حاجات حقتنا براااانا

- أمسك يا كمساري شيل حق نفرين

- لا لا ياخ رجع ليهو يا كمساري يمين ما تدفع

- يا زول انا اديتو خلاص رجع قروشك

- يا أخي انا حلفت .. وعندي فكه...

- يا زول علي الطلاق قروشي ما بترجع

- انا بقول ليك والله تمسك قروشك عليك

- يا اخي انا حلفت طلاق ....

- وانا حلفت بالله ....

- و ........

- ووو..ووو...

وااااااااااااااااااي منكم انتو الاتنيين

*************************

- الو سلام عليكم, لقيت مسكول من رقمك ده يا اخي

- ما مسكول والله ضربت ليك عدييييل خمسه مرات ما رديت

- ايواا بس كنت في الصلاه

- امس برضو ضربت ليك كم مره

- متين ده؟

- امس بالنهار ..قريب العصر ...!!

- الغريبه ما لقيت مكالمه منك ...

- كدي شوف المكالمات الغير مستلمه

- ما شايف مكالمه منك نهائي

- يا اخي ضربت ليك من الاريبا ما موبتيل

- ايوااا اذكرت انا غيرت البطاريه بالليل يكون طفشت

يا أخي الله يطفشكم من الدنيا وتفضل شركه الاتصالات المستفيده من امثالكم

***************************

- اسمع الكوره دي وين ..وين؟

- التضامن والتحدي

- الاصفر ديل منو ؟

- التحدي

- واللابسين ابيض؟

- التضامن

- دي الدقيقه الكم؟

- ال 39

- الشوط الاول؟

- لا التاني

- النتيجه كم؟

- 2\4

- الاتنين لي منو؟

- لي التضامن

- معناه الاربعه للتحدي

لا لا الاربعه ليك انت ده يشيلوك يدخلوك القبر قول امييين

**************************

- اسمع من وين انت؟

- من ام ترعه مربع 7

- بتعرف واحد اسمو عبد الواحد ؟

- أخدراني ..!!

- لا أزرق طويل كدي

- عندو فلجه ؟

- لا لا عندو اخوه بصطاد قمري

- عمرو كم سنه كده ؟

- ود صغيييير شباب قدركم كدي .. اربعينات يعني

- ما عرفتو والله....!!!!

- عندو عرس خالو كان قبل سنه

- ما مذكرو ..!!!

- يا اخي عندو أختو بتشرب شيشه

- وكمان عندو عمو الله يكرمك ...

- يا زول خلاص احترم نفسك

غايتو عدم موضوع شديد

ما منقول

وما تنسى كمان

انت فيك شبه ناس ود عبد الماجد _

.. والله مافى قرابه الا نسايبنا بس

عمك ود تور الجر ببقى ليك شنو؟؟ _

... فى الحسابات خال ابوى بى امو بت عجبنا

اهها ما ايهو كلامى ذاتو ..ز ياخوى بت عجبنا لسه نظرها كويس ولا قله ؟؟

والله يعنى نص نص بتمشى الجامع

الاخ نزار الغرقان
كم سعيد بطرحك الواضح ورؤيتك الاوضح منه وانك تجسد للواقعيه الحياتيه القائمه علي ابرز المشاكل ومعالجتها منطقا مجردا لا يرتكن للالتفاف حوله بقدر مايرتكن لبيانه ...لعلها معالجه تتطلبها العصرنه بسرعتها الهائله المواكبه وهنالك الكثير من السوالب الحياتية التي ربما تشكل يوما خلطا في تيبن الصحيح من الخطأ ..ما احوجنا له ....
وماتنسي كمان
في واحد يصحيك من النوم ويقول ليك فلان فلان وتقوم تصي من النوم وتقولو نعم يقول لك (نمت ولا صاحي ) ويخليك علي كده اها زي ده تجاوب ليهو كيف ؟؟؟؟؟؟
وماتنسي كمان
في واحد يجيك في المحل ويقول ليك الاسكراتش ابو عشرة بي كم ؟
اها جنس ده تقول فيهو شنو؟؟؟؟؟

تسلم يا هندسه
عندك عيش ؟ خلص
خلص متين ؟ بتستفيد شنو لو قلت ليك _ طيب الدكان الجنبك ده بكون فيهو ؟ بكون آآي !!! أسمع قلت لي بكاك ده بي وين ؟

واحده تاني في الكورة

-الزول دا لعاب خلاص
-وينو
-ياخي القصير دا القبل شوية جدع رمية التماس المفلفل شعرو
-ما عرفتو
-الكرتوه(ادوه كرت) دا
-لا لا ياخي دا ماهو داك كان عنكبة
-طيب وينو
-اللابس نمرة عشرة

يعني لو من الاول قال ليهو نمرة عشرة كان شافو ليهم موضوع تاني

أنا مره سألت واحد في بورتسودان قلت ليهو البنك الفرنسي هنا مكانو وين؟ قال لي:البنك الفرنسي؟ أهه البنك الفرنسي ،، البنك الفرنسي!! هو مش عندو فرع في مدني جنب السينما ؟ قلت ليهو أي ون وتاني قال لي كمان في الخرطوم صاآح قلت ليهو إيوه وكمان بحري وأمدرمان و..إلخ

والله ياود الخاله الحاجات دي حقتنا ...وحراق الروح ده الا عندنا نحن السودانيين ديل ....امسك عليك ناسك يانزار ....ولا اقول ليك خليهم ما تحوشم الا رجب يحوش صاحبه .......ولاكبف؟؟؟

كلام جميل مشكور كتيييييييييييييييييييييييييييييييييير

» حاجات من الذاكرة