منتديات قوز ابوروف
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 وهم القوافي

اذهب الى الأسفل 
4 مشترك
كاتب الموضوعرسالة
ابوروف
عضو متميز
عضو متميز
ابوروف


عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

وهم القوافي Empty
مُساهمةموضوع: وهم القوافي   وهم القوافي Icon_minitime1الجمعة 21 مايو 2010 - 19:39


وهم القوافي


للشاعر مؤيد الامين

متمني .. مستني الفرج
القمره لوكان في السما
وفي الارض
ها ك ياحبل وهم القوافي
المنعرج
شيليها من غلب الغلابه
ومن عرق دقن الدراويش العرج
شيليها اوعك تنحرج
خليها تفرح وتبتهج
قوليها من شعري الحزين
تعدل قوافيه العوج
اسأل عن الفر السرق
رمل الطريق
وداهو وين؟
وعن الغول الشرب
موية البحر وداها وين ؟
من حصان ود النمير
شال السرج
اسأل عن الوطن الصبح منفى
دراويشاً تهج وترج
قوليها اوعك تنحرج
قوليها من شعري الحزين
خليها تفرح وتبتهج
..
قوليها عن اصل القصيد
احكيله عن قصة ملكنا
الساقنا في الاخر عبيد
متعنا بالخوف والالم
شبعنا في الجوع الشديد
فرحنا بى الهم والوهم
كان بيصدق في الكذب
كان بيخلف في الوعيد
شيليها من شعري الحزين
قوليها اوعك تنحرج
خليها تفرح تبتهج
اسأل واما ترجى الجواب
ارويله وريها الحصل
قليها بى لهجة عتاب
كيف الامل في لحظة خاب
ليه بنتفارق صحاب
حتى البحر سوالو باب
الشمس غطاها الضباب
الحرقة صبحت لينا زاد
الفرحه في حالة غياب
الضلمه مسكن لى الضعيف
الخوف سكن في كل باب
الغول شرب موية المطر
كيف نزرع الارض اليباب
اسأل وماترجى الجواب
قول ليها من شعري الحزين
خليها تفرح تبتهج
متمني مستني الفرج
حجيها بى القصص الزمان
قصة جّرب ضنب الجمل
جاري ويجرب كان يطير
يسكن مداين في السحاب
وقصة جراب رجب
اجرف خير البوادي
وفتح شبابيك لى الذئاب
سجن الطيور
حتى الصقير صابر يصاقر
في الغراب
يشرب من المرّ يرتوي
ياكل من الصمت العزاب
قول ليها اوعك تنحرج
شيليها من شعري الحزين
خليها تفرح وتبتهج
مظلومه زينا ياخلق
مجدوعه في نص السماء
يارب اديها الفرح
واهديها من الخير كتير
واديها من نورك وهج
الرجوع الى أعلى الصفحة اذهب الى الأسفل
http://aburoof82@hotmail.com
محمد الامين كرتاي
عضو
عضو



عدد المساهمات : 4
نقاط : 6
تاريخ التسجيل : 30/04/2010

وهم القوافي Empty
مُساهمةموضوع: رد: وهم القوافي   وهم القوافي Icon_minitime1الأحد 23 مايو 2010 - 15:17

تسلم دكتور أبوروف ع هذه القصيده ..لكن دايرين قصيده بلغة الهدندوه..
الرجوع الى أعلى الصفحة اذهب الى الأسفل
الزبير
عضو متميز
عضو متميز
الزبير


عدد المساهمات : 441
نقاط : 533
تاريخ التسجيل : 03/11/2009
الموقع : المملكه العربيه السعوديه

وهم القوافي Empty
مُساهمةموضوع: رد: وهم القوافي   وهم القوافي Icon_minitime1الثلاثاء 25 مايو 2010 - 0:52

مشكور ابوروف القصيده زى العسل
الرجوع الى أعلى الصفحة اذهب الى الأسفل
http://httb://zz-2010-@hotmail.com
احمد النو
عضو
عضو
احمد النو


عدد المساهمات : 73
نقاط : 88
تاريخ التسجيل : 11/04/2010
الموقع : قوز ابوروف -الخرطوم وبالعكس

وهم القوافي Empty
مُساهمةموضوع: رد: وهم القوافي   وهم القوافي Icon_minitime1الثلاثاء 25 مايو 2010 - 17:03

تسلم يا دكتور وأنت تمدنا بالجديد والجميل من القصايد .
الرجوع الى أعلى الصفحة اذهب الى الأسفل
 
وهم القوافي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: