النمط...النمط..النمط

وفي اخر الشارع يظهر نوع جديد من النمط...والكل يرغب في الاكل البلدي...لازال الناس يفضلون الرغيف البلدي ...حتي الاجانب يعرفونه رغيف بلدي...يفرشونه قشور القمح وسيقان الذره والرده و النشاره والسعف والجريد...كل هذا لانه بلدي...عذرا ماكدونالز.. عفوا... كنتاكي .....الناس في بلدي ياكلون كل شي الدم ولحم الخنزير وما اهل به لله ولغير الله !!! ودكتور عبد القادر ينضم...
الشباب الطالعين في الحيطه ...يا شباب ..يا شباب .وصوت الساوند يردد صدي الكلمه الاخيره ..بااب ..بااب..لو سمحتو انزلوا تحت... الحيطه دي جديده وبتقع بيكم...يا شباب الاولاد بي جاي و البنات بي جاي...يا شباب اي زول يعبر عن شعورو ويطلع لينا بره.... ويا شباب الحفله بالطريقه دي ما بتستمر...والسكران يذهب الي صاحبه العريس و يطلق صيحات الحماسه من أعماقه ومعها جرعات من الايثانول تندلق فرحا وعفويه علي جلباب العريس الناصع البياض.
ولازال النمط سيد الموقف...نمط... كئيبه هذه الكلمه...و ممله ...لكن لازم تكرر حتي ياخذ الموضوع ابعاده الثلاثه ونستشعر النمط في كل شي
انتو الشاكي البنطلون والقميص ده منو؟وكمان شاقي الحله ...!!!! في النهار الحار ده....!!! لكن ماشاء الله اخوه الكبير داك متواضع خلاااااس...لم نكن نعلم ان النمط يمشي في الطرقات وبين الناس ...في الاسواق...والعربات..يسكن الاماكن كلها او كما قال ود الرضي


ويتواصل النمط

يا باش مهندس
ماعندكم نمط ديلليفرى؟
عاوزين منو اتنين سادة
العنوان
شارع النمط الغربى جوار بقالة اللنمط
رقم المنزل
تلاتة اصفار زيرو زيرو واحد

ابو نورا كتب:

يا باش مهندس
ماعندكم نمط ديلليفرى؟
عاوزين منو اتنين سادة
العنوان
شارع النمط الغربى جوار بقالة اللنمط
رقم المنزل
تلاتة اصفار زيرو زيرو واحد

شكرا ابونور يارائع....بس النمط بتاعنا ده محلي بحت وما بتصدر...من حقك تاكل حتي تشبع..لكن ما تشيل معاك البيت (ذي جنينه البطيخ) والاهم ان تثني علي النمط والا.....

ناصر الاحزان كتب:

شكرآ هندســـــــــــــــــــــه علي النمط والمزااااااااااااااااااااااااج الراقي
وتسلم ,,

تسلم يا ناصر الاحزان....الله لا أراك نمط في حياتك

khatab كتب:

سلام نزار ...وانماطك الخطيره...
أخشي ان تنسي انك بتكتب عن شنو؟؟ لحدي
مايبقي مقالك دا نمطي خااااااااااااااالص
استر يارب

يا زعيم ما تحسس لانو النمط راااااااااااااااااااقد علي قفا من يشيل.....انت خائف مقالي يكون نمطي!!!!!...وانا ذاتو بكتب عن النمط ...بالغت فيها دي...
وبعدين النمط ما بهددوا بالغرق

محمد النو كتب:

سلامات

وانا اتصفح تلك الانماط .. اتانى احساس .. الفشل فى امتحان النظافه

فى طابور الصباح ... وهذا الممتحن .... لايفرق بين

ا( بين غبشة الشتاء ... وغبار الدافورى ) . وبعض اعراض البكاء

ودمتم

والله صدقت.... النمطي لا يعرف نفسه هل هو نمطي ام لا؟؟؟ ويكون دائما في حاله مقارنه...

يعني كونك ترفض ندي القلعة وتتمسك بي العجايز ديل
نمط

خليل"]يعني كونك ترفض ندي القلعة وتتمسك بي العجايز ديل
نمط



ياخليلوووووف
انت كمان خلى مبالغتك تكون مبالغة نمطية
يعنى ماتشطح وتكسر الحاجز النمطى
ياخوى كتر الكلام خليهو وخليك نمطى عااااااااااااااااااااااااااااقل

والنمط يبدأ من المهد الي اللحد وما اشبه الليله بالبارحه..العروس التي تلبس الزفاف الكفن البياض استعدادا لقبر الزوجيه ممسكه بيد العريس اللابس بدله سواد الحداد علي الدنيا التي لم يعرف فيها غير الشقاء واللهث...وسبحان الله سمه تشابه بين ما بين القبر والقفص (افترض ذهبي)
مشهد البدايه:
العريس يلبس الاسود (بلبس براهو) والعروس تلبس الابيض(بتلبس بمساعده صاحباتها) واخرون يتطوعون لاكمال الفرح(ويضحكون مجامله)وبعد انتهاء المراسم ودخول القفص يعتبر التطوع ممنوع لخصوصيه العلاقه ولا يجروء احد علي فعله..
مشهد النهايه:
في القبر واحد يلبس الابيض(ما بقدر يلبس براهو)والاخر يلبس الاسود(ده بلبس براهو لانو سيد وجعه) واناس كثيرون يطوعون لاتمام المراسم (ويبكون مجامله) وبعد نهايتها يعتبر التطوع الزائد عيب لايجروء احدا علي فعله.
___________
والعجرفه الزائده تفوت حدها..عندما ينادي احد ملوك العرب الذي يحاول ابتكار لغه جديده مع خادمه عندما قال له:انت فويرق كامنت تبسلم؟؟ فرد الخادم :حبلظم سيدي
وهنا غضب الملك وسال خادمه :ماذا تقصد ياقذر؟ ورد الخادم: ماذا كنت تعني يا مولاي بسوالك
الملك:انا سالتك هل جلبت الماء من البئر
الخادم:وانا اجبتك نعم
_________

ويتواصل النمط

اللهم نسالك حسن الخاتمة

الجلسة النمطية الحلوة دي فاتتني يا ربي انا كنت وين؟
هل كنت في مشغولية نمطية

والله نمطكم ده فيهو جنس انماط تحير عديل كده
يعني الواحد لازم اشوف ليهو نمط عشان اعرف نمطو ماشي
وين