منتديات قوز ابوروف
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 انتخابات

اذهب الى الأسفل 
3 مشترك
كاتب الموضوعرسالة
خالد النيل
عضو نشط
عضو نشط
خالد النيل


عدد المساهمات : 133
نقاط : 170
تاريخ التسجيل : 08/02/2009
الموقع : المملكة العربية السعودية

انتخابات Empty
مُساهمةموضوع: انتخابات   انتخابات Icon_minitime1الثلاثاء 20 أبريل 2010 - 10:43

انتي خيبات
انتخابات
صوت بعيد
يصرخ
يورينا الضمير كيف مات
وبلدك
ما فيها غير الحكماء ديل
أبان دقون
أبان مصالح
أبان عقول من قمنا ما شفناها جات
ناس تحكمنا بي غابها وغباها
وغيبت عقل الولاد الشفع الناس الكبار عقل البنات
يا اللة بس
اديني في كل يوم ثبات
عند موقف التصويت
وساعة الانتخابات
اشوف صادق امين
انتخبوا
مايكون حفيد ابليس ضيعة موبقات
لكن مافي ديل في حكمنا
ناوين يكونوا مدي الحياة
والشعب طلعت عينو
مرقت روحو
صبحت في مكانها رفات
يابلد مسير
وماك مخير في اتخاذ كل القرارات
من تدخل
او توغل
اوترهل في جسم راجي الموت
شن راجي انت من الحكومة
لافي تنمية
لافي ادوية لي مريض
ولا بتعفيك من جبايات
لا مدارس
لا مصحات
لافي جوع ينسدبيهم
لا امن من طيش وسرقات
بس وعود
ساعة احتفالات
عاش رئيسنا
ووزراء جايين
ووالي عاش
ما عاش مريض
كان القدر ايامو جات
عاشت بعوضة تمص دماك
عاشت في اجسامنا ملاريا
وعشعش الطير في اجزخانات

راجي الوهم يديك امل ؟
راجي المصانع تفتح الباب للعمل ؟
راجي فرح اطفالنا في يوم يكتمل ؟
ولا جرح الماضي يرجع يندمل ؟
ويبدا صوتك في النحيب
علي وطن كل يوم يمرفي محك صعيب
ومشاكلو صبحت مالها حل
جات انتخابات علي عجل
لملم كباراتنا الوعود
في شنطة
او في سقطة معطونة الوحل
واحد ندة في العالمين
اختارو سيدي
عشان نزيل وسخ الدقون
نمسح بقطرتنا الرمادة من العيون
وبعد يفوتو كل مشكلة ليها حل
وجات مارقة من جوة الجموع الهادرة
صرخة وفاترة
اعلنت انو يوم باكر يكون قدر المرشح هيلو
ضد الفقر
وضد الجوع
وضد امية
ضد امراض بتنهش في جسومنا زمن
وضد تعطيل مصالح الناس
هذا سبيلنا مافي رجوع
ديموقراطية
وحكم الشعب
الشعب هو حاكم
كيف يحكم شعبا محكوم من قبلك بالاشباح
وبالاحكام الشيطانية
وشعبا كان منك موجوع
ويجيك دقن
يلعن شياطين الامام
ترباية الفسق الحرام
ويلعن جنوب
جاب الشمالي لحد عندك
شان يشارك الاقتسام
في ثروة او في سلطة
مسكوها اللئام
تف يابلد
من زمن فوت الخواجات
ماشفنا خطوك للامام

حال البلد
مسكوهو ناس
وكل مرة
ياشعبي العزيز
اربط اربط للحزام
وبعد دا كلوفي انتخابات
تزويرها جاهز
ونحن نصرف في الكلام
الرجوع الى أعلى الصفحة اذهب الى الأسفل
ابوروف
عضو متميز
عضو متميز
ابوروف


عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

انتخابات Empty
مُساهمةموضوع: رد: انتخابات   انتخابات Icon_minitime1الثلاثاء 20 أبريل 2010 - 15:05

يا اخوي كلامك صاح ميه الميه

وانا الابيات عجبتني في اباااااااااااان دقون

رغم اني في يوم من الايام كنت فيهم لكن الحمد

لله كانت وعكه مرضيه واتعافيت منها قبل مغادرة

سور الجامعه ......لكن بيني وبينك الناس دي

احسن من غيرهم كتييييييييير هم فعلا" كده... وكده... و


الناس دي منظمه شديد وعلى قول الا ستاذ/اسحاق احمد فضل الله

(الناس ديل منظمين شديد ولو ادوهم الانتخابات دي ما كان

حصلت فيها اخطاء ) وفعلا كلامو صاح الجماعه ديل انا كنت فيهم

بعرفهم... وانا عن نفسي ما صوتا خالص ولو كنت ح اعمل

الحركه دي كنت ح اعملا لصالحهم بالتاكيد

الرجوع الى أعلى الصفحة اذهب الى الأسفل
http://aburoof82@hotmail.com
ابو اية
مشرف المنتدى
ابو اية


عدد المساهمات : 589
نقاط : 627
تاريخ التسجيل : 24/01/2009

انتخابات Empty
مُساهمةموضوع: رد: انتخابات   انتخابات Icon_minitime1الثلاثاء 20 أبريل 2010 - 19:10

شنو يا ابوروف كنت كنت كنت
انت ود متين هو
انتخابات Icon_biggrin
الرجوع الى أعلى الصفحة اذهب الى الأسفل
https://aburoof.roo7.biz
خالد النيل
عضو نشط
عضو نشط
خالد النيل


عدد المساهمات : 133
نقاط : 170
تاريخ التسجيل : 08/02/2009
الموقع : المملكة العربية السعودية

انتخابات Empty
مُساهمةموضوع: رد: انتخابات   انتخابات Icon_minitime1الأربعاء 21 أبريل 2010 - 8:43

زي صورة بالكربون سنين
تتساوي في الاحزان تكيل
الغبن جوة الصدر نار
والظلم في الميزان تقيل
تاكل تجوع حجما ونوع
تاكل براك سما نقوع
والموت بديل
ما أصعب الوحشة المكان
تختار تضيع من غير دليل
او يهزمك برد الصقيع
تحتار تسير فاقد السبيل
دلقان هبوب تاخدو وتطير
وهبوب تدلقن فيك عديل
الرجوع الى أعلى الصفحة اذهب الى الأسفل
ابوروف
عضو متميز
عضو متميز
ابوروف


عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

انتخابات Empty
مُساهمةموضوع: رد: انتخابات   انتخابات Icon_minitime1الأربعاء 21 أبريل 2010 - 14:00

"علي الامين"]شنو يا ابوروف كنت كنت كنت
انت ود متين هو انتخابات Icon_biggrin

والله يا خال انت عارف الحمد لله مريت

باطوار غريبه في زمن انا ما كنت قدرا

يعني الحمد لله مااااااااااااف علاقه بين العمر

ودرجة الاستيعاب الحياتيه .. ولا رايك شنو يا خال؟؟؟

الرجوع الى أعلى الصفحة اذهب الى الأسفل
http://aburoof82@hotmail.com
 
انتخابات
الرجوع الى أعلى الصفحة 
صفحة 1 من اصل 1
 مواضيع مماثلة
-
» نتيجه انتخابات السودان لرئاسه الجمهوريه وحكومه الجنوب

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: