منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 النمط...النمط..النمط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: النمط...النمط..النمط   الخميس 29 يوليو 2010 - 20:55

كان يكره حاج عبد الغفور لانه زول نمطي وتقليدي وكان يصدر الرتابه والملل لاحفاده عن طريق ابنائه..كان كل شي في قريته يدل علي الرتابه والملل...حتي اللافته التي في طرف القريه مكتوب عليها بخط نمطي (قريه النمط)...الدواوين كلها مقبله لي قدام ....البلدات ذاتها لي قدام ......الغنم بتسرح لي قدام ...الشفع بسواا العوا لي قدام.... كل الاشياء لي قدام ..أّذن ...كلكم الي الامام...الي منبع النمط..وذات صباح دخل رجل يبدو عليه تاجر يركب حمارته القصيره ويحمل عليها( خرج )-بضم الخاء والراء -شاقي الحله ويكورك علي بضاعته: النمط ..النمط.........النمط...يا جماعه انتو النمط ده شنو؟؟ وعجوز تتضجر :يا ولدي نمطك ده بايت وحات الله...!!! الله ما كتر النمط الا في حلتنا دي...وطفل صغير يراقب كل ما يفعله ابوه ...يعامل امه كما لو كان زوجها... يتشرب النمط من ابوه النمطي يذهب الي المدرسه..الدرس الاول (نمط) وياتي وجبه الفطور محبطا ليجد ملاح النمط ويرجع المدرسه بائسا لا يقوي علي شي..وعندها يشيخ فجاءة ..مسكين كبرنو المشاكل ...لا لا دي الشيخوخه المبكره..مثقف واقف بعيد يخبرهم انه مرض الزهايمر..عمك مستاء جدا يقول ليهم ده النمط ..ما عرفتوه ولا شنو؟؟؟؟
وعندما تهطل الامطار مع المغارب...الغنم الجات متراوحه بدري.. كل الحله تهرع الي الدكان الوحيد ...شعيريه وجاز...شعيريه وجاز...شعيريه وجاز...شعيريه ونمط..و.....اياها حالهم من يومهم كدا .
واخر يسال :حله النمط دي بعيده منكم..؟؟ والتاني يرد ما بعيده والله ,,يعني قدر ( سفتين) بالحمار...أخر مقياس للنمط
وطالب جامعي يتربع المجلس وسط القريه ويحدث الناس عن النمط ويحكي رحلته التي لم تبتدئ ويطمئن الناس ان هذا النمط الذي يسلكونه هو احسن الانواع الموجوده...يصدقونه ويفرحون بانضمام نمطي جديد لمجتمعهم ويصفونه بالتواضع وهو يجد في النمط راحة ومتنفسا لأعباء لا قدرة له علي حملها ...يا زول خليك نمطي بس...مالك ومال المشاكل.
ثمه اشياء لا يوجد فاصل بينها ان وجد يكون اشبه بالفاصل بين الماء والزيت في الكوب الواحد...صعب الوقوف عليه..الثقه بالنفس والغرور..التواضع والدناءه...البخل والحرص...المبادي و النمط...احسن ليك الزيت لانو الزيت بسقيك المويه...
ويتواصل النمط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الثلاثاء 3 أغسطس 2010 - 15:47

وفي اخر الشارع يظهر نوع جديد من النمط...والكل يرغب في الاكل البلدي...لازال الناس يفضلون الرغيف البلدي ...حتي الاجانب يعرفونه رغيف بلدي...يفرشونه قشور القمح وسيقان الذره والرده و النشاره والسعف والجريد...كل هذا لانه بلدي...عذرا ماكدونالز.. عفوا... كنتاكي .....الناس في بلدي ياكلون كل شي الدم ولحم الخنزير وما اهل به لله ولغير الله !!! ودكتور عبد القادر ينضم...
الشباب الطالعين في الحيطه ...يا شباب ..يا شباب .وصوت الساوند يردد صدي الكلمه الاخيره ..بااب ..بااب..لو سمحتو انزلوا تحت... الحيطه دي جديده وبتقع بيكم...يا شباب الاولاد بي جاي و البنات بي جاي...يا شباب اي زول يعبر عن شعورو ويطلع لينا بره.... ويا شباب الحفله بالطريقه دي ما بتستمر...والسكران يذهب الي صاحبه العريس و يطلق صيحات الحماسه من أعماقه ومعها جرعات من الايثانول تندلق فرحا وعفويه علي جلباب العريس الناصع البياض.
ولازال النمط سيد الموقف...نمط... كئيبه هذه الكلمه...و ممله ...لكن لازم تكرر حتي ياخذ الموضوع ابعاده الثلاثه ونستشعر النمط في كل شي
انتو الشاكي البنطلون والقميص ده منو؟وكمان شاقي الحله ...!!!! في النهار الحار ده....!!! لكن ماشاء الله اخوه الكبير داك متواضع خلاااااس...لم نكن نعلم ان النمط يمشي في الطرقات وبين الناس ...في الاسواق...والعربات..يسكن الاماكن كلها او كما قال ود الرضي


ويتواصل النمط

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: رد: النمط...النمط..النمط   الثلاثاء 3 أغسطس 2010 - 23:07

يا باش مهندس
ماعندكم نمط ديلليفرى؟
عاوزين منو اتنين سادة
العنوان
شارع النمط الغربى جوار بقالة اللنمط
رقم المنزل
تلاتة اصفار زيرو زيرو واحد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ناصر الاحزان
عضو متميز
عضو متميز
avatar

عدد المساهمات : 325
نقاط : 424
تاريخ التسجيل : 28/10/2009

مُساهمةموضوع: رد: النمط...النمط..النمط   الخميس 5 أغسطس 2010 - 10:09

شكرآ هندســـــــــــــــــــــه علي النمط والمزااااااااااااااااااااااااج الراقي
وتسلم ,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الخميس 5 أغسطس 2010 - 13:07

ابو نورا كتب:
يا باش مهندس
ماعندكم نمط ديلليفرى؟
عاوزين منو اتنين سادة
العنوان
شارع النمط الغربى جوار بقالة اللنمط
رقم المنزل
تلاتة اصفار زيرو زيرو واحد


شكرا ابونور يارائع....بس النمط بتاعنا ده محلي بحت وما بتصدر...من حقك تاكل حتي تشبع..لكن ما تشيل معاك البيت (ذي جنينه البطيخ) والاهم ان تثني علي النمط والا.....

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الخميس 5 أغسطس 2010 - 13:10

ناصر الاحزان كتب:
شكرآ هندســـــــــــــــــــــه علي النمط والمزااااااااااااااااااااااااج الراقي
وتسلم ,,

تسلم يا ناصر الاحزان....الله لا أراك نمط في حياتك

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد علي
عضو نشط
عضو نشط
avatar

عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

مُساهمةموضوع: رد: النمط...النمط..النمط   الخميس 5 أغسطس 2010 - 15:07

سلامات
وانا اتصفح تلك الانماط .. اتانى احساس .. الفشل فى امتحان النظافه
فى طابور الصباح ... وهذا الممتحن .... لايفرق بين
ا( بين غبشة الشتاء ... وغبار الدافورى ) . وبعض اعراض البكاء
ودمتم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
khatab
عضو نشط
عضو نشط
avatar

عدد المساهمات : 156
نقاط : 164
تاريخ التسجيل : 27/01/2009

مُساهمةموضوع: رد: النمط...النمط..النمط   الخميس 5 أغسطس 2010 - 16:58

سلام نزار ...وانماطك الخطيره...
أخشي ان تنسي انك بتكتب عن شنو؟؟ لحدي
مايبقي مقالك دا نمطي خااااااااااااااالص
استر يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الثلاثاء 10 أغسطس 2010 - 17:31

khatab كتب:
سلام نزار ...وانماطك الخطيره...
أخشي ان تنسي انك بتكتب عن شنو؟؟ لحدي
مايبقي مقالك دا نمطي خااااااااااااااالص
استر يارب


يا زعيم ما تحسس لانو النمط راااااااااااااااااااقد علي قفا من يشيل.....انت خائف مقالي يكون نمطي!!!!!...وانا ذاتو بكتب عن النمط ...بالغت فيها دي...
وبعدين النمط ما بهددوا بالغرق

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الثلاثاء 10 أغسطس 2010 - 17:34

محمد النو كتب:
سلامات
وانا اتصفح تلك الانماط .. اتانى احساس .. الفشل فى امتحان النظافه
فى طابور الصباح ... وهذا الممتحن .... لايفرق بين
ا( بين غبشة الشتاء ... وغبار الدافورى ) . وبعض اعراض البكاء
ودمتم


والله صدقت.... النمطي لا يعرف نفسه هل هو نمطي ام لا؟؟؟ ويكون دائما في حاله مقارنه...

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: النمط...النمط..النمط   الأربعاء 11 أغسطس 2010 - 5:57

النمط موجود في كل انسان وبعضهم يدري انه نمطي
والاخر الا بعد الاشاره له به

والنمط قد تكون له اسبابه عند البعض وقد يكون من دون
اسباب او مبررات واضحه وده مثل نمط الاطفال في ضرب الراس
ومص اصبع معين والنوع ده من النمط وسيله لجلب الراحه والاحساس
بالمتعه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
خليل
عضو متميز
عضو متميز
avatar

عدد المساهمات : 327
نقاط : 391
تاريخ التسجيل : 25/01/2009
الموقع : الفريق الورانييييييييييييييييييييييييي

مُساهمةموضوع: رد: النمط...النمط..النمط   الأربعاء 11 أغسطس 2010 - 14:06

يعني كونك ترفض ندي القلعة وتتمسك بي العجايز ديل
نمط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: رد: النمط...النمط..النمط   الجمعة 13 أغسطس 2010 - 3:12

خليل"]يعني كونك ترفض ندي القلعة وتتمسك بي العجايز ديل
نمط



ياخليلوووووف
انت كمان خلى مبالغتك تكون مبالغة نمطية
يعنى ماتشطح وتكسر الحاجز النمطى
ياخوى كتر الكلام خليهو وخليك نمطى عااااااااااااااااااااااااااااقل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   السبت 14 أغسطس 2010 - 6:43

ولا زال النمط سيد الموقف ...وكلكم تتفقون معي ان النمط صار يمشي بين الناس...يتوسط قلوبنا ولا يبرحها لحظه...كل شي نمطي ...وعذرا قراء الموضوع....ان النمط هو الشي الوحيد الذي لا يمكن نوصفه بالنمط بناءً علي نظريه :الشي الوحيد الذي لا يتغيير هو التغيير نفسه... والله النمط ده كدي كدي ما فايتنا...ويحي فضل الله يدهس بسيارته رجلا من جنوب السودان وياتي به للحوادث لاسعافه وعند الواحده صباحا يخرج ليشرب كبايه شاي من ست شاي بجوار المستشفي ومعه صاحبه وياتي صبيه من اطفال الشارع يسيرون في جماعات ويساله صاحبه من اين اتي هولاء الصبيه ويرد لصاحبه :انهم أتوا من صلب عاصي وأستقروا في رحم زانيه يذهب بعيدا باجابته ...بعيدا حيث النشإة والتكوين...
وفي طفولتي الباكره سالت عمتي جليله عن رائعه مصطفي مضوي (تبقي لي ضل المقيله ...والهموم مني بتشيلا)وردت علي باجابه ضمنيه حيث وجه الشبه منتزع من متعدد ..عمك عبد الله بشيل حمل البيت ...وبمشي سوق دوبا...و...و...و شكرا عمتي جليله وضحت الاجابه.
ويا الزارعنك في الشمش ..ما تدفرني براي بمش...والنمط يحكي عن نفسه ...عندما كانا يترنحا ما بين دوبا وقوز ابوروف في رحله العوده من( الاندايه) ولمن بقوا عند حقنه ابو النمير شالها ليها بريقا ولا عليك بيهو وقالت كدي المطره كبت واحداهما غلبوا المشي ...ولم يتواني صاحبه المليان مروءه في حمله علي كتفه وهو سكران حد الثماله وعندما وصلا القوز الصعداني اذا بالمحمول يسال حامله - بكل براءة - ان كان حقته فيها تمباك ولا كملت...يريد ان يسف وهو محمول علي الاعناق...

ويتواصل النمط

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الإثنين 31 يناير 2011 - 14:25

والنمط يبدأ من المهد الي اللحد وما اشبه الليله بالبارحه..العروس التي تلبس الزفاف الكفن البياض استعدادا لقبر الزوجيه ممسكه بيد العريس اللابس بدله سواد الحداد علي الدنيا التي لم يعرف فيها غير الشقاء واللهث...وسبحان الله سمه تشابه بين ما بين القبر والقفص (افترض ذهبي)
مشهد البدايه:
العريس يلبس الاسود (بلبس براهو) والعروس تلبس الابيض(بتلبس بمساعده صاحباتها) واخرون يتطوعون لاكمال الفرح(ويضحكون مجامله)وبعد انتهاء المراسم ودخول القفص يعتبر التطوع ممنوع لخصوصيه العلاقه ولا يجروء احد علي فعله..
مشهد النهايه:
في القبر واحد يلبس الابيض(ما بقدر يلبس براهو)والاخر يلبس الاسود(ده بلبس براهو لانو سيد وجعه) واناس كثيرون يطوعون لاتمام المراسم (ويبكون مجامله) وبعد نهايتها يعتبر التطوع الزائد عيب لايجروء احدا علي فعله.
___________
والعجرفه الزائده تفوت حدها..عندما ينادي احد ملوك العرب الذي يحاول ابتكار لغه جديده مع خادمه عندما قال له:انت فويرق كامنت تبسلم؟؟ فرد الخادم :حبلظم سيدي
وهنا غضب الملك وسال خادمه :ماذا تقصد ياقذر؟ ورد الخادم: ماذا كنت تعني يا مولاي بسوالك
الملك:انا سالتك هل جلبت الماء من البئر
الخادم:وانا اجبتك نعم
_________


ويتواصل النمط

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحاج الامين محمد علي
عضو نشط
عضو نشط
avatar

عدد المساهمات : 158
نقاط : 199
تاريخ التسجيل : 12/07/2010
الموقع : جنب الورشة

مُساهمةموضوع: رد: النمط...النمط..النمط   الإثنين 31 يناير 2011 - 15:51


اللهم نسالك حسن الخاتمة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: النمط...النمط..النمط   الإثنين 31 يناير 2011 - 16:51

الجلسة النمطية الحلوة دي فاتتني يا ربي انا كنت وين؟
هل كنت في مشغولية نمطية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
محمد علي
عضو نشط
عضو نشط
avatar

عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

مُساهمةموضوع: رد: النمط...النمط..النمط   الخميس 3 فبراير 2011 - 5:08

والحديث يدور فى ... يوم .. ( ذات مغيرب هالك ) .. عن الفرن
تلك المؤسسه ... الفاشله
والرررررررراجل يحدثنا عن الاسهم وين ؟؟؟؟
ويجيب ايصالات توريد .... لللجنه
ولا اقول ليكم .... الدخل ... داخلية المدرسه فى الفرن شنو ؟؟؟؟
ودا كلام ... مغارب ... وكلام عناقريب
واللجن..... الش.... رئييسا ... تم تعينه من فلان
بدون اتنخابات .... مع احترامنا للسيد ..... ا
واحدهم علق ... تتكون اللجنه من ... فلان .. وفلان ...و .... تلفون
وهذا الثمن الجميل .... ولسنوات البنطون ..والمشى حافيا " ا
وان للفارس ... ان يمسح راسه من عبث الطباشير
وهذا .. الوطن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزبير
عضو متميز
عضو متميز
avatar

عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

مُساهمةموضوع: رد: النمط...النمط..النمط   الخميس 3 فبراير 2011 - 10:38

والله نمطكم ده فيهو جنس انماط تحير عديل كده
يعني الواحد لازم اشوف ليهو نمط عشان اعرف نمطو ماشي
وين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://httb://zz-2010-@hotmail.com
نزار الغرقان
عضو متميز
عضو متميز
avatar

عدد المساهمات : 922
نقاط : 1155
تاريخ التسجيل : 24/01/2009
الموقع : قوز ابوروف وسط

مُساهمةموضوع: رد: النمط...النمط..النمط   الثلاثاء 8 فبراير 2011 - 13:16

الزبير نمطنا ده سيوبر...

_________________
ما فائدة القلم اذا لم يفتح فكرا
أو يضمد جرحا
أو يمسح دمعة
أو يطهرقلبا
أو يكشف زيفا
أو يبني صرحا يسعد الإنسان في حياته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
النمط...النمط..النمط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: منتدى قوز ابوروف الاجتماعي-
انتقل الى: