(وجعلنا من الماء كل شيء حي )

بسم الله الرحمن الرحيم
ا السلام عليكم ورحمة الله
تكلفة شبكة مياه قوزابوروف 200 ألف جنيه .... يعني 200 مليون جنيه قديم ..
الصهريج الجديد جاهز بالخرطوم ...
وعود بتبرعات من خارج اهل القرية ب 10مليون
ا المصدر من اهل القرية فضل حجب اسمه
ااقتراح من اخوكم
عدد المشتركين في الشبكة الحالية 350 مشترك تقديري الشخصي
300 مشترك نشط (ينعي بدفع من غير جهد ) ممكن نلزم كل مشترك ب 5 جنيه شهريا00
5*300=1500 شهريا +50مقدم لكل مشترك 50*300=15000 اضافة لعمل حملة
كبيرة لجمع التبرعات من الحكومات ولائية واتحادية الموضوع يبدو عصيا لكن يمكن انجازه
تذكروا ان الماء ستكون متوفره 12 ساعة او يزيد ختاما اقول اسبحوا في اتجاه السفينة و لا تضيعوا ا الوقت في انتظارها

وين الشبكة التي تبرع بها بابكر محمد توم ام انها اساطير الاولين ام هي السفينة التي سنسبح في اتجاهها

اخى هاشم الناس ملت كثرة التبرعات اى شى مهم فى القريه لازم تبرعات
اين دور الولاة والله ماء الشرب ابسط حقوقنا لكن خلاص القريه اعتمدت على التبرعات
ياناس خلاص فوقو طالبو بى ابسط حقوقكم0

الاخوان علي ,الزبير والله موضوع زيد اتبرع وعبيد دفع حقيقة نحن (زهجنا منو)
بابكر اظنو هو الدفع ال 10مليون سالفة الذكر و لجنة القرية رفضاها
نحنا عندنا موضوع لازم ننجزوا باي شكل نحن اصحاب الهم يعني لازم نغير الشبكة هذه نحن
ملينا حكاية الموية يوم بعد يوم وكما لمدة ساعة واحدة المويه في كل القري 24 ساعة ولو بالغت ب10الف نحن بندفع 8 الف في الشهر ل 17 ساعة فقط يعني لو زرت ليك صديق و لا قريب (في طرف الحلة ممكن الموية تجيء وتقطع وانت لم تنهي مشوارك بعد) والاسوا من هذا سي الذكر
المسماه (بالكرجاكة) والله وتالله لو بيدي امر القرية لنتزعتها ولو وردوا الناس الماء من بحر ابيض
لان بها اساءة بالغه للمواطنيين حقيقة , ياخوة نحن مطالبون بصلاح امر الماء اليوم قبل الغد و
الوطن يبني بسواعد بنيه لابد انتحرك الحكومة لا تاتي الينا لتصلح الشبكة نحن في هذا البيات الشتوي

بالطريقة دى بترجعونا لى سيرة العيش الزماااااااااااااااان ونحن ماناقصين
فقط نجيد التطبيل لمن لايستحق... ولانعرف نطالب بحقوقنا الاساسية بشكل جدى
تعالوا نبدا سيرة الموية فى الحلة منذ ان كانت سحاب فى السماء ونزلت مطر وغاست فى باطن الارض
....................
فى السابق كان الناس بتنشل الموية بالدلو من البئر(بئر ودفضل السيد)ثم (بئر جاه الله)
ثم بعد داك جات هيئة ميا الريف التى كانت تتكفل بكل تكلفة التأسيس ثم تضع لك فاتورة رمزية كل عام التى كان بمقدور طالب اساس ان يدفعها من مصروفه اليومى...مع كل ذلك كان الهيئة تتكفل حتى بالصيانة والتشغيل وعينت فني مقيم ولااحد منكم ينسى عمنا النور عبد الله(ودحواء) وكذلك احمد الزيات...
بعد كل ذلك الترف جاتنا حيكومة بتبيع الهواء مش الموية وبس ...ونزلت فرضيات وعون ذاتى وكنا بنفتكر انو العون الذاتى ده انو الحيكومة بتدعمك حتى الحنفية .... لكن طلع العكس وفهمنا معناهو بالطريقة الصاح انو المواطن لمن يصل مرحلة الحنفية (عرقو)( وزيتو)(والقالو انس )بيدفق من خلال تلك الحنفية قبل الموية... يعنى الشراب يالاستطاعة وياويلك لو وصلت لى جارك الغير مستطيع تعال شوف وزير الرى المحلى حيعمل ليك شنو؟
والموية ياجماعة موضوعهاطويييييييييييل ...
وغايتو بنواصل..
ودمتم
0

hashim كتب:

الاخوان علي ,الزبير والله موضوع زيد اتبرع وعبيد دفع حقيقة نحن (زهجنا منو)
بابكر اظنو هو الدفع ال 10مليون سالفة الذكر و لجنة القرية رفضاها
نحنا عندنا موضوع لازم ننجزوا باي شكل نحن اصحاب الهم يعني لازم نغير الشبكة هذه نحن
ملينا حكاية الموية يوم بعد يوم وكما لمدة ساعة واحدة المويه في كل القري 24 ساعة ولو بالغت ب10الف نحن بندفع 8 الف في الشهر ل 17 ساعة فقط يعني لو زرت ليك صديق و لا قريب (في طرف الحلة ممكن الموية تجيء وتقطع وانت لم تنهي مشوارك بعد) والاسوا من هذا سي الذكر
المسماه (بالكرجاكة) والله وتالله لو بيدي امر القرية لنتزعتها ولو وردوا الناس الماء من بحر ابيض
لان بها اساءة بالغه للمواطنيين حقيقة , ياخوة نحن مطالبون بصلاح امر الماء اليوم قبل الغد و
الوطن يبني بسواعد بنيه لابد انتحرك الحكومة لا تاتي الينا لتصلح الشبكة نحن في هذا البيات الشتوي

نحن يا هشام معاك
الاوطان يبنيها بنوها
لكن بلاش 10 مليون بابكر دي
دايرين يعملو الشبكه كاملة مرحبتين و غير كدا الكرجاكه ارحم لينا


و يا ابو نورا لازم تكمل

بالطريقة دي انتو بتعارضوا انفسكم وليس الحكومة الاحتجاج هذا محله مكتب الوالي في سنجة
نحن هنا في بيتنا فكروا بطريقة عملية شوية ودا كلام قيل من قبل اخريين كثر

+
----
-بالطريقة دي انتو بتعارضوا انفسكم وليس الحكومة الاحتجاج هذا محله مكتب الوالي في سنجة
نحن هنا في بيتنا فكروا بطريقة عملية شوية ودا كلام قيل من قبل اخريين كثر




اخى هاشم المهم فى الموضوع الناس توعى شويه مامن اجيهم احد المسؤلين واتبرع ليهم بى حاجه رمزيه الكل يصفق هو ماملزم يتبرع بل هو ملزم يغير الشبكه لنو ده حق المواطن والمسؤلين
اتعودو ادونا خمس المبلغ عشان عارفين احنا بنتم الباقى تبرعات اذا طال السكوت من ينصفنا غيرالله0

الزبير العسل :
احئ منطقك العقلانى جدا....

لكن من المتفرض الناس تكون واعية لحقوقا....

فان القول ما قال الزبير

طيب ياابوروف انا احترم وجهة نظرك ووجهة نظر الاخ هاشم
هاشم زكر ان تكلفة الشبكه200 الف جنيه الدعم من الولاية 10 الف جنية
ومن المواطن 190 الف جنية اصلا احنا لو اتفقنا على التبرعات مافى داعى لل10الف جنيه
بتاعت الولاية احسن نتمها برانا لن 10 لاتسمن ولاتغنى من جوع ولا شنو ياشباب0

يا الزبير يعني لو ادونا العشره مليون دي نقوم نحردا للحيكومه واكيد حيبلعها بلاع من بلاعين الانقاذ... انا وجهة نظري 10ملايين دي نشيلها ان شا الله نقسمها للمساكين مش بتكون سدت فرقه ولا رايـــــــــــــــــــــــك شنو؟

يعنى نعمل ساقيه جحا من البحر لى البحر نشيل من المساكين 190الف ونقسم ليهم 10الف جنيه
لاكن فى شى ثانى ممكن تشتروها حنفيات واى بيت ياخد حنفيه ولاشنو ياابوروف

عوووووووووووووووووووووووك
توووووووووووووووووووووووووووش
الموضوع مش كدي
الشبكة دي هس شغالة....................... مالي
بتنا جنب المطامير بتجي موية طوااااااااااالي
الناس الوراء برضهم بتجيهم
في ناس ما موصلين بس,,,,,,,,,
حتي ناس امدادول بتجيهم موية ........... بس
لو الموية شغالة كل اليوم..........
ياهاشم شبكة بي 200 مليون والموية 12 ساعة ........لية,,,,؟؟؟؟؟؟؟؟
ناس دوبا الموية 18 ساعة !!!!!!!!!!!!!
اختشوااااااااااااااا !!!!!!!!!1
المشكلة:
1\ التحصيل الشهري للمواطن من المتحصيل غير واضح
2\ المستفيد من التحصيل لايدفع مقابل في صالح المياء ( بصلح المكنية ... كل سنة)
3\ الجودية في الادارة بالقرية
4\ تخوف الشباب من المسولية نحو القرية
5\ كسل المواطن وعدم المطالبة بحقة من الادارة باالقرية (لجنة ان وجدت .... شخصيات اخري)
الحلول:
1\ شكر القائمين علي امر التحصيل وتعينهم بالمرتب
2\ تعين احد اعضاء اللجنة الشعبية لتحصيل الاشتركات الشهرية مقابل مرتب شهري
3\ البابور تكون شغالة 12 ساعة في اليوم
4\ متوسط الدخل الشهري 2 مليون للتحصيل
تشتخدم للصيانة والكهرباء للتشغيل والباقي للشبكة
5\ رفع الاشتراك لعشرة ج ولا يكون هنالك اعفاااات الي احد
6\ تولي الشباب لهذه المسولية وادراجهم في العمل بالقرية( مثل هاشم صديق- الطيب - عابدين-متوكل-علي محمود وغيرهم من المتواجدين بالقرية)
صدقوني الخوف من المواجهة سبب الحالة
وعدم تشغيل البابور 12 ساعة وهو السبب
مع الاحتراااااااااااااااااام للكل

الاخ ابوروف كيف عامل مع الوضع الجديد انشاء الله نسمع ونشوف منك كل خير
احيييك علي التفيكر العملي , اخوك طرح موضوع الموية و قلت ليهم الشي الحاصل بخصوص
الموضوع , وجه نظري التحرك اولا بطريقة منظمة يعني الناس تمشي مكتب الوالي و تمشي تقابل
المعتمد والحكومة هنا في الخرطوم بعد ماتجمع من الجهات دي ممكن تشوف طريقة مريحة تقسط
الباقي علي المواطن افضل الناس دفع ال50 وال100 جنيه ولا افضل الوضع المتردي الان ,
( اود ان اذكركم بشي انو المشاريع دي بتقوم بيها شركات خاصة وليس هيئة المياه ينعي كان ما
دفعت او التزمت ما بتجيك )
الشي الاخر نحن قلنا نركز علي ميسوري الحال يعني (الزول الوضع كويس ) هذا عمل خير
الناس ممكن تدفع فيهو , حقيقة الشبكة الحالية لاتشبه قوزابوروف ولا انسان قوزابوروف نحن
الان نتسامر علي الانترنت عطشي كيف يستقيم هذا ....

عووووووووووووووووووووووووووك هاشم رئك

ياهاشم انت مصر على التبرعات دى ليه؟؟؟
والله الناس كلها بقت من ذوى الدخل المحدود....التبرعات دى حاجة انتهت بقت بتوخذ بشكل عينى من المشاريع الكبيرة زى المشاريع المروية ذات الانتاج المضمون او المشاريع المطرية الكبيرة..بحيث تستقطع من كل فدان شوال عيش (برضو العيش خش) او شوال شوال سمسم اوقمح ....بتكون سديت الفرقة
لكن ياهاشم شوف حجم المبلغ المطلوب وشوف مشاريع القرية (دكاكين)و(بلدات) ...ياخ عليك الله لوجيتك وقلت ليك اتبرع للموية :حتدفع كم؟
ال200.000 دى مارقم ساهل عشان يتجمع بالقطاعى...من بتاع دكان ولامن راتب موظف ...والفرصة جات لى ناس القوز زمان وضيعوها بالعيش المسوس ...وناسيين انو الموية اولى من العباد..
لوكان الموية ثمن صوتنا كان افضل
===============
*اكبر تخريمة:
ياجماعة من اهم الحقائق نحن بنتقاقش فى قضية عصب الحياة ..على منبر قوز ابوروف لكن للاسف ... انو لا احد من الناس المسئولين فى القرية او المستنيرين ولا حتى زول عنقالى جايب خبر ولاحتى مفتكر انو فى قضية مطروحة ...يعنى طلعنا بنفخ فى قربة مقدودة والكلام البنقول فيهو ده متداول بيناتنا نحن بس ... وكيف يكون لينا صوت تغيير فى مجتمع الحلة وكيف (ياخليل) نواجه المسئولية ونحن بعيدين عنها كل البعد؟كيف نتناقش وراينا حدو صفحة المنتدى بس ؟

خليل (الخميس 16 ديسمبر 2010 - 8:40) كتب:

عوووووووووووووووووووووووك
توووووووووووووووووووووووووووش
الموضوع مش كدي
الشبكة دي هس شغالة....................... مالي
بتنا جنب المطامير بتجي موية طوااااااااااالي
الناس الوراء برضهم بتجيهم
في ناس ما موصلين بس,,,,,,,,,
حتي ناس امدادول بتجيهم موية ........... بس
لو الموية شغالة كل اليوم..........
ياهاشم شبكة بي 200 مليون والموية 12 ساعة ........لية,,,,؟؟؟؟؟؟؟؟
ناس دوبا الموية 18 ساعة !!!!!!!!!!!!!
اختشوااااااااااااااا !!!!!!!!!1
المشكلة:
1\ التحصيل الشهري للمواطن من المتحصيل غير واضح
2\ المستفيد من التحصيل لايدفع مقابل في صالح المياء ( بصلح المكنية ... كل سنة)
3\ الجودية في الادارة بالقرية
4\ تخوف الشباب من المسولية نحو القرية
5\ كسل المواطن وعدم المطالبة بحقة من الادارة باالقرية (لجنة ان وجدت .... شخصيات اخري)
الحلول:
1\ ايقاف السيد النقر فوراااااااااااااااااااااااااااا
2\ تعين احد اعضاء اللجنة الشعبية لتحصيل الاشتركات الشهرية مقابل مرتب شهري
3\ البابور تكون شغالة 12 ساعة في اليوم
4\ متوسط الدخل الشهري 2 مليون للتحصيل
تشتخدم للصيانة والكهرباء للتشغيل والباقي للشبكة
5\ رفع الاشتراك لعشرة ج ولا يكون هنالك اعفاااات الي احد
6\ تولي الشباب لهذه المسولية وادراجهم في العمل بالقرية( مثل هاشم صديق- الطيب - عابدين-متوكل-علي محمود وغيرهم من المتواجدين بالقرية)
صدقوني الخوف من المواجهة سبب الحالة
وعدم تشغيل البابور 12 ساعة وهو السبب
مع الاحتراااااااااااااااااام للكل

في هذه المساهمه سوف اخوض في الموضوع من منطلق شخصي للغاية و من دون مواد تجميل للكلمات


ماذا فعل النقر حتى يكتب احدهم و بكل فظاظه
1\ ايقاف السيد النقر فوراااااااااااااااااااااااااااا

الا يكفى انه تصدى لموضوع تحصيل المياه في وقت تهرب الجميع منه و انتم تشهدون على ذلك
هل تنافس اهل القرية على تحصيل المياه و سلبهم النقر هذا الحق
الا ينبغي ان نشكر الرجل و هو يتصدى لمهمة التحصيل و انتم تعلمون كم هي شاقه و الدليل على ذلك في اقرب القرى الينا قرية دوبا تتم بمساعدة الشرطه
اهل كانت المياه متوفره و صارت مترديه في عهد تحصيل النقر
لماذا نرفض من يتطوع و نسعى خلف من يترفع
لماذ عندما نتكلم عن المدارس نقول (الاخوة المدرسون جزاهم الله خير و لكن................)
لماذا عندما نناقش قضايا الرياضه نقول(الاخوة الشباب ما قصرو و لكن...................)
لماذا عندما نتكلم عن الماء نكتب(1\ ايقاف السيد النقر فوراااااااااااااااااااااااااااا)
الم يكن من الافضل ان نكتب (الاخوة القائمين على امر المياه جزاهم الله خيرا ما قصرو و لكن المرحله القادمه تتطلب......)
اين اللباقه
اين قيم و ضوابط المنتدى
و اخيرا مرة اخرى نقول

لماذا نرفض من يتطوع و نسعى خلف من يترفع

يا خليــــــــــــــــــــــــــــــــــــــــــــــــــــــــــــــــــــــــــــــــــــــــــــــــــل يااااخي خليك منطقي شويه لو ما النقر ده موجود أكـــــــــــــــــــــــــــــــــــــــــــــــــــــــــــان العطش توووووووووووووووووووووووووووووووووووووووووش ودرك

ياخليل والله ماليك حق النقر ده متحصل ومن هنا انا بشكر الاخ النقر على الموجهود الجبار الذى يقوم به تجاه القرية خلونا نكون صريحين شويه مع انفسنا فى العهد السابق كان المتحصل وبى معيتة الشرطه الان وفى عهد النقر الوضع مختلف النقر بحنكتة وبى هدوئه قادر يتحصل من غير شرطه ولايحزنون واكد لك ياخليل النقر هو الشخص الوحيد الذى يعرف اين حقوق القريه واين متطلباتها والباقى نائمين فى العسل اذا صح التعبير
ياخليل بالله عليك لاتنقطع تووووووش
ومن هنا تحياتى لكل الشباب
ودمتم

نلوم انفسنا اولا ونلوم خليل ثانيا ...ومن هنا ولى قدام نحن فى هذا المنبر لانود ان نسئ لاحد من القرية ان كان بشكل مباشر او غيره ...احتراما لمجهودات كل فرد واخفاقاته ...فاذا اسئنا لاحد فهذا يعنى خراب بيتنا الداخلى واساءة لانفسنا ...
فالنقر حقيقة قدم مجهود مقدر ... وله صلاحيات وضعتها له الجهة التى عينته ...
فليس له قانون يخصه

عوووووووووووووووووووووووك
تووووووووووووووووووووووووووووووش
ليس هنالك معني من النقاش وضع الحلول باباب الخلفي...........
ناس دوبا بالشرطة بتحصلو ع الاشتركات......... مافي حاجة
ولي شنو مسكتو واحد من حلولي وتركتو الباقي
مع احترامي للكل بما فيهم النقر ويووسف محمد احمد (المرشح السابق) المنتدي لن يحل مشاكله ناهيك من مشاكل القوز

ابو نورا كتب:

نلوم انفسنا اولا ونلوم خليل ثانيا ...ومن هنا ولى قدام نحن فى هذا المنبر لانود ان نسئ لاحد من القرية ان كان بشكل مباشر او غيره ...احتراما لمجهودات كل فرد واخفاقاته ...فاذا اسئنا لاحد فهذا يعنى خراب بيتنا الداخلى واساءة لانفسنا ...
فالنقر حقيقة قدم مجهود مقدر ... وله صلاحيات وضعتها له الجهة التى عينته ...
فليس له قانون يخصه

ا الاخ تمام : ليس منا من لا يقول الحق
المنتدي ليس تلفزيون السودان ليه التجميل
نقول الدائرنو
مافي داعي للتجميل والعويل

الموضوع : انو لو افترضنا جدلا انو التحصيل الشهري مليون ونص (من هاشم)
السنة بي 18 مليون
سعر البابور جديد بي 2 مليون ونص( الخندقاوي)
2 بابور بي 5 مليون
الكهرباء في اليوم 10 الف في اليوم
2 بابور في السنة 7 مليون و2 مائة
الباقي صافي لصالح ................( ممكن الشبنكة المويتها 18 ساعة)
بالتقريب 6 مليون




بدون تعليق ياهاشم احتمال انا غلطاااااااااااااااااااااااااااااااااان

الموضوع:
الاشتركات الشهرية مليون ونص ( السنة 18 مليون)(( من هاشم))
البابور الجديد كل سنة 2 مليون ونص((الخندقاوي)) 2 بابور بي 5 مليون
الكهربا ء في اليوم 20جنيهة ل2 بابور(( أ خليل- هندسة كهرباء)) السنة 7 مليون
الباقي 6 مليون(( لصالح .......... ممكن الشبكة الشغالة 18 ساعة وغيرها من امور القرية

الاخوة الاعزاء السلام عليكم
الموضوع المطروح هو تغيير الشبكة الحالية ارجو الا تصرفونا بمواضيع غير ذلك
الاخ خليل الشبكة الحالية شغالة من غير صهريج ينعي (ذي الجنينة)
كل الناس الموصلين منها ليس لديهم حنفيات هذا لا يحفظ الضغط مما يودي الي ضعف الماء (حسب راي المهندسيين )
حديثك عن تغيير الادارة الحالية يناقش مع اللجنة وهي يراسها أ/ عباس يوسف لعلمك نحن صراحة لانملك اي معلومات
عن عدد المشتركين ولا عن حجم السداد الشهري وعن الاستهلاك الفعلي
ضعف المواطنين عن المطالبة بحقوقهم ليس له حل . نحن نريد تطوير خدمة الامداد المائي وهذا لا يتم الا بتغيير الشكبة
و تركيب الصهريج الجديد يعني جهودنا لازم تركز في هذا الاتجاه و موضوع الادارة اظنه سابق لاوانه
الاخ محمد تمام لست متمسك بموضوع التبرعات كما زعمت لكني متمسك بتغيير الشبكة الحالية وانشاء الله الحكومة تغيرهالينا
لكني مختلف مع الاخ علي في الوضع الحالي وهو غير سليم تماما بل فضيحة عديل موية يوم بعد يوم يعني بنشرب (ضميء) بلغة رعاة الابل ..
سيظل الكفاح مستمر باذن الله مابقينا في هذه الزائله

الاخوة
ابوروف
الزبير
محمد تمام
اظن ان كلنا يعلم ان النقر يتحصل وفق اتفاق بينه و بين اللجنة الشعبيه و قد يكون النقر مستفيدا او خاسرا و هذا ليس موضوعنا
الموضوع هو تغيير الشبكه الحاليه و مسألة التحصيل هذه مسألة تسيير و هي من الاهمية بمكان و لكن تبقى الاولوية دائما لتغيير الشبكه الحاليه التي كما ذكر هاشم شغاله زي الجنينه يعني من البير للمستهلك مباشرة
و ارجو من الاخ خليل ان يتفهم هذا الموضوع وان وفقنا الله في تغيير الشبكه فليطالب بتغيير المتحصل و سنناقش ذلك بكل شفافية

عووووووووووووووووووووووووووك
توووووووووووووووووووووووووووووش
الرائعون : و لا ذلت مع رائي انو القوز مادايرة شبكة جديدة
دائرة ادارة جديدة((((((( بالبوليس))))))))
دائرة وجوة جديدة ........دماء جديدة.......احلام جديدة .....افكارجديدة
ياهاشم شبكتك دي بجيب معاها حنفيات؟؟؟؟؟؟؟؟؟؟؟؟؟
اديهم الموية 18 ساعة بجيبوا الحنفيات براهم

والله يا شباب برغم كتر الكلام لكن لم نقدم اي حل للمشكله وستظل هكذا لاننا لم نتبع الطريقه المثلي لحلها..واكرر ...و اكرر ...واكرر تاني نحن في القوز ليس لدينا مشكله في التخطيط ووضع الحلول (طفل من الاساس ممكن يحل ليك مشكله علي مستوي المحليه وليس القريه وهذه محمده)لكن مشكلتنا في التنفيييييييذ...التنفييييذ...يعني عندنا ازمه منفذين(ناس بشتغلوا) وليس مقترحين......دعونا نحل مشكله التنفيذ اولا بعدها نفكر في الشبكه والنادي وغيره..
كثيرون تكلموا عن مشكله الماء في القريه لكن الاغلبيه يجهلون التفاصيل الكامله ...يعني المشكله في الاداره وفي الشبكه وفي المواطن وفي الهيئه...
الي ان القاكم بالتفاصيل في بوست منفصل

علي بركة الله بدا امس العمل في تشييد برج الصهريج الجديد ومن المتوقع ان ينتهي العمل
في غضون ايام قليلة انشاء الله ..
معا من اجل ماء صحي ومتوفر ..

ياجماعة الصهريج الجديد ده مكانه وين؟واتمنى يسهم في حل المشكلة لانه نحن لوراء ماعندنا
موية او مافي اندفاع لها بالله ورونا الخبر شنو؟

بحمد الله تم اكمال المرحله من رفع الصهريج الجديد.. بجوار البئر القديمه...

مشكور الاخ نزار علي التوثيق
من ناحية فنية الصورة واضحة وان عابها عدم الشمول لكل اجزاء المكان وكذلك اختفاء الصهاريج
القديمة والبئر مصدر المويه نفسها علي العموم سنعتمد علي الذاكرة لاستدعاء اللوحة ككل

كيفمـــــــــــــــا كانت الصوره هو انجاز عظيم جدا وجهد مقدر ومشكور جدا نزار ... وباقي لي فكرة الصورة دي ما كنت جادي فيها
ع حسب كلام هاشم انو في اشياء مفقودة

ياباش مهندس والله ماقصرت واللوحة كانت معبرة جدا عن المكان وريحة الطين المارق من الحفرة
......
والتعبير الوجدانى الاكتر روعة اوضة ناس ابراهيم ودحامد ودى الواحد كان لمن يهرب من همومو بيجى بيديها فيها تكلة نهارية بى مزاج .. وصورة الخلوة وطرف المسجد الجنوبى دى كانت الخطاوى البمشيها من البيت لى بيت ناس الرفيق خالد الطيب ....
:::::::::::::::
ودفار الدحيش ده ماعاجبك يعنى يا ابوروووووووووف ولا شنو؟
ولا انت عاوز نذار يرجع ورا حبة ويصور ليك مكنة حاج النو؟

حاج المحينة اطمنك انت ماسورتك حتدفق قبل ماسورة هاشم فقيدة
عشان كده ماتشيل هم بس خلى برميلك جاهز وقريب

عوووووووووووووووووووووووووووووووووووووك
توووووووووووووووووووووووووووووش
الروعة ياتمام في غنماية ناس عمك النو ..........................
والحمل الهامل داااااااااااااااااااااااااااااااااااك
نجاسفو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههههههههه
((( نكلمكم من داخل مطار الخرطوم حيث النت المتوفر والسريييييييييييييييع)))
((( ما تفكرو قااااااعد أنا بس جبت لي طلبة ذيارة للرادار ولقيت صاحبي هنا)))

الله يطمنك ياود تمام نحن الموية عقدتنا عديل رحلنا من ودالمحينة للرهد بورانا الموية رقدت
جينا القوز لقينا الموية مجابدة ويارب بعد الصهريج الجديد يكون حل نهاي لكل الناس وخاصة
نحن وجارنا العزيز مبارك وورشته
وشكرا لود الغرغان للصور الجميلة دي بس كنا عاوزين الناس المتكلين زي ودتمام قدام
دكان الغرقان

بحمد الله وتوفيقه اكتمل تركيب الصهريج وتمت تجربتة بحضور اعضاء اللجنة نسال الله ان يديم
روح التعاون بين جميع الاهل في قوزابوروف كما نشكر كل من ساهم في انجاح هذا المشروع
وندعوا الاخوة الي بذل المزيد من الجهد حتي نبني شبكة مياه حديثة ومتطورة تناسب انسان قوزابوروف ...

مبروك و عقبال تسوير المدارس

عوووووووك
تووووووش
البوست دا كان من عييييك والحال ياهو نفس الحال ولا مويه لناس القوز
كما أحب ان اوجهه نظر الاعضاء بان هناك 10% من القوز تشرب الماء يوميا ! بيوتهم مرشوشه وحيشانهم بالشجر مزروعه ...
والباقي عليهم الله
ياجماعه والله من العيد لحدي هس خرطوشنا جاب 6 براميل مع العلم إنو بيتنا فيه 14 فرد وغنمايتين يعني إستهلاكنا اليومي 2برميل !!!
وبندفع شهريا 8ج بدون لولوه!!
هل ؟؟لماذا؟؟ كيف؟؟ أين ؟؟ متي ؟؟؟

عوووووووك
تووووووووش
هل لا نستحق الماء؟
إذا كانت الاجابه نعم
لماذا لاتاتي لنا ماء ؟
أي كانت الاجابه
كيف يمكن الحصول علي الماء؟
أي كانت الاجابه
متي سنحصل علي الماء؟
أي كانت الاجابه
لمن نشكو ؟
‏..........................................
حتي تاتي الماء سوف نملا الدرداقه جركانات ونمشي الكرجاجه

والله الماء ابسط حقوق الانسان
لاكن للاسف الناس بدل الماء اختارت جوال عيش
خليل الشكيه لله رب العالمين