منتديات قوز ابوروف
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 كابوس صابر ايوب ست الشاي أف . بي .آي

اذهب الى الأسفل 
4 مشترك
كاتب الموضوعرسالة
نزار الإمام Ù…Ø
عضو نشط
عضو نشط



عدد المساهمات : 130
نقاط : 148
تاريخ التسجيل : 10/06/2010
الموقع : سوبا غرب

كابوس صابر ايوب ست الشاي أف . بي .آي Empty
مُساهمةموضوع: كابوس صابر ايوب ست الشاي أف . بي .آي   كابوس صابر ايوب ست الشاي أف . بي .آي Icon_minitime1الإثنين 12 يوليو 2010 - 8:44

كلمات : هاشم صديق
الرادي يساسق بين بريطانيا وبين أمريكا
...
و(صابر) سارح لنفسو يصارح -يا صابر هوي
رمضان جاييكا حجتيب من وين قروش السكر
وحق الويكة؟!
..
(الرادي) يناهد وسط الحوش بين (بن لادن)
و(عمر المُلا) و(مستر بوش) -تصريح من لندن
-أخبار من (غزة) وجيران صابر عاملين (قعدة)
انقلبت (ندوة) في الكأس العاشر (بالعرقي) الداشر
والليل مصبوغ بي رحية (المزة)
...
الرادي يكورك وسط الحوش افغانستان موت أفغان
مستر بوش وخواجة بيصرخ وصوته مرخرخ
زي (حنكوش) القصف يدك أركان (كابول)
...
ووالدة (صابر) حاجة (بتول) مشدوهة تقطع
عيش الفتة تكب سرحانة في موية الفول.
يوماتي عشاهم (فتة بوش) والرادي يساسق
بين (بن لادن) ومستر (بوش) وصابر يطنطن
الصاح مقلوع السيف مرفوع الكلمة غموض
والمغنى فروع الدنيا خراب والأقوى مهاب
والعدل رهاب
...
الليل مشروق بي فتة فول وصوت (الحاجة)
الوالدة (بتول) يناغم صابر شنو الإرهاب؟
ويتمتم صابر قلـ...قلتي شنو؟ وترد (الحاجة)
مالك مرعوب؟ تتلفت ليش؟! تقول مزرور بي عسكر وديش؟!
سألتك بس شنو الإرهاب؟! واتنحنح (صابر) صنقع ودنقر
حك رويسو اتمدد وصنقر وقال للحاجة سؤالك يمة
جوابو كتاب لكن.... لكن يا (حاجة) زي ما تقولي طلع ربّاط
في الليل لي زول بي سيف مسلول

وشال من جيبو قروش العيش وحق الفول أو زول آمن
يقع في مكيدة يموت مكتول وزي تغيان على الفقران على المسكين
على الأعزل على المشلول
...
وتتدقق غبينة (الحاجة) زي راجمة وتصبح ناغمة وحسع نان منو الرباط؟امريكا؟ (بن لادن)؟ ولا الأفغان؟ من التغيان منو المسكين؟

من المظلوم (مستر بوش ولا فلسطين؟ شنو الـ...... منو الـ....
...
ضحك (صابر) وحك رويسو واتنحنح وقال للحاجة يمة اتعشي
أكلي البوش لو عارف ردود لي ديل ما كان الرويس مدووش
...
سكت صابر رقد معبور وصوت الرادي لا في الدنيا لسة بيدور
سرح صابر ودمو يفور نكش حزنو وقال لي نفسو من قلبو
أريت الدنيا حسه تغور
...
سمع صوت أمو تاني يلح دحين يا وليد بدور أسأل؟
ويرد صابر وضيق العبرة طعمو ملح نعم يمة قايلك نمتى
وترد الحاجة أنوم كيفن وصوت الرادي في أضني زي مكنة؟!
بدور أسأل دحين أمريكا ما ياها العذابا دنا؟؟!
...
ويرد صابر وضحكو علا عذاب أمريكا ولا هنا؟؟!
عذاب أمريكا ولا أنا؟ ويصن لحظات دحين يمة ورمضان جاي
هم أمريكا ولا اللقمة والويكة الرادي يساسق بين بريطانيا وبين أمريكا
...
و(صابر) سارح لنفسو يصارح يا صابر هوي رمضان جاييكا
حجتيب من وين قروش السكر وحق الويكة؟!
..
(الرادي) يناهد وسط الحوش بين (بن لادن) و(عمر المُلا) و(مستر بوش)
تصريح من لندن أخبار من (غزة) وجيران صابر عاملين (قعدة) انقلبت (ندوة) في الكأس العاشر... ترد الحاجة تفتش لكيس تمباكا في الكراب
نقول همين عذاب وعذاب تخت السفة وتبرطم دحين يا وليد ده مو الإرهاب؟!!
...
ويصن الليل ورأس صابر يدقدق ساي يشرق جاي
يغرب جاي كراتشي أباتشي أنقرة عنقرة ربع الويكة صوت أمريكا

جمرة خبيثة مكيدة دسيسة بي. بي . سي أي. أن. تي سي. أن. أن
توني بلير كلام الطير خبر وحواشي إبراهومة أموكاشي...
ويقع صابر في بير النوم ويشوف روحو بدل (أمجاد) ركب بعشوم
وشاف الناس توسوس ساي خبر يا هناي ست الشاي أف. بي آي
وأحمد بيه سي . أي. أيه ووسط الموز لقينا (كروز) رج كلتوم
ملان بحمام وقع صاروخ شق حشاهو سكن جواهو
سوا حطام ويغوص صابر غرق أكتر في بير النوم

ويشوف الحاجة امو (بتول) وسط الزحمة رافعة أيدها
بي قندول تكورك وتهتف لا أمريكا بل فتريته) (أنحنا الساس)
رافعين رأس ما ببنتراجع ما بنتهان ما بنخاف
الأمريكان
...
ويشوف صابر بيوت الحلة تتغامز وتتريق على الحاجة وتتلامز
ووسط اللمة صوت الحاجة عالي فصيح (تشيلو الريح)
...
صوت الرادي مابي النوم الموت أخبار الظلم حصار
الرعب خيار والليل حزنان الليل عريان والقمرة هدوم
الليل مفضوح والنجم كتوم الدينا تصن
لقيامة تقوم صابر مجروح في نومو يئن
وفي الرادي تجن بالتار (بيق بن)
والنشرة تجيب أخبار الشوم كابوس صابر قفة خضار
سوت جنحين طارت لي فوق والفاقة مطار
...
كابوس صابر يعلم أيه والدنيا مصالح وسي. آي. أيه
...
كابوس صابر الناس بتوسوس وتنضم ساس ست الشاي أف بي آي
...
كابوس صابر الدنيا مغازي يموت الحب ترمي أخوك
في بطن الجب وتترتر غادي تناصر الغازي
...
كابوس صابر الكلمة ضحية
إرهاب مشروع وإرهاب وحشية ضحايا غبش وضحايا غنية
...
كابوس صابر الناس (بالقرجة)
تقيف للفرجة تغير لونها ميتين درجة
...
كابوس صابر هم الويكة والفتريتة ونار أحزانو ونار أمريكا
...
كابوس صابر الصاح مقلوع السيف مرفوع الكلمة غموض
والمعنى فروع الدنيا خراب والأقوى مهاب والعدل رهاب
الرادي يلغلغ وسط الحوش بين (بن لادن) و(عمر الملا)
ومستر بوش - أفغانستان - موت أفغان
- القايمة تطول - عراق.. سوريا
- جنوب لبنان - وما معروف تاني كمان! تجي الحملة
عقاب جملة (على الإرهاب)
...
على الإنسان؟! القصف يدك أركان كابول ووالدة (صابر)
حاجة (بتول) حلمانة تقطع عيش الفتة تكب سرحانة
في موية الفول يوماتي عشاهم
فتة (بوش) والرادي يساسق بين (بن لادن) ومستر (بوش)
...
صوت الرادي مابي النوم والليل حيران الليل حزنان
الليل عريان والقمرة هدوم الليل مفضوح والنجم كتوم
...
كابوس صابر قفة خضار
سوت جنحين طارت لي فوق والدنيا مطار
...
كابوس صابر صوت مبلوع حق مقلوع
والموت بالجوع كابوس صابر يعلم أيه
والدنيا مصالح وسي. آي. أيه
...
كابوس صابر الناس بتوسوس
وتنضم ساي ست الشاي أف. بي. آي
الرجوع الى أعلى الصفحة اذهب الى الأسفل
ناصر الاحزان
عضو متميز
عضو متميز
ناصر الاحزان


عدد المساهمات : 325
نقاط : 424
تاريخ التسجيل : 28/10/2009

كابوس صابر ايوب ست الشاي أف . بي .آي Empty
مُساهمةموضوع: رد: كابوس صابر ايوب ست الشاي أف . بي .آي   كابوس صابر ايوب ست الشاي أف . بي .آي Icon_minitime1الإثنين 12 يوليو 2010 - 9:14

هاشم صديق ,,, صاحب الكلمة والابداع في الادب والشعر
وله اسهامات واضحة فيه وتأثرني جدآ كتاباته الجميله
بكل معانيها ,,,,,,, ولك الشكر نزار علي تلك المساهمة
وتقبل مروووووووووري
الرجوع الى أعلى الصفحة اذهب الى الأسفل
محمد علي
عضو نشط
عضو نشط
محمد علي


عدد المساهمات : 133
نقاط : 184
تاريخ التسجيل : 30/01/2009
الموقع : القوز.. جنب الصهريج الواقع

كابوس صابر ايوب ست الشاي أف . بي .آي Empty
مُساهمةموضوع: رد: كابوس صابر ايوب ست الشاي أف . بي .آي   كابوس صابر ايوب ست الشاي أف . بي .آي Icon_minitime1الثلاثاء 13 يوليو 2010 - 1:29

شكرا" نزار
وشكرا .. هاشم
وانتم تضيفون إلي( الفته ) مذاق مأدبة الملوك
... والتاريخ يؤرخ .. حضارة امة .. حلمها .. ان تاكل .. لكي لا تموت
ودمتم
الرجوع الى أعلى الصفحة اذهب الى الأسفل
الزبير
عضو متميز
عضو متميز
الزبير


عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

كابوس صابر ايوب ست الشاي أف . بي .آي Empty
مُساهمةموضوع: رد: كابوس صابر ايوب ست الشاي أف . بي .آي   كابوس صابر ايوب ست الشاي أف . بي .آي Icon_minitime1الثلاثاء 13 يوليو 2010 - 1:54

شكرا نزار على الكوابيس الحلوه
وشكرا للشاعر المخضرم هاشم صديق
ولك الود والاحترام
الرجوع الى أعلى الصفحة اذهب الى الأسفل
http://httb://zz-2010-@hotmail.com
 
كابوس صابر ايوب ست الشاي أف . بي .آي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: