القوز هذا الصباح

شباب صباح الخير

كما وعدتكم في بوست سابق وبحكم وجودي في القوز طيله الايام سوف اوافيكم بكل جديد...عن أخبار القريه..وانا واقف جنب المركز الصحي وجدت جمهره من الناس وهم مستعدون لاستقبال السيد رئيس الجمهوريه بسنار والذي سوف يشرف عصر اليوم ولايه سنار ...كما ان السيد احمد عباس والي سنار سوف يزور قوز ابوروف عصر غدا الجمعه ليدشن حملته الانتخابيه ...ونواصل

الاخ نزار
و الله خطوه كويس من المرشح احمد عباس انو يلتقي بالناخبين في قرية قوز ابوروف
لكن ارجو ان تدرج خبر الزياره هذا في موضوع منفصل بمنتدى الاخبار

أبشر آآآ ود عمي

اصبحنا و اصبح الملك لله
اليوم هاديء غير العاده حيث يخلو الجو من الغبار والاتربه ..في حين تجري الاستعدادات لاستقبال وفد والي سنار عصر اليوم لتدشين حملته الانتخابيه في قوز ابوروف ومن المقرر ان يكون الاحتفال بميدان الكره ويشرف الاحتفال الفنان بلال موسي ... وسوف نتابع

بعض التعديلات طرأت علي البرنامج حيث أعتذر الفنان بلال موسي لارتباطه بحفله في كركوج ومن المتوقع ان ياتي الفنان عثمان الشيخ بدلا عنه ..كما ان اللقاء الجماهيري سيكون بالمركز الصحي او النادي

الاخ نزار لك التحية ،،،،،،،،،،،،،،،،،،،،،،

النار ولعت يوم ضوت الزينات بالخير والعدلة الل،،،،،،،،،،،،؟؟؟؟

الطق الطق طقطقطق ط ط ط ط طٌٌٌٌٌٌٌٌٌٌٌٌققققق قق قق قق ،،،،،،،،،،،،،،،،،،؟؟؟

الاخوه جماهير قرية ؟؟؟؟؟
سوف وسوف وسف وسف .....................ووووووووو ,,,,,,,,,,,

وقسما انها لسياسة رعناااااااااااااااااااا

مع كامل ودي وتقدير لأ هلي بالقرية ...............

( اخي نزار لك التجلى )

تمت زياره والي سنار بسلام بعد ان القي الوالي كلمته لاهل قوز ابوروف.... مبشرا بصيانه و تاهيل المركز الصحي وتحديث شبكه وقال في كلمته ان هذا اصلا برنامج موضوع للقوز وليس له دخل بالانتخابات

يا نزار
ياخي الوالي دا كان قيضت فيهو قول ليهو
على الامين قال ليك دايرين مشروع كامل ياخي
مشروع كامل انشاء الله يكون مرتبط بالحمله الانتخابيه
بلاش صيانات

اهلنا واحبابنا والله بالجد نحنا ينقصنا شي واحد مافي اى صور من القرية والله دا الشى الوحد الناقص مع ان عندنا مناطق طبيعه وفي نفس الوقت جميله جدا ليه ماتقوموا بتصورها وانزالها المافي شنو ؟؟؟؟؟؟ عجلوووووووووووووا علينا .

الاخ شوقي و الله انا عندي صور درر للدندر -ابو شقوق- المكان البنلقاك فيهو نص النهار غاطس في المويه
صور للغروب
شوف صورة الاخ ابوروف
ح تجيكم انشاء الله

يانزار كدى جيب لينا معاك اخبار نبيل

والله نبيل عامل فيها بوليس في قسم دوبا بقضي في الخدمه الوطنيه ...وطبعا لانو طويل
شديد ما لقوا ليهو كاكي قدر مقاسو قاموا لبسوهو لبس بتاع ضباط ...حاليا مركب مكنه نقيب

[quote="علي الامين"]الاخ شوقي و الله انا عندي صور درر للدندر -ابو شقوق- المكان البنلقاك فيهو نص النهار غاطس في المويه
صور للغروب
شوف صورة الاخ ابوروف
ح تجيكم انشاء الله
[/qe]

مشكووووووووووووووووووووووووووووووووور يا ابو الامين والله تب ماك مقصر بس المزيد المزيد [/b]

]b]ات اخوي كدى النسعلك ودخالي دا مالو بقى كدي الجنا دا الحب ماخلا فيه الحبه دي ولا رايك شنو

شوقى يوسف كتب:: اخوي كدى النسعلك ودخالي دا مالو بقى كدي الجنا دا الحب ماخلا فيه الحبه دي ولا رايك شنو

ود خالك مشكلتو ما بركز قدام القون

نزار الغرقان كتب:: والله نبيل عامل فيها بوليس في قسم دوبا بقضي في الخدمه الوطنيه ...وطبعا لانو طويل
[
b]شديد ما لقوا ليهو كاكي قدر مقاسو قاموا لبسوهو لبس بتاع ضباط ...حاليا مركب مكنه نقيب[/b]

اسمع كان المكينة خبطط قول ليه شوقي قال ليك ركب جديد الجديد شديد من ( لواء ولي فوق )

اولا آسف جدا لعدم تغطيه امتحانات الشهاده السودانيه والتي إنطلقت الاسبوع الفائت واليوم ماده الجغرافيا وغدا الأحياء ... واليوم التقيت بعدد من الطلاب والطالبات وكانت أرائهم مختلفه منهم
صدام حسين _قريه ود الخدر : الامتحانات يعني نص نص ..فيها الساهل وفيها الصعب لكن أصعب مما كنت أتوقع
محمد تاج الدين _ قوز ابوروف : والله يا اخي ساهله لكن اللغه العربيه صعبه شديد شديد
ساميه الصديق - العرديبه : برغم اني عائده لكن لا تخلو من الصعوبه لكن بجيب نسبه كويسه ان شا الله
عصام عمر -قريه دوبا : والله انا كنت متوقع تجي صعبه وهسه ما خيبت ظني وجات صعبه ...بس الله غالب
ام سلمه فتح الرحمن _ القوز : انا ممتحنه مساق علمي ,عموما الامتحانات ساهله لكن في ضغط في جدول الامتحانات خصوصا الفيزياء و الحاسوب
محمد مالك - القوز : عموما ممكن تقول ساهله ....خليني أكملها وبعدها بديك رائي فيها

مجهود مقدر الاخ نزار
و اجمل حاجة التنوع
البيوضح انو القوز ملتقى و مأوى و منارة لمنطقة شرق سنار

اليوم عادي ولا شي يذكر الناس مشت السوق و جات ...وقبل قليل جاء مرشح الاتحاد الديمقراطي للمجلس التشريعي السيد ابراهيم الشريف الامين الهندي مدشناٌ حملته الانتخابيه وهو يتبع للدائره 8 سنار الشماليه الشرقيه وهو ينافس السيد حاج أحمد يوسف الناظر

يا علي يا اخوووووي البوست الفوق ده مالو ما بتمسح لي .....اسرع خارجني

علي عليك الله امسح معاك الصور دي ...ويا الشغل ده بقي ما بمسح شوفو من شنو؟؟؟

والله يانزار مجهود مقدر منك وانا كنت منقطع من القوز فتره وعرفت الأخبار كلها ....بس لو قلت لي ذكيه بت الامين كيف؟؟؟؟؟ تكون ماقصرت

سلام خطاب
بخييييير وعافيه شايفه امس ماشه علي المسجد ..معناها ما عندها عوجه ..
الجدير بالذكر ان وابور المياه القديمه متعطله لليوم الثالث وهنالك تحركات لاصلاح العطل اليوم ان شاء الله

نزار الغرقان كتب:: سلام خطاب
بخييييير وعافيه شايفه امس ماشه علي المسجد ..معناها ما عندها عوجه ..
الجدير بالذكر ان وابور المياه القديمه متعطله لليوم الثالث وهنالك تحركات لاصلاح العطل اليوم ان شاء الله

اخوي اخبار العيش شنو
يا ريت تعمل لينا قائمة باسعار السوق هناك
لحمه
سلطه
لبن

أخونا علي ..الخدمه دي حصريا للعزابه اما المتزوجين فهم أدري بالاسعار ..يعني أنت المفروض توري المعاك باخبار السوق لانك يوماتي شايل السوق ولو بتسوق المدام كمان دي حاجه تانيه

نزار الغرقان كتب:: أخونا علي ..الخدمه دي حصريا للعزابه اما المتزوجين فهم أدري بالاسعار ..يعني أنت المفروض توري المعاك باخبار السوق لانك يوماتي شايل السوق ولو بتسوق المدام كمان دي حاجه تانيه

يا نزار انت عارف انو مصطلح عزابة دا ما شغال في بلدنا ديك
لانو نحن اولادنا الواحد من سن 15 تلقاهو شايل حمل البيت
وكمان ما تنسى الاخوة المغتربين عشان يشوفو الوضع وصل وين
هم صحيح بيكون عارفين لكن شفاهة عشان كدا المعلومات بتطير

مكسب يا زووول ...خلي بكره الجمعه نمشي ليك الجزارات

نزار الغرقان كتب:: مكسب يا زووول ...خلي بكره الجمعه نمشي ليك الجزارات

ياها المحرية فيك

تتواصل الانتخابات لليوم الثاني واقبال الناخبين فوق الوسط ..والاحوال الامنيه هادئه لا يوجد ما يعكر صفو الجو...وهذا يرجع الي وعي مواطن قوز ابوروف بالعمليه الانتخابيه وكيفيه ممارسه حقه في التصويت...

زائر

صباح الخير قوز ابوروف
شكرا" الاخ نزار وانت تمدنا باخبار القوز
لك التحية

ونتمى ان تسير العمليه الانتخابيه على ما
يرام في قوز ابوروف وكل انحا السودان

صباح الخيرآآآآآآآآآآآآآآآآآآآآآآآآآآآآآآآآآآآآآآآآآآآآآت قوز ابوروف

صباح الخير نزار نتمنى ان تكون الاجواء فعلا" هادئه

كما نحن.......... ولكن

الناخب ومدى استيعابو للعملية الانخابية نتمنى ان

تكون هناك مصداقية وترك الناخب ليحدد اتجاهه

بالقدر الذي يعرفه... ولكن تصوري عكس ذلك؟؟؟؟؟؟؟

اتوقع وجود كاااااااااااااااااااام نفر يوزعون الفكرة
بمكان ليس بعيدا عن قاعة الاختراع

اللهم احفظ السودان من شر الداء والاعداء

عمر يوسف كتب:: صباح الخير قوز ابوروف
شكرا" الاخ نزار وانت تمدنا باخبار القوز
لك التحية

ونتمى ان تسير العمليه الانتخابيه على ما
يرام في قوز ابوروف وكل انحا السودان

أبشر بالخير سعادتك لكن بالجد أهلنا في القوز قمه الرقي في التنظيم والاستيعاب حتي الصفوف ينظمون أنفسهم بانفسهم ...وهذا منظر بالجد مفخره لكل أهل القووز

» ‘نها القوز
» افراح القوز
» افراح القوز
» مبرووووووووك منتخب قوز ابوروف بالثنائية ضد القريه 23
» إبن القوز وأفتخر