وداعا خطاب الي بلاد الهند

بالسلامة والتوفيق انشاء الله وقديما قالوا سافروا فان في السفر فوائد تقوي واكتساب معيشة
وتفريج هم لذلك نحث اعضاء المنتدي علي الضرب في الارض (فمشوا في مناكبها )..

ايام الشقا عندما كنا نهم بالسفر الى الخرطوم
كان ابن العم محمد النو(معليش يا خليل) يقول لي ما تقول مسافر قول خاطر على طريقة اهلنا زمان لمن كانو بيمشو الرهد بي كدندكاتهم و القضارف كعمال موسميين
و الكلام لمحمد النو" لانو انت يا علي ماشي تواجه المخاطر عشان كدا انت خاطر و ليست مسافر"


اها يا خطاب انشاء الله تكون مسافر مو خاطر
و عودا حميدا من ارض غاندي و نهرو
ارض الصندل و السروتيه و المحلب
شوف الناس ديل الحاجات دي بيزرعوها كيف
بيسقوها شنو

وما تقعدو تعاين لي في شعرهم السبيبي دا
خليهو كورسك دا


و الله الكورسات دي نحن ما بتنفع معانا
الا كورس استاذ عبد القادر البوديهو سنار تلات شهور(ايام زمان)

ان شا الله موفـــــــــــــــــــــــــق باذنه تعالى ونسأل المولى ان يـــــــــــردك سالم غانم .. لكن يا خوي شايفك شكيت
من البرد بس ما بلحق البرد عندنا هنا و كيفما كان الحال مازي برد السودان(في الشارع والبيت والشغل).. البرد عندنا يا خطاب خطير بس ما بتحسو شديد الا وانت ماشي ع الشغل او جاي

رفقتك السلامة ذهابا وايابا اتمني لك التوفيق