كاو صاحبي لقتيتو داخل يادابو وبغني ساك ....ادني معاها تسالي سوداني وبقينا تنونس ...حكيت ليه موضوع غريب حصل لي خلال اليوم ...ضحك وضربني في ضهري لاني تصرفت بغباوه جميله ...كاو حكي لي حكايه غريبه كدي خلو كاو يحكي (طبعا يايوسف الحاجة الله يرحمها اتوفت سنة 96 بالسرطان و الحاج اتوفي بعهده ب10 شهور انا اصغر واحد باقي البيت اخواتي الاتنين بعد سنه من وفاة الحاجه الدنيا برد شربت الشاي وطلعت اجيب لي كيس صعوت من سوق اللفة لمن قربت ادخل السوق لاقتني ليك جاجه يمكن عمرها زي 50سنه قبضتني ليك وسالتني :
انت ود الساره ؟؟
ايوه.
انت ودالمرحومه ؟؟
ايوه الله يرحمها
المرة قبضتني وقعدت تيكي غلبني اسكته بكتني معاها عاينت فيها اصلو ما شفتها قبل كدة بعرف صاحبات الحاجه ماشفتها معاهن ...بعد شويه لقبت ليك ستات الشاي الجنبنا دموعن جرت والحاجة ماسكة في ..يالا فكتني بعد اشتريت الصعوت فتشت ليها مالقيته سالت ستات الشاي والخدرجيات قالوا مابعرفوها....وانا راجع البيت بفكر في الموضوع ده دخلت البيت لقيت ليك اخواتي يدردقن من البكا عرفتها وصلت هنا قلت علي الاقل اتعرف عليها ...لكن خلت الجماعة وفااااتت ...انا حد الان ما قادر انسي الحاجة دي ......طبعا حكايتو غريبة انا ما عارف انو يشوفها تاني ولا مايشوفها لكن هذا النوع من النساء جيل جميل منقرض كجيل الديناصورات .....ولا كيف؟؟؟؟؟؟؟؟