خل خيالك واسع

اتخيل انو في سما

و في واطا

وفي هوا

و في منتدى

وفيهو شباب زينا كدا
اتخيل

دي غايتو زول عادي ما بقدر يتخيلها..... !!!!!!!!!

انا ابدا ليك من تحت .
شلة اخوان اولاد فريق ... اولاد بلد...
اتربو فى بيت واحد ... بيلعبو جنب بعض... بيفترشوا سواعد بعض ...
واتفقوا على قضية واحدة .... هى البلد...
ديل الشباب الزينا....
اوضة فى نص حوش كبير ... وسط الفريق ....
ده المنتدى البيجمعنا ديمة وبيلمنا.....
اما الهوا ؟ ماهو الهوا النتنفسو...هو عبق الاحبة ...
امثال نذار واخوان خليل ...
وامثالنا كلنا....
والارض هى اللحاف الفوقو ساندين القفا...
ساعة نقعدج جنب بعض ... نتسامر ...
ونخت همومنا وحملنا......
اما السما مرات غطانا ...ومرات حجانا ...
ومرات كتيرة بلهمنا النضم وكت نسرح كتر ...
نتذكر الارض الحبيبة ... البلد الحبيبة....
بيت بيت وفريق فريق .....
والغربة الله ما وراك ليها يا جنى.....

وبتخيلك وكتين أشوف اما تهبهب صندل ذفاف لعروس وترقصا

عصرا ماشي ع المغارب ...............................

وجاي من البلدات وريحه الطين والسلوكه والموليته

وحاجات تانيه حامياني

اتخيل صباح و سما و شمس
اتخيل صباح تريان بي حلم امبارح
حلم بسيط
المطره جات
و البلدات رون
اتخيل سما مليانه سحاب
والسحاب راحل
اتخيل شمس ما لاقيه طريقه تشوف الحله
تفوتا سحابه تجيها سحابه
اتخيل
مطره و رمله
و انك حفيان
تخمج في الطين و ماشي على الرمله
اتخيل تويه و ناس دابا و ناس في الميس
اتخيل ملاح اللوبه شادنو فوق الطشت المكفي
اتخيل ريحه
ريحة الدخان الطالع من الطاقه
و انك جيعان

لكن دا كله راح
صحينا من حلمنا الجميل
لقينا
بدل السما اسمنت
و بدل الهواء طوب
و بدل الارض اسفلت
و بدل القوز الخرطوم

بيد ان الاجمل من الجمال ذاته
هو تلك العظمة في عين الاصرار
فشل فاشل خلف قطبان الكيد
ماذا بقي في المئذنة
ماذا بقي غير غلالة الليل والاحباط
كن دودة تسكن النبات المتسلق

معايا وغشيتك اسلم عليك
واسكن قصادك هموم الحراز واطمأن
طيور الخرف الوشيك وابشر
دواخلك بوعد الرزاز

علي الامين كتب:: اتخيل صباح و سما و شمس
اتخيل صباح تريان بي حلم امبارح
حلم بسيط
المطره جات
و البلدات رون
اتخيل سما مليانه سحاب
والسحاب راحل
اتخيل شمس ما لاقيه طريقه تشوف الحله
تفوتا سحابه تجيها سحابه
اتخيل
مطره و رمله
و انك حفيان
تخمج في الطين و ماشي على الرمله
اتخيل تويه و ناس دابا و ناس في الميس
اتخيل ملاح اللوبه شادنو فوق الطشت المكفي
اتخيل ريحه
ريحة الدخان الطالع من الطاقه
و انك جيعان

لكن دا كله راح
صحينا من حلمنا الجميل
لقينا
بدل السما اسمنت
و بدل الهواء طوب
و بدل الارض اسفلت
و بدل القوز الخرطوم

لوكان ده خيالك اصحى ياحبيبى والفرق واضح بين الحلم والخيال

وبين الذكريات والحاضر ...ولو رجع بينا الزمن لى حالو ديك..ماكان عرفنا
كيف نتلاقا عبر الاثير

ابو نورة انت نورة دي امها بنغالية ولا شنو؟؟؟؟؟؟ مشتاقين والله شديد ليك ولكلامك الموزون والمموسق

ابو نورا كتب:: لوكان ده خيالك اصحى ياحبيبى والفرق واضح بين الحلم والخيال

وبين الذكريات والحاضر ...ولو رجع بينا الزمن لى حالو ديك..ماكان عرفنا
كيف نتلاقا عبر الاثير

اصلا طبع البشر كدا
تحب ما مضى
مهما كان قاسي
ليه؟
لانو الماضي لا يرجع
ودا سر جمالو
غير كدا
دايما الناس بتحلم بغد اجمل
لكن كل غد يسرق العمر منا
فكيف يكون جميلاً

و اسمع الموسيقى الحلوه دي

نزار الغرقان كتب:: معايا وغشيتك اسلم عليك
واسكن قصادك هموم الحراز واطمأن
طيور الخرف الوشيك وابشر
دواخلك بوعد الرزاز

كملت الجريدة خلاص ؟
مع انى كنت منتظر الصفحة الاخيرة
عقبال تكمل جريدة يوسف

اتخيل نفسك مجنون بس جن محترم شويه
واتخيل انو الناس بتديك حجم الواعي
مع انو انت عارف نفسك مجنون اتخيل حياتك
حتكون كيف في الوضع ده؟؟؟؟