منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 الشايقى والحرامي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: الشايقى والحرامي   الخميس 14 أكتوبر 2010 - 8:55

دا واحد من الشوايقه الحرامي نط بالليل وسرق بيتو ..
وصاحبنا زعل زعلاً شديد وقام يشتم في الحرامي

تعيقني انا ؟؟
يعيقك الله يا مجرم ..وكيف هسع تسرقني ؟؟
تسرقك بطنك ان شا الله ..تخليك ديمه متألم
حضيري ان شا الله يبراك ..وفلساً للجيوب يخدم
والعطش اليحرق الجوف..يخليّ الفقرا قايمي وقاعدي ليك تعزم
تعيقني انا ؟؟
يعيقك الله يا مجرم..بمدفع كلاشنكوف ..يواليك في المسيمع عاد
يخليك لاسمع لا شوف
تعيقني انا ؟؟
نان بالله لو سألوك ..نان عميان من الاسواق ؟؟؟
تسوق اروتّي في ساقيه تورها يقطّع الخناق
تسوق لك داف تدقشوا ترلّه في عقبه .يخليك لاضهر لا ساق
حكمت تجيني انا المسكين ..البلقط بي قرش وقرشين
تقرشك عقرباً تلقاك فوق الريق يكون جسمك مرطب تب
تقرشك سمومة صيف ..تخلي وشيك قايم حب
وقرشاً يبلعك يسرع يلف بي جده والصومال ويجيبك لينا تاني هنا
يرميك في الرصيف بي جاي يخليك بس عضام وعصب
تعبقني انا ؟؟
تطرشق ليّ برنامج اخطط فيه لي سنين ؟؟
يطرشق فيك كمبرسور يخليك انت بس سردين
يطرشق فيك بوتوجازاً يكون جمبك صفيح بنزين
وترقد ما نشوف لنا زول يقول لنا ماشي في تحسين
تعيقني انا ؟؟
كمان تسرق ملاياتي المن كيسها ما انفكت ؟؟
ولا عارف نقوشهن كيف ؟؟يفكك مننا الله اليوم قبل باكر
يخليك لاف صيف وخريف ..
يفك ضلعك ..تفارق عقلك تسك الماشي فوق عدلك
زي جملاً عشاه الزيف
نفسك فاااااااااتحي ترقد فوق ملاياتي
ترقد يابا في عنبر نصيحو يشابي كايس ايدو
ترقد يابا في قبراً اعوذ ربي من هولو وعذاب سيدو
ترقد يابا في غرفه ..تكون مفروشه بالصرفه
ونملها يخمّو بالقفه ..
ولا تشوف جنّه بي عينك ولا في العتبه تتعتب
عشان عملك تملّي كعب ..تسرق الجيب
تسوي العيب
انت حرامي ود الكلب منقول.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
ناصر الاحزان
عضو متميز
عضو متميز
avatar

عدد المساهمات : 325
نقاط : 424
تاريخ التسجيل : 28/10/2009

مُساهمةموضوع: رد: الشايقى والحرامي   الخميس 14 أكتوبر 2010 - 11:18

نفسك فاااااااااتحي ترقد فوق ملاياتي ,,,,, سمحه منك والله ياالزبير صاحبك ما خلي للحرامي حاجه تب , وسلمت يداك ودامت ,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد علي
عضو نشط
عضو نشط
avatar

عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

مُساهمةموضوع: رد: الشايقى والحرامي   الجمعة 15 أكتوبر 2010 - 17:06

الزبير سلامات
يااخوى شايقيك دا لو دعاه مستجاب
نحنا محتاجين ليهو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: رد: الشايقى والحرامي   السبت 16 أكتوبر 2010 - 6:27

ود النو مشتاقين وين اختفيت فجا كده
بعدين الشايقي ده لو دعاه صاح كان الحراميه انقرضو كلهم
انتا محتاج ليهو مالك ملاياتك اتجاسفت ولا شنو ؟
شكرا على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
ناصر الاحزان
عضو متميز
عضو متميز
avatar

عدد المساهمات : 325
نقاط : 424
تاريخ التسجيل : 28/10/2009

مُساهمةموضوع: رد: الشايقى والحرامي   السبت 16 أكتوبر 2010 - 10:19

تطرشق ليّ برنامج اخطط فيه لي سنين ؟؟
يطرشق فيك كمبرسور يخليك انت بس سردين
يطرشق فيك بوتوجازاً يكون جمبك صفيح بنزين
وترقد ما نشوف لنا زول يقول لنا ماشي في تحسين
تعيقني انا ؟؟
والله حراميك دا الله اعلم يحتاج ليهو زول البطرشق في البرنامج دا والله يكفينا شرووووا ,,,,
والمحيرني محمد محتاج ليهو فيهو ؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشايقى والحرامي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: