منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 الشاكوش في الشعر السوداني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: الشاكوش في الشعر السوداني   الثلاثاء 22 مارس 2011 - 18:22

تتعدد الطرق وتتعدد المبررات وتتعدد طرق ايصال الرسالة ويبقى المسمى واحدا..


(الشـــــــــــــــــــــــــــــــــــــاكووووووو ش) ،معنى تعارف عليه
الناس منذ قدبم الزمان ومنذ الجاهلية،ونجد ان الغناء السودانى زاخر
بالكلمات التى تعبر عن ردود افعال من اصابهم شاكوشا بغتة بدون توقع او مع
العلم وبسبق الاصرار والترصد...وهذه سياحة فى بعض ما كتبه الشعراء من قصائد
تحكى حالهم لنتدارس مفرداتها ولنرى مدى صدق وقوة الكلمات


........................


فنجدان الكلمات التالية تحكى حال محب ذكرت له محبوبته بان ما بينهم هو مجرد اخوة فماذا قال:



بعد ما خلخلت قلبي و فيني ما خليت مُرُوَه



جيت تقول البينا خوه



خوه ايه بتبكي سيدا؟


و خوه بتسهر ليالي؟


الاّ دي الخوه الجديده



و الكلام القلنا سوا بي دموع الشوق كتبتوا



و الزمن شن فينا سوا؟


شوفوا الزمن شن فينا سوا؟



انت ما زولي العرفتو



و الوداد مابدورلو قوه



و البفوز بي هواك بختو



جيت تقول الريده خوه آه



جيت تقول الريده خوه



بعد ما خلخلت قلبي و فيني ما خليتمروه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
الحاج الامين محمد علي
عضو نشط
عضو نشط
avatar

عدد المساهمات : 158
نقاط : 199
تاريخ التسجيل : 12/07/2010
الموقع : جنب الورشة

مُساهمةموضوع: رد: الشاكوش في الشعر السوداني   الأربعاء 23 مارس 2011 - 2:49


هذا كلام مخارجة بس كان تختصر وتقولSadعاوزة اقرأ)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منى عبدالله
عضو
عضو


عدد المساهمات : 39
نقاط : 58
تاريخ التسجيل : 19/03/2011
الموقع : شرق الميدان

مُساهمةموضوع: رد الشاكوش في الشعر السوداني   الأربعاء 23 مارس 2011 - 4:49

الشواكيش بقت مافي شعر بس ياود خالتي بقت في الجامعات وكمان حسب التخصصات شوف ديل بقروا هندسة زراعية مع بعض قال لي حبيبتو:تعرفي يا سوسو الحب د-ابذرة- دايره ليها تربة ممتازه، وموية نضيفة، وإضاءةكافية عشان تنمو وانت للأسف تربتك مانضيفة ومالحة كمان ومويتك ماارتوازية وكان لازم نحصدالفشل في علاقتنادي وخلينا من التفرع في المواضيع الغير مورقة علاقتنااصيبت بلطفيليات واليرقات وإنتي لاسف إستخدمتي المبيدات العاطفية من غير ماتكلميني بعدين بصرااااحة كدااناخايف براعمنا في المستقبل يطلو زيك.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: الشاكوش في الشعر السوداني   الأربعاء 23 مارس 2011 - 5:54

الحاج العرس دايرنو لكن القرايه سمحه....والله يامنى ديل حبهم نوع عجيب بس حب النباتات سمح نسبة للمحسنات للكميائية المستحدثة
وتسلمو ع المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
الحاج الامين محمد علي
عضو نشط
عضو نشط
avatar

عدد المساهمات : 158
نقاط : 199
تاريخ التسجيل : 12/07/2010
الموقع : جنب الورشة

مُساهمةموضوع: رد: الشاكوش في الشعر السوداني   الأربعاء 23 مارس 2011 - 17:03


الله يوفقك ياابوروف بس وصية أخطب رجال لاتخطب حريم لأنه اسوأ أحساس هو انك تجد
نفسك مورط في زيجة لاتصلح معك وحينها لاينفع الندم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: رد: الشاكوش في الشعر السوداني   الأربعاء 23 مارس 2011 - 23:03

شالو الكلام ....
جابو الكلام ....
زادوه موية وجابوهو ليييييييييييييييييييييييييييك...
قالو ليك غير الاستايل بتاعك..
قالو ليك دى بقت موضة قديمة ....
ياخى بطل تقل دم واتخارج..
والمادايرك فى الضلام بيحدر ليك
والشاكوش المابيجيب خبرك ... بيخليك تلقط ورق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ناصر الاحزان
عضو متميز
عضو متميز
avatar

عدد المساهمات : 325
نقاط : 424
تاريخ التسجيل : 28/10/2009

مُساهمةموضوع: رد: الشاكوش في الشعر السوداني   الخميس 24 مارس 2011 - 8:43

ابو نورا كتب:
شالو الكلام ....
جابو الكلام ....
زادوه موية وجابوهو ليييييييييييييييييييييييييييك...
قالو ليك غير الاستايل بتاعك..
قالو ليك دى بقت موضة قديمة ....
ياخى بطل تقل دم واتخارج..
والمادايرك فى الضلام بيحدر ليك
والشاكوش المابيجيب خبرك ... بيخليك تلقط ورق

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الإمام Ù…Ø
عضو نشط
عضو نشط


عدد المساهمات : 130
نقاط : 148
تاريخ التسجيل : 10/06/2010
الموقع : سوبا غرب

مُساهمةموضوع: ردالشاكوش في الشعر السوداني    الخميس 24 مارس 2011 - 12:10

شيخي شيخ عبد الغني افتش كتابك شوف ازايا
قال لي بعون الغني مانح الرزق عالم الخفايا
قالي اقعد اتمهل بي روقه احكيلنا الحكايا
قت ليهو مشغول بي بنيه وهي مشغوله بالقرايا
اموره فاتت تقرا في خصايص التربه وخلايا
الاوكسجين الايروجين والالكترون عين النهايا
تقرا الادب معلقه ميسوره ساهله هي فالقرايا
تقرا وتناقش شوقي ضيف
تدرس المجازات والكنايه
وضمير وجوب تحذيرو احذر الزم ياخل حسن النوايا
ولو كنتي لكل زاويه جيب فانا جيب تمام(س)الزوايا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسامه
عضو
عضو


عدد المساهمات : 24
نقاط : 37
تاريخ التسجيل : 11/11/2009
الموقع : سوبا

مُساهمةموضوع: رد: الشاكوش في الشعر السوداني   الخميس 24 مارس 2011 - 16:30

عارف يا ابوروف الشاكوش الصعب شنو(انك تكون مربط ومتفاهم وكل حاجه مدروسه ومخطط ليها وفجاءه تدخل الحاجه في النص عشان بت اخوها وكان ماعرستها ما عافيه منك وانت تحاول ومافي فائده وفي النهايه وبعد جدال ونقاش تصفي علي حل بالنسبه ليها وسط( لادي ولادي)في الحاله دي ابقي شاكوش صعب زي مابقولوا اثنين والكلب في محلو)
لكن الميزه الفيهو انكم بتبقو اصحاب !!!!!!.
اسال...............!!!؟ولاتسال طبيب.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: الشاكوش في الشعر السوداني   الجمعة 25 مارس 2011 - 8:39

ده شااااااكوش قدري يا اسامه انت عارف شاكوش زي ده رغم مرارتو بس بطلعك انت من متاهات انت في غنى عنها في الحاله دي الشاكوش ارحم
شاكوش جامد ضرب صلاح حاج سعيد فكتب رائعته:



وبــقــيــت أغـــنــــي عــلــيـــك ..


غـنــاوي الـحـسـرة والأســـف الـطـويــل ..


وعــشــان أجــيــب لــيــك الــفـــرح ..


رضـــيـــان مــشــيــت للـمـسـتـحـيـل


ومــعــاك فــــي آخـــــر الــمـــدى ..


فتـيـنـي ياهـجـعـة مـواعـيــدي الـقـبـيـل ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
محمد علي
عضو نشط
عضو نشط
avatar

عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

مُساهمةموضوع: رد: الشاكوش في الشعر السوداني   الإثنين 28 مارس 2011 - 4:06

يا يابا الطيب .. يا اب قبتا"" لبنيه
تكتب لى .. حجاب من راسى لى كرعيا
اقعد .. فى نص البنات .. واشنق الطاقيه
اخير .. لى من مدرس .. ينفخ كضيماتو .. على
.. عييييييك ابشروا
ملحوظه:_ا
شاكوش . متميز .. كامل الدسم .. له ابعاد فيسولوجيه .. وهو تمركز ما بعد المرحله التكونيه
للبنيان الجسدى ( للعريس ) .ز وهو حديث السن .. يلغى .. مرحلة الكراس
اذن . هى مرحله حيوانيه ... تشكلت فى راس .. العريس مبكره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاكوش في الشعر السوداني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: منتدى قوز ابوروف الثقافي-
انتقل الى: