في الدارة إتنين إتنين
كل خطوة تشيله عديلة وزين
قوق قمريتين فوق كروقتين
قيساب الشوق نوريقو متين
يا رش الغيم يا ريحة الطين
يا بختي أنا وكل الصابرين
يا زول يا زين أنا شفتك وين
في ياتو صباح باهي ووضّاح
الطير صدّاح للزهر الفاح
صفق البرسيم للطل مرتاح
والناس أرواح في حضرة راح
العشق الدغري العذري الصاح
يا قومة بدري وفوتة الدار
من أجل حلم راجنو صغار
في ياتو محطة غشاها قطار
إندهده فيها وقضّى نهار
حس العمال تحت الأمطار
الربط الخط ما فكَّ الخط
يا كم في الخط هيلا وأنفار
والناس النار أم قلباً حار
فتحوها بيوتن للسفّار
الزول الوافي العوّافي
يدِّيك العافي من المافي
وما يأخد إلاّ الأخبار
لاقيتك آهن لاقيتك
في سرِّي ندهتك ولبيتك
مع إنِّي ولا خابر إسمك
لا الجيهة المنها لابيتك
إنت الإنسان الغنيتك
إتمنوا الناس إتمنيتك
يا ريتك تخبر ياريتك
كم صبرِ وعشم إستنيتك
لو قبلِ أقابلك ما شفتك
ما كان في حزَّتي حبيتك
أنا وإنت قبل ده إتلاقينا
شقِّينا على الدنيا جداول
جبدنا زمانا الكان عاول
والعالم سوِّينا جنينة
يا رتة غيمة عتاميره
ربّة عربان وطنابيره
قندول الشوق الحين لبّن
جاب لي بيّوضة عصافيره
يا ريح الزنج إذا اشتاقت
تفتِق بأنفاسه مزاميره
يا القمحة السمحة المدخورة
قسِّيبته قلبي مطاميره
أنا شفتك وين ؟؟
قبلِ أقابلك
يا دنيا الريد ومقاديره
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: رد: هاشم الاخضر   الأحد 10 أبريل 2011 - 3:19

الاخ مهند لماذا تحرمنا من ابداعك وجراة قلمك
ياخوىى خاى ونسة درب البلدات البتسوى فيها دى
وخليك باستمرار موجود يامهند
محتاجنك شديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: هاشم الاخضر   الأحد 10 أبريل 2011 - 20:20

مرحب مهند لا حرمن منك و من قلمك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: رد: هاشم الاخضر   الإثنين 11 أبريل 2011 - 4:23

مهند صحي لسانك اوماتغيب ثاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: هاشم الاخضر   الإثنين 11 أبريل 2011 - 6:17

هــــــــــــــــــــــــــلا مهند حمدلا ع السلامه
كلامك احلى كلام بس ما تطول مننا الغيبه
نحتاجك بشدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
الضوء
عضو
عضو
avatar

عدد المساهمات : 20
نقاط : 30
تاريخ التسجيل : 26/05/2010
الموقع : المملكه العربيه السعوديه

مُساهمةموضوع: رد: هاشم الاخضر   الأربعاء 13 أبريل 2011 - 14:20

هلا مهند منور وليك وحشة وين الغيبة الطويلة كلام جميل ولزيز ماطول الغيبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد علي
عضو نشط
عضو نشط
avatar

عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

مُساهمةموضوع: رد: هاشم الاخضر   السبت 16 أبريل 2011 - 0:05

مهند ..ا
النيازك .. الغاضبه .. ترسل اشعتها .. كل مئات السنين .. و
والشمس .. حين تلبئ .. نداء الطبيعه ..وهذا الكسوف
يجعلك .. من اعداد .. الظواهر .. الطبيعيه .. دعينى .. اسميه غياب
وهذا .. الغياب .. حين يستنفر كل .. ما فى الذاكره .. حتى ( روث البهائم ) .. حين
ينزل عليها .. رزاز ( الرشاش ) ذلك المطر .. الانيق .. يستفز .. ذلك ( المغيرب ) الرشاشى
وهذا .. الغياب .. يستبيح .. كل ابواب الطفوله .. وانت .. تستنشق .بقية العطر
من .. جلبابك .. المتسخ .. ( ثانى ايام العيد ) وهل يعود .. هذا اليوم؟؟؟
كل هذا .. الاشياء لم ..تستفز ذاكرتك ..؟؟
دعونا ... نستجوب .. ما تبقى من .. تزكارات .. على حائط المدرسه .. ا
حين تغلق .. ابوابها ( تزكار من .. فلان بن فلان .. الريده بين الناس صله ) ا
وكل ادوات .. الاستسلام .. لموعد مضى
.. ارجو الافاده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف النو
عضو متميز
عضو متميز
avatar

عدد المساهمات : 235
نقاط : 253
تاريخ التسجيل : 31/01/2009
الموقع :

مُساهمةموضوع: رد: هاشم الاخضر   الأحد 17 أبريل 2011 - 18:25

ابو نورا كتب:
الاخ مهند لماذا تحرمنا من ابداعك وجراة قلمك
ياخوىى خاى ونسة درب البلدات البتسوى فيها دى
وخليك باستمرار موجود يامهند
محتاجنك شديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: هاشم الاخضر   الأحد 17 أبريل 2011 - 18:26

يوسف النو ما كتب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: هاشم الاخضر   الأحد 17 أبريل 2011 - 18:49

طيب ليه ما يكتب؟؟؟؟

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hashim
عضو نشط
عضو نشط
avatar

عدد المساهمات : 136
نقاط : 166
تاريخ التسجيل : 25/01/2009

مُساهمةموضوع: رد: هاشم الاخضر   الأحد 17 أبريل 2011 - 19:31

شكر الاخ مهند علي الابداع وما طول الغيبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هاشم الاخضر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: