منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 انتخابات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خالد النيل
عضو نشط
عضو نشط
avatar

عدد المساهمات : 133
نقاط : 170
تاريخ التسجيل : 08/02/2009
الموقع : المملكة العربية السعودية

مُساهمةموضوع: انتخابات   الثلاثاء 20 أبريل 2010 - 10:43

انتي خيبات
انتخابات
صوت بعيد
يصرخ
يورينا الضمير كيف مات
وبلدك
ما فيها غير الحكماء ديل
أبان دقون
أبان مصالح
أبان عقول من قمنا ما شفناها جات
ناس تحكمنا بي غابها وغباها
وغيبت عقل الولاد الشفع الناس الكبار عقل البنات
يا اللة بس
اديني في كل يوم ثبات
عند موقف التصويت
وساعة الانتخابات
اشوف صادق امين
انتخبوا
مايكون حفيد ابليس ضيعة موبقات
لكن مافي ديل في حكمنا
ناوين يكونوا مدي الحياة
والشعب طلعت عينو
مرقت روحو
صبحت في مكانها رفات
يابلد مسير
وماك مخير في اتخاذ كل القرارات
من تدخل
او توغل
اوترهل في جسم راجي الموت
شن راجي انت من الحكومة
لافي تنمية
لافي ادوية لي مريض
ولا بتعفيك من جبايات
لا مدارس
لا مصحات
لافي جوع ينسدبيهم
لا امن من طيش وسرقات
بس وعود
ساعة احتفالات
عاش رئيسنا
ووزراء جايين
ووالي عاش
ما عاش مريض
كان القدر ايامو جات
عاشت بعوضة تمص دماك
عاشت في اجسامنا ملاريا
وعشعش الطير في اجزخانات

راجي الوهم يديك امل ؟
راجي المصانع تفتح الباب للعمل ؟
راجي فرح اطفالنا في يوم يكتمل ؟
ولا جرح الماضي يرجع يندمل ؟
ويبدا صوتك في النحيب
علي وطن كل يوم يمرفي محك صعيب
ومشاكلو صبحت مالها حل
جات انتخابات علي عجل
لملم كباراتنا الوعود
في شنطة
او في سقطة معطونة الوحل
واحد ندة في العالمين
اختارو سيدي
عشان نزيل وسخ الدقون
نمسح بقطرتنا الرمادة من العيون
وبعد يفوتو كل مشكلة ليها حل
وجات مارقة من جوة الجموع الهادرة
صرخة وفاترة
اعلنت انو يوم باكر يكون قدر المرشح هيلو
ضد الفقر
وضد الجوع
وضد امية
ضد امراض بتنهش في جسومنا زمن
وضد تعطيل مصالح الناس
هذا سبيلنا مافي رجوع
ديموقراطية
وحكم الشعب
الشعب هو حاكم
كيف يحكم شعبا محكوم من قبلك بالاشباح
وبالاحكام الشيطانية
وشعبا كان منك موجوع
ويجيك دقن
يلعن شياطين الامام
ترباية الفسق الحرام
ويلعن جنوب
جاب الشمالي لحد عندك
شان يشارك الاقتسام
في ثروة او في سلطة
مسكوها اللئام
تف يابلد
من زمن فوت الخواجات
ماشفنا خطوك للامام

حال البلد
مسكوهو ناس
وكل مرة
ياشعبي العزيز
اربط اربط للحزام
وبعد دا كلوفي انتخابات
تزويرها جاهز
ونحن نصرف في الكلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: انتخابات   الثلاثاء 20 أبريل 2010 - 15:05

يا اخوي كلامك صاح ميه الميه

وانا الابيات عجبتني في اباااااااااااان دقون

رغم اني في يوم من الايام كنت فيهم لكن الحمد

لله كانت وعكه مرضيه واتعافيت منها قبل مغادرة

سور الجامعه ......لكن بيني وبينك الناس دي

احسن من غيرهم كتييييييييير هم فعلا" كده... وكده... و


الناس دي منظمه شديد وعلى قول الا ستاذ/اسحاق احمد فضل الله

(الناس ديل منظمين شديد ولو ادوهم الانتخابات دي ما كان

حصلت فيها اخطاء ) وفعلا كلامو صاح الجماعه ديل انا كنت فيهم

بعرفهم... وانا عن نفسي ما صوتا خالص ولو كنت ح اعمل

الحركه دي كنت ح اعملا لصالحهم بالتاكيد

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: انتخابات   الثلاثاء 20 أبريل 2010 - 19:10

شنو يا ابوروف كنت كنت كنت
انت ود متين هو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
خالد النيل
عضو نشط
عضو نشط
avatar

عدد المساهمات : 133
نقاط : 170
تاريخ التسجيل : 08/02/2009
الموقع : المملكة العربية السعودية

مُساهمةموضوع: رد: انتخابات   الأربعاء 21 أبريل 2010 - 8:43

زي صورة بالكربون سنين
تتساوي في الاحزان تكيل
الغبن جوة الصدر نار
والظلم في الميزان تقيل
تاكل تجوع حجما ونوع
تاكل براك سما نقوع
والموت بديل
ما أصعب الوحشة المكان
تختار تضيع من غير دليل
او يهزمك برد الصقيع
تحتار تسير فاقد السبيل
دلقان هبوب تاخدو وتطير
وهبوب تدلقن فيك عديل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوروف
عضو متميز
عضو متميز
avatar

عدد المساهمات : 461
نقاط : 559
تاريخ التسجيل : 27/01/2009
الموقع : اجمل مكان في السودان

مُساهمةموضوع: رد: انتخابات   الأربعاء 21 أبريل 2010 - 14:00

"علي الامين"]شنو يا ابوروف كنت كنت كنت
انت ود متين هو

والله يا خال انت عارف الحمد لله مريت

باطوار غريبه في زمن انا ما كنت قدرا

يعني الحمد لله مااااااااااااف علاقه بين العمر

ودرجة الاستيعاب الحياتيه .. ولا رايك شنو يا خال؟؟؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof82@hotmail.com
 
انتخابات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: