منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 ايقاف هيثم مصطفى-من اين اتى هؤلاء-محمد عبد الماجد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: ايقاف هيثم مصطفى-من اين اتى هؤلاء-محمد عبد الماجد   الأحد 5 ديسمبر 2010 - 16:15

والراحل الاديب الطيب صالح يكتب يوما ..(من اين جاء هؤلاء)...ونحن نكتب بنفس العنوان استنكارا لهذا الذي تفعله لجنة التسير في الهلال.

< فعلا لجنة (مسيرة) وغير (مخيرة).

< لجنة تنفذ اجندة حمراء.

< هذه اللجنة احسب انها قامت من كتف المريخ المعوج.

< ويكتب الطيب صالح ..(هل السماء مازالت صافية في ارض السودان ام انهم حجبوها بالاكاذيب).

< ونحن نقول انهم حجبوها بهذا القرار الذي اوقفوا به هيثم مصطفي حفظه الله ورعاه.

< حجبوها ..ولم تعد السماء صافية.

< أتصفي بعد هذا؟.

< لم يجد مجلس الهلال (المعين) غير ان يوقف البرنس ..لم يجدوا شيئا يتجملوا به وهيثم مصطفي يهتف ضده جمهور المريخ وينال من اسرته وعرضه غير ان يوقفوه.

< انتوا كنتوا وين؟.

< يا دوب طلعتوا تتحدثوا عن الوطنية وعن مورثات الهلال.

< الاخلاق تقدم على العلم والوطن.

< اذا كان هناك تراجعا في الاخلاق ..لن تكون هناك خدمة للوطن ..وما تعرض له هيثم مصطفي يمس الوطن اولا واخيرا.

< الوطن لا تمسه مذكرة لاعبي الهلال.

< لن يضيره هذا.

< هل تريدون ان يأتي لكم لاعبو الهلال بدون كرامة..وكيف لهم ان يلعبوا للمنتخب الوطني وهناك من يهتف ضدهم ومن يلوك سيرة اسرهم في المدرجات.

< وقائد الهلال يصبح مادة اساسية لكتاب المريخ ..وهو في الملاعب الخضراء يسقط مغشيا عليه فاقدا لوعيه ..ومجلس ادارة نادي الهلال المعين يحسب ان الجزاء لهذا اللاعب بعد 15 سنة عطاء هو ان يوقفه.

< يوقفوا كدا وخلاص.

< يلا ...مثل الاعرابي الذي يلف عمامته في لحظة ثم يخرج للناس.

< يظن ان الناس سوف تتحدث عن (عمامته).

< ويبلغ به الغرور مرحلة ان يظن انهم سوف يتحدثوا عن طريقة لف العمة.

< والعمة تطير ..اذا كان هذا قراركم.

< وهيثم مصطفي تكسر ضلعته ..ومجلس ادارة نادي الهلال الذي لم يبلغ سن الرشد الاداري يوقف البرنس.

< انتوا طلعتوا لينا من وين؟.

< وهيثم مصطفي ..يموت والده ..ويحتاج ابنه الي عملية عاجلة لكنه يؤخر ذلك من اجل الهلال ..ومجلس ادارة نادي الهلال المعين (عمر 60 يوما) يصدر قرارا بايقاف كابتن الهلال.

< كدا بي كل بساطة.

< عشر كاسات ممتاز ..وتتضحيات ..وادب وقيم ..يضرب بها المجلس المعين عرض الحائط.

< والحائط لو بتكلم ..كان قال ليكم دا شنو البتعملوا فيهو دا؟.

< انتوا صدقتوا.

< باقي ليكم 40 يوما في الهلال.

< تاني زول بسألكم مافي.

< وهيثم يتحمل الام كتفه ويشارك وهو مصابا ...ومجلس الهلال المعين (عمر 60 يوما) يوقف افضل من انجبته الملاعب السودانية.

< كدا ...والسلام!!.

< والطيب صالح يسأل يوما ..(من اين جاء هؤلاء؟؟).

< ولجنة التسير (عمر 60 يوما) تستكثر حتي ان تزور هيثم مصطفي في بيته بعد مباراة القمة الاخيرة.

< 13 عضو من المجلس لم يكلف عضوا واحدا فيهم ان يسأل عن هيثم مصطفي في الوقت الذي كان فيه كل الناس يسألون عن هيثم مصطفي.

< طه على البشير وصلاح ادريس وكل الاهلة عدا اولئك الـ 13 عضوا زاروا هيثم مصطفي.

< كلهم فعلوا ذلك ..إلا هم ..إلا 13 هلالابي.

< وبعضهم جاء من المريخ.

< كلهم كانوا يسألون عن هيثم مصطفي حتي الدكتور كمال شداد كان يرسل رسوله الي البرنس وكان يسأل عنه.

< ومجلسنا المعين (عمر 60 يوما) يوقف هيثم مصطفي.

< كدا بي كل بساطة.

< لم يراع المجلس حالة هيثم مصطفي ...ولم يتذكر المجلس ان هيثم مصطفي قرر الاعتزال.

< يعني قراركم دا إلا تسجلوا في اجندتكم الخاصة ..وتقولوا نحن وقفنا البرنس.

< انتوا طلعتوا لينا من وين؟.

< هل خرج هذا القرار من مدرجات استاد المريخ.

< ام (من اين جاء هؤلاء؟؟؟).

< بالعربي حقنا ..ديل من وين ديل.

< جنسهم شنو؟.

< صورهم غريبة ..وجوههم غريبة ..تصريحاتهم غريبة.

< ما عرفناهم.

< والطيب صالح يكتب : (نهر النيل الصبور يسير سيره الحكيم، ويعزف لحنه القديم ، والسادة الجدد لا يسمعون ولا يفقهون).

< نعم لا يسمعون ولا يفقهون!!.

< انها لجنة (التوقيف).

< نعم هي ليست لجنة التسيير.

< لجنة التوقيف ..(عمر 60 يوما).

< صفقوا ليهم.

< والطيب صالح يكتب ما يتاسب تماما مع هذا الموقف.

< الطيب يكتب : ( من اين جاء هؤلاء الناس ؟؟..أما ارضعتهم الامهات والعمات والخالات ؟؟ اما صغوا للرياح تهب من الشمال والجنوب؟؟ أما رأوا بروق الصعيد تشيل وتحط؟؟ ..أما شافوا القمح ينمو في الحقول وسبائط التمر مثقلة فوق النخيل؟؟ اما سمعوا مدائح حاج الماحي وود سعد واغاني سرور وخليل فرح وحسن عطية والكابلي واحمد المصطفي ؟؟ أما قرأوا شعر العباسي والمجذوب؟؟ أما سمعوا الاصوات القديمة وأحسوا الاشواق القديمة ؟؟ ألا يحبون الوطن كما نحبه ؟؟ اذن لماذا يحبونه وكأنهم يكرهونه ويعملون على اعماره وكأنهم مسلطون لخرابه).

< ديل ما شافوا أي حاجة.

< وما بعرفوا الحبة.

< نعم لجنة التسير عفوا (لجنة التوقيف) تلك كأنه مسلطة لخراب الهلال.

< تريد ان تعير سادومبا.

< وتريد ان تبعث مهند الطاهر وعلاءالدين يوسف الي (البرازيل).

< وفوق هذا يريدون ان يوقفوا (البرنس).

< نعم ...(من اين جاء هؤلاء).

< اسماء غريبة لا نعرفها.

< كل الذي نعرفه من يوسف محمد يوسف او يوسف احمد يوسف ان لقبه (شيخ العرب).

< هل تريد هذه اللجنة ان تبقي في التاريخ ليقولوا بعد ذلك انهم اوقفوا هيثم مصطفي.

< هذا كل ما فعلوه.

< والطيب صالح يكتب.

< ولجنة التوقيف توقف البرنس.

< والطيب يكتب :

< (الخرطوم الجميلة مثل طفلة ينومونها عنوة..ويغلقون عليها الباب ..تنام منذ العاشرة ، تنام باكية في ثيابها البالية ، لا حركة في الطرقات ألا اضواء من نوافذ البيوت ، لا فرح في القلوب ، لا ضحك في الحناجر ، لا خبز ، لا سكر ، لا بنزين ، لا دواء ، ألا من مستتب كما يهدأ الموتي).

< عاوزين توقفوا البرنس ..وتعطلوا كل هذه الحاجات.

< العجب قاعد ساكت في المريخ زول سألوا ما في.

< طمبل مصاب منذ ان سجل زول سألوا ما في.

< وراجي والسعودي ..وزول بقول حاجة ما في.

< انتوا بي كل بساطة عاوزين توقفوا هيثم مصطفي.

< من اين جاء هؤلاء؟؟.

< 15 سنة لعبها البرنس في الهلال ..وهؤلاء عمرهم في المجلس (60 يوما).

< وكل الذي تبقي لهم في المجلس بضع اشهر.

< بضع ايام.

< قاعدين لمتين انتوا؟.

< كان عملوتها في (مظلة) احسن.

< كان قعدتوا في بيوتكم كان احسن.

< كان تسكتوا.

< يا ريت ما شفناكم في المجلس ...لكن اصلو (التعيين) بعمل كدا.

< ماذا تنتظرون من لجنة معينة.

< تأتي لتخرب ..ثم تطلع.

< مجلس ظل ساكنا ..كأن الطيور على رؤوسهم يوم ان هتفت جماهير المريخ في وجه هيثم مصطفي.

< ما في زول قدر يقول حاجة.

< الان هذا المجلس يحس ان له كرامة ..وان له كلمة ...عندما مسهم هيثم مصطفي في قرارهم ورفض حضور الاجتماع ..اوقفوه.

< بقت ليكم دي حارة.

< اين كنتم عندما هتفت جماهير المريخ في وجه هيثم مصطفي.

< ام انهم يأتوا فقط ليعرضوا ابتساماتهم امام عدسات الكاميرا ثم يعدلوا عممهم ويخرجوا دون ان يشعر بهم احد.

< هل (الوطن) عندكم يمثل في ان يحضر لاعبو الهلال كليا للمنتخب.

< هل هذا هو فهم الوطن عندكم والوطنية.

< أهكذا تقيسوا الامور؟.

< ما جدوى المشاركة في دورة ودية ..واتحادنا العام الي الان لم يفعل شيء ولم يصدر قرار بعد احداث مباراة القمة الاخيرة.

< اتحاد قاعد ساكت.

< والله يا حليل كمال شداد.

< والطيب صالح يكتب (من اين جاء هؤلاء؟).

< وعضو في مجلس الهلال المعين يقول للاعبي الهلال قبل المباراة يعني شنو المريخ لو غلبكم ..ناس المريخ ديل حبايبنا ..ما فيها حاجة لو اتغلبنا.

< في الوقت الذي كان فيه مجلس المريخ يشحن في لاعبي المريخ ويحرضهم على الانتصار.

< عضو في المجلس الحالي يقول : من مصلحة البلد المريخ يغلب.

< منتهي الوطنية.

< الوطنية للعماري الجيد.

< من هو الاحق بالايقاف.

< وكيف وصل هذا المجلس الي قيادة الهلال.

< ليست بهذا السوء تدار الامور.

< مجلس الهلال المعين هذا عندما يكمل فترته ..سوف ينتهي الهلال ولن يتبقي منه شيء.

< لاعب معار.

< ولاعب مشطوب.

< ولاعب موقوف.

< ونحن حلينا الديون.

< وان شاءالله القيامة تقوم.

< ولو ان فريق المريخ طلب في هذا التوقيت عمر بخيت او المعز محجوب لوافق مجلس الهلال المعين.

< مجلس (عمر 60 يوما).

< هذا كل تاريخهم في الهلال.

< وكل تاريخهم في العمل الاداري انهم اقفوا البرنس.

< هؤلاء يبحثوا لشيء يتذكرهم به الناس.

< لن يقول الناس عنهم شيء ..غير انهم اوقفوا هيثم مصطفي.

< هذا كل ما نعرفه من لجنة التسيير.

< عفوا ..(لجنة التوقيف).

< ومالك جعفر يتذكر انه الامين العام للهلال (فجأة) ...يقول كيف لاعبي الهلال ما يمشوا للمنتخب.

< دي ما بتشبه موروثات الهلال.

< وهل تشبه موروثات الهلال ان توقفوا قائد الهلال ..(15 سنة عطاء دون توقف).

< لا اصابة ..لا كرت ..لا موت ..لا مرض ..ابعدوا من الهلال.

< ومالك ومجلسه المعين يقول :

< سوف نراجع هذه المذكرة.

< ولا اعرف ان كان هناك خطأ مطبعي حدث.

< لا اعرف ان كان هذا التصريح من مالك جعفر ام من شقيقه الاكبر؟.

< تشابهت علينا التصريحات.

< معتصم جعفر ..ومالك جعفر ..ومحمد سيد احمد ..كلها اسرة واحدة ..تتشابه تصريحاتهم.

< كلهم واحد.

< لاعبو الهلال لو لم يضعوا حدا لهذا الذي يحدث يمكن عادي ان يكون (التشجيع) بهذه الصورة التي كان عليها الوضع في مباراة القمة الاخيرة.

< لو لم يكن للاعبي الهلال موقف ..ممكن بكرة يهتفوا في وجه أي لاعب محترم.

< وممكن تصبح (البيوت) هي التي يهتفوا ضدها في المدرجات.

< المجلس ما عمل حاجة.

< كل الذي يفعلون هو ان يلفوا عممهم ويأتوا (يصنقروا) في المقصورة.

< لاعبو الهلال لازم يعملوا حاجة ..وقت المجلس قاعد ساكت.

< مجلس (عمر 60 يوما).

< مجلس الي الان ما قادر يسجل (اتير توماس) لاعب الموردة المفكوك.

< ولا الشيخ لاعب الناصر.

< ولا حمودة بشير لاعب الهلال.

< كل يوم يقولوا بكرة.

< ومازال المجلس يفاخر بذلك يوما بعد يوم ويقول ان تسجيله سوف يكون اليوم.

< وتأتي الطامة الكبرى.

< ونادي برازيلي يطلب مهند الطاهر.

< طريقة جميلة للمخارجة.

< ومهند يصرح في الصحف..يهاجم المدرب والمجلس (المكلفت).. ترى هل سوف يتم ايقافه ايضا مثل هيثم مصطفي.

< لو كان محمد جعفر قريش امين نادي مجلس المريخ الحالي هو الناطق الرسمي لمجلس ادارة نادي الهلال وهو الذي يسير الامور في الهلال لما فعل هذا الذي تفعله لجنة التسير اقصد لجنة التوقيف في الهلال.

< قريش بـ (بياناتو) ما بعمل البتعملوا فيهو دا.

< ما يفعله مجلس الهلال المعين الان ...ناس المريخ في صباهم ما بعملوه.

< تعاولوا راجعوا معنا هذه المواقف المهزوزة من مجلس الهلال المعين.

< القصة ما قصة هيثم مصطفي براهو.

< القصة اكبر من كدا كتير.

< مجلس ادارة نادي الهلال المعين ...بواسطة ميشو وبعض الاقلام الهلالية خرج يروج ألا جدوى من وجود مهند الطاهر في الهلال.

< في زول عاقل ممكن يصدق الكلام دا.

< ويصرح المدير الفني للهلال ميشو في مؤتمر صحفي عن عدم حاجته للاعب الهلال الفنان مهند الطاهر.

< يا راجل ..انت مدرب وإلا عازف جيتار؟.

< انت نائم وإلا صاحي.

< ومدرب الهلال الصربي لا يكتفي بذلك ...بل قال انه لا يحتاج الي سادومبا نفسه.

< بالغت عديل.

< صدقناك.

< انت عاوز تقلب الهلال فريق كورة سلة.

< عاوزين تقلبوها (طابونة).

< دي ما كانت 300 الف دولار.

< 6 شهور غالبكم تصبروا.

< الراحل الزعيم الطيب عبدالله اكثر من 40 سنة بدفع من جيبوا ..ببيع البيت ..وببيع المزرعة.

< وديل عاوزين يبيعوا مهند الطاهر.

< وعاوزين يوقفوا هيثم مصطفي.

< ممكن نصدق ان مهند الطاهر لا جدوى منه في الهلال.

< وسادومبا برضو.

< الي هنا يمكن ان يكون كلام المجلس وكلام المدير الفني وبعض اقلام الهلال معقولا.

< افترض كدا انه معقول.

< ممكن ان نبلع منهم هذا.

< لكن تعالوا انظروا الي ما حدث بعد ذلك.

< مهند الطاهر اللاعب الذي لا جدوى منه ..ولا فائدة حسب رأي المدير الفني يطلبه نادي برازيلي.

< والبرازيل لا تطلب لاعب ساكت ..لانها الدولة الاولي في العالم في اخراجها للمواهب وفي تغذيتها لملاعب كورة القدم بصورة عامة.

< نطبظ عينا بي اصبعنا.

< نشيل مهند الطاهر نودي البرازيل.

< ونجيب لاعب للهلال من يوغندا.

< ونشيل فييرا نودي البرازيل.

< ونجيب لاعب من صربيا ..عشان خاطر عيون (ميشو).

< شفتوا اللخبطة دي.

< البرازيل تتطلب لاعبا سودانيا.

< ونحن نطلب لاعب يوغندي.

< تري ماذا يقول مدير الهلال الفني ..وماذا يقول المجلس الذي صدق ان لا فائدة في بقاء مهند الطاهر في كشوفات الهلال.

< المشكلة مجلس الهلال المعين فيه قاقارين وفيه معتز كبير وكلاهما يعرف قيمة مهند الطاهر.

< ومهند الذي ينتقده ميشو يطلب من البرازيل.

< هل سوف يذهب مهند الطاهر الي (البرازيل) طباخا ..ام انه طلب من فريق برازيلي ليكون (مشجعا) لهم في المدرجات.

< بقدر ما كان تصريح المدرب الصربي (ميشو) محبط للاعب الهلال مهند الطاهر كان الفريق البرازيلي ومدرب الهلال السابق (كامبوس) منصفا لمهند الطاهر الذي كسب الكثير بطلب النادي البرازيلي هذا.

< البرازيل انصفت مهند الطاهر عندما ظلمه الهلال.

< والهلال الان لا يظلم مهند الطاهر وحده ..بل يظلم هيثم مصطفي ايضا.

< شهرين في الهلال ..اوقفوا 15 سنة.

< الشيء المضحك ان هذا المجلس ..المبجل.. والمعين ..والكبير ..والشامخ ..والصنديد لولا هيثم مصطفي لما كان هناك احدا يعرف هذه الكتلة او تلك اللجنة.

< لولا البيان الذي اخرجه هيثم مصطفي لكان هذا المجلس الي الان يتردد على مكتب الوزير.

< ما كان في زول بعرف يوسف او الجراري او ...الخ.

< من اين جاء هؤلاء؟.

< سادومبا ايضا الذي قالوا انه غير مفيد للهلال يطلبه نادي مقابل 600 الف دولار في 5 شهور.

< هل يمكن ان يدفع نادي هذا المبلغ في لاعب غير جيد.

< الباشا في موسم كامل دفعوا فيه 100 الف دولار.

< ووارغو دفعوا فيه 200 الف دولار.

< وسادومبا في 5 شهور فقط دفعوا فيه 600 الف دولار.

< هل يريد مجلس ادارة نادي الهلال ان يغتني عن طريق سادومبا ومهند الطاهر.

< وين الاستثمارات ..ووين المشاريع التي بشرتوا بها؟.

< هل خلصت هذه المشاريع في اعارة مهند الطاهر وسادومبا.

< وايقاف هيثم مصطفي.

< و.و..و..

< والطيب صالح يقول : (من اين جاء هؤلاء؟).

< ملحوظة: الله يكفينا شركم.

هوامش

< الشاف مهند الطاهر في البرازيل ما كذب ..اذا كان بهذه الصورة تفكر لجنة التوقيف.

< كل الذي شهدناه ليوسف رئيس اللجنة هو تصريح قال فيهم انهم سوف يقابلوا الوزير.

< وكأس السودان يطير.

< والكونفدرالية تطير.

< والمجلس عاوز يقابل الوزير.

< هيثم دا وقفتوا براكم ..وإلا قابلتوا فيه الوزير.

< ما فيها حاجة.

< اعترفوا.

< الظاهر في لجنة التوقيف عندنا اكثر من ميشو.

< اذا كانت لجنة التوقيف سوف تسير الامور بهذا المستوى اراهن ان تمارين الهلال في الموسم الجديد لن يكون فيها اكثر من 4 لاعبين.

< خلوا لاعب يجيكم الاجتماع.

< توقفوا هيثم ..وعاوزين تجتمعوا.

< الاجتماع على شنو؟.

< المضحك ان المجلس يا دوب عاوز يناقش المذكرة.

< انتوا وين كنتوا.

< دائما تصلوا بعد فوات الاوان.

< بدلا من الاهتمام بالتسجيلات ...بهتموا بالامور الفارغة.

< التسجيلات تبقي لها 14 يوما.

< اقعدوا وقفوا كدا.

< باقي كم يوم لهذه اللجنة.

< عدوا ليها.

< ويا يوم بكرة ما تسرع تعال.

< توانسة المريخ ..لم ينجح احد.

< حسام البدري ..(بدري) عليه.

< المدرسة المصرية افشل ما تكون مع المريخ.

< قرار ايقاف هيثم ..هل طلع من مجلس المريخ؟.

< وقرار اعارة مهند الطاهر ..هل طلع ايضا من مجلس المريخ؟.

< مجلس الهلال اجتمع اخيرا.

< اجتمع عشان يوقف البرنس.

< هذا الاجتماع الوحيد المعروف لهذه اللجنة.

< تاني ما عندهم (الحبة).

< الليلة طبعا ح يتكلم البعض عن اللجنة.

< وعن قرار الطيب عبدالله السابق بايقاف هيثم مصطفي.

< الطيب عبدالله عندما فعل ذلك ..هيثم كان ليه شهور في الهلال.

< ما 15 سنة.

< بعدين انتوا بتشبهوا الطيب عبدالله في شنو؟...عشان تتمثلوا بيهو في هذا الموقف.

< الطيب عبدالله كان ببيع بيتو.

< وكان ببيع المزرعة.

< انتوا تموها لف عمم.

< هذا الشيء الوحيد الذي يمكن ان تفعلوه.

< هل انقذ مالك جعفر شقيقه معتصم جعفر عندما ادان مذكرة لاعبي الهلال.

< المذكرة دي لو طلعت من النيل الحصاحيصا كان ساندتوها.

< كمان جابت ليها (ايقاف).

< فعلا ..الاختشوا ماتوا.

< خبر عاجل : البلد ما ناقصة (انفصال).


المصدر محمد عبد الماجد-جريدة قوون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: رد: ايقاف هيثم مصطفى-من اين اتى هؤلاء-محمد عبد الماجد   الخميس 9 ديسمبر 2010 - 3:37

ايقاف هيثم مصطفى هذا الموضوع اغضبنى كثيرا وابعدنى عن المنتدى لنى كنت متعصب جدا
من قرار لجنة الخراب والدمار الهلالى الاسم ده لائق عليها
هيثم مصطفى اكثر لاعب وطنى هيثم مصطفى اكثر لاعب يوثر على المنتخب الوطنى وعلى الهلال
بى صراحه اللجنة دى سوف تدمر الهلال
1 ايقاف البرنس
2شطب احمد عادل واسامه التعاون
3اعا رة مهند الطاهر وعلا الدين يوسف
الكلام ده فى 60 يوم فقط يعنى اللجنه دى لو استمرة 90يوم لايوجد هلال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
يوسف النو
عضو متميز
عضو متميز
avatar

عدد المساهمات : 235
نقاط : 253
تاريخ التسجيل : 31/01/2009
الموقع :

مُساهمةموضوع: رد: ايقاف هيثم مصطفى-من اين اتى هؤلاء-محمد عبد الماجد   السبت 11 ديسمبر 2010 - 16:19

]b] يا الزبير هيثم مصطفي لا يمكن الاستغناء عنه نهائيا وان كان يتحرك بكرسي المقعدين والذي يريد ايقافه يعرف ذلك وهو من اللاعبين الذين لهم مقعد في نادي الهلال بعد ترك الميادين سواء ان كان اداريا اوفنيا ....ولا كيف ؟؟؟؟؟؟؟[/b][b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: رد: ايقاف هيثم مصطفى-من اين اتى هؤلاء-محمد عبد الماجد   الأحد 12 ديسمبر 2010 - 5:27

الاخ يوسف اخبارك انشاء الله تمام كيف عامل وكيف الامارات مع حسك
كلامك صاح هيثم مصطفى لايمكن الاستغناء عنه لاكن انا متشائم بالمجلس الجديد دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
 
ايقاف هيثم مصطفى-من اين اتى هؤلاء-محمد عبد الماجد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: منتدى قوز ابوروف الرياضي-
انتقل الى: