تعالوا نتفقد بعضنا

اولا مبروك لكل الاعضاء علي الحضور المشرف ونحن نقترب من الثلاثين عضوا بالمنتدي وهذا يعتبر خطوه جيده نحو التواصل بين أبناء القوز لكن نلاحظ ان بعض الوجوه أختفت من المنتدي منهم هيتم صابونه ود الدروشاب الرجل المليانه مروءه وكان حاضرا معنا في الاجتماع التاسيسي للمنتدي وظل متواصلا لفتره بعدها أختفي لا ندري لعل المانع خير وكذلك الزول المجاسف وقاطع البحر ود الربوه وايضا الزول الفات الكبار والقدرو الشاب المليان تحدي الزبير محمود واخونا البشوش وجمل الشيل الاخ هاشم فقيده وهو من الموسسين لهذا المنبر ومنهم ايضا شاعر المنتدي وحادي ركبنا المرهف خالد عبد الباقي أتمني ان نسمع عنهم كل خبر ويوضحوا لينا ودايما بنقول ان شاء الله المانع خير وحتي الاعضاء لو عندهم فكره يدونا خبر



ويجوا عااااايددددين عايدين يا الله

الله يسلمك يارب والله ده من زوقك بس يادكتور

خلودي يا النكهه البتتحدي الزمن
الزبير يا عسل يا رايع حمد لله علي السلامه وعندكم فروقات أدونا ليها _

الزبير كتب:

سلام ياحلوين والله بجد مشتاقين لكن زى ماقال ليكم ودعمتى
ظروف العمل الجديد لاتسمح لى بالظهور فى المنتدى
ولايفوتنى ان اشكر الاخ نزار على سواله عنا وتفقد احوالنا

حمدا لله علي السلامه اخونا الزبير ودائما كالعهد بك تظل مثل نجم السعد تحيا في الدواخل ريثما تصفو السماء وها هي سحابه صيف قد انقشعت
فهلا امطرتنا بروائع الحديث!!!!!