رايك شنـــــــــــــو في الزول البراي(المعــــــــــااااط)

في المجتمع السوداني نماذج للكثير من الشخصيات وقد درج الناس علي أطلاق القاب أو اسماء أو كنيات معينة لكل نموذج شخصية لكن اصعب هذه الشخصيات هو الزول البرّاي.
وهو نموذج يكاد يكون متواجد في كل حلة أو حارة وهو زول ( كلامو كتير ) او ( نضام ) يوقفك محل ما يلاقيك ما بهمو عندك مواعيد ولا لاحق شغل ولا انت جاي منشغل ولا جاي من سفر وداير تنوم ولا محصل حاجه معينة المهم يقعد يتكلم ليك عن حاجات أنت ما عندك علاقة بيها لا من قريب ولا من بعيد وتفاصيل ما بتهمك في اي حاجه ومابديك فرصة عشان تقول حاجه ويبقى ليك شوكة حوووت ومشكلتك تكون اكبر لو ما عندك طريقة مخارجه يعني انا حاليا في منطقة تبع حهة عملي بعاني من ذاااات المشكله.... وحتي لو أتململت واظهرت رغبتك في المشي مافي طريقة ما بخليك مابخليك وما بخارجك منو الا يلم في زول تاني غيرك .
الزول ( البراي ) بقي ظاهرة في المجتمع وممكن يتسبب في انو يفوتك موعد مهم أو تتأخر عن شغل معين أو يجرك للكلام في حاجه أنت ماعايز تتكلم فيها . وتلقي كل الناس في الحله بتحاول تتحاشاه .

1ــ هل تري نفسك شخص (براي)؟

2ــ مارأيك في الشخص البراي؟

3ــ كيف تتجنب الشخص البراي؟

افيدونا بالحلول والمقترحات حتى نتجنب تلك الشخصية او ع الاقل امكن نلقى متطوع لعلاج مثل هذه الحالات

إتخيل لي (البري) ده علي حسب نوع الموضوع مرات تفتح ليك موضوع لي زول (ما بقدر يستوعب موضوعك) اكيد حتطلع براي في نظرو لانو ما يقدر يقول ليك انا ما فاهمك يسكت ليك ساااااااي يمثل فيها فاهم لمن تفوت يقول الزول ده براااااي..عشان كدي لازم تكون فاهم امكانيات الناس اللي بتتعامل معاهم...انا شخصيا ما اقدر احكم ليك علي نفسي ...ممكن الناس تحكم علي... غير كدي انا لاقيت ناس كتيره منهم البراي ومن الزول الساكت واذا كان ما في وسطيه بفضل الزول البرااااي احسن لي من الساكت لانو البراي ممكن تسكتو ...تتجاهلو بس... حتي لو تديهو كلام شين في النهايه بقفل وبقطم منك لكن تعال وريني الزول الساكت ساااااااي ده تخلي يتكلم كييييييييييييييييييييييييييييف؟؟؟؟؟؟

ابونورا قال ما تقولوا مشكوووور وانا بقول ليك تسلم

لكن يا هندســـــــــــــــــــــــــة انا قصدي البراي ده هو شخص انت اصلا ما فاضي ليهو عشان يكلمك في موضوع يعني انا اسي في جنوب دارفور جيت مطار الخرطوم الساعة خمسه صباحا المهم وصلت الساعه تسعه وامبارح كنت مساهر وبمجرد ما نزلنا في الاستراحه بس فطرنا ونوينا النوم جاء لمنا فينا واااااحد خليهو ساااااااااي بتكلم لينا عن حياتو الشخصية سافرتا وعملت ومش عارف ايه.....يعني المعنى ما بديك انت فرصه تتكلم ونحنا نســـــــــــــــــــــــــــــمع وفي نفس الوقت انحنا ضيوف ما عندنا مفر بس قدرنا كده انتظرنا لحدي ما صلينا الظهر ان شاء انحنا مبحلقين معاهو والمصيبه انو ما ممكن تجاهله بحكم عملوهااااااااااااااااااااااااااااااااا دي يحلوها كيـــــــــــــــــــــــــــــــــــــــــــــــــــــــــفن؟؟؟؟؟؟

بانسبه للموضوع اعلاه انا مابحب الزول البراي ابدا
لنو فى ناس ببالغو عديل كده يعنى واحد يطرف بيك على حيطه انتا تكون رميت السكينه كلها اهو ماجايب ليك خبر
اواحد تانى يقعدك فى الارض تقول داير يخطب ليك يشخط ليك الارض كلها لو جاماري فيكم زول بقول الناس ديل مهندسين
اواحدثالث ده ايفكك منو ربنا ده النوع البمسكك من ايدك اوبسوقك البيت لا الله لا الله محمد الرسول الله ده خليهو ساى

وفى الختام احيك على الموضع الجميل

الموضوع واحييكم شباااااااااااااااب علي المقترحات والحلول اعلاها لكن الاخ ابوروف ما لقي اجابه مقنعه خالصه والبراي بتاع ابوروف والله مشكله لانو ذي ما اقال انسان مسئول اي له مكانته الوظيفيه واتخيل انتا نازل ضيف عندو تعمل شنو؟؟ والله في الحاله دي لك الله وربنا يصبرك عليهو وماحتقدر تعمل اي حاجــــــــــــــــــــــه غير الصبببببببببببببببببببببببر , والبراي في المجتمع مشكله وكبيره جدآ وخصوصآ الانسان المابقدر او يحسك بي ظرووووووووووووف التاس المرهقه والتعابه و ,,,,,,,,,,الخ اما بالنسبه عن نفسي لااستطيع ان احكم لك عنها وامكن اري فيها الصبر والصمت والهدؤ الا اذا سألني احد ؟؟ وكيفية الخروج من هذا المأزق اظهار تعابير وجهك اذا احسهها هذا الشخص والادعاء عليه بالحيل والتهميش اذا كان انسان عادي ورأيت ليس فيه مصلحه او ذرة معلومة مكتسبه ,,,,
وايضا عليك بالصبر في حالات نادرة مع بعض الشخصيات المرموقه اعلاها ,,

البراي شخص في مرحلة اقرب الي الجنون من الوعي وما بعيد شهر شهرين اتربط