منتدى يجمع ابناء قرية قوز ابوروف
 
موقع قوز ابوروفموقع قوز ابوروف  الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 اين هم الاصدقاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: اين هم الاصدقاء   الخميس 29 يناير 2009 - 6:29

اجلس اليوم وحيدا و احاول ان انسى انهم يتساقطون
يوما بعد يوم
و نخدع انفسنا بانهم يوما سيعودون
يقول احدهم وداعا و يوما ساعود
التقينا في الحواري....... (في ناس كدا لو لقوك حايم بي فريقهم كراعك ما بتمرقك ديل ناس محمد تمام)
التقينا في المدراس ........ (صلاة المغرب البرا وضوْء و ليمونة المزاكره و ريحة الرتينه وصوت الفونيا البجيب الهم)
في الفصول الاربعه....... (عاد الخريف هو خريف بسم الله)
تقاسمنا الشقا...............ا(ملود و تيراب و جرايه و استاذ عبد القادر لمن يجي من سنار )
تقاسمنا برد الشتاء.............(طبعا بالليل قرقابك بكون قصير و لا مشروط و بتكون نايم في الراكوبه و صوت الريح و القصب يصفر "مش ح تقدر تغمض عينك")
تقاسمنا الجلوس في الدفا ..........(دفوية الشفخانه و الجزارات وسنة تالته)
تقاسمنا ضل الضحى......... (البكون قاعد في الضل دا مرات بكون لاعب تويه برتبة تلاتي و شايل معاه تراب الميس _حصانه دبلماسيه)
تقاسمنا الضراء
و قليلا من السراء....................(لقيمات يوم العيد )
شاهدنا نمو الحياه.......... (الدحش المن عسيتها لي حد ما دققت بيها)
شاهدنا نمو الالام........... (باداها من تنكسر ليك شوكه لي حد مصاريف الجامعه البدوك ليها يوم السبت و بتنتهي في نفس السبت)
شاهدنا................(خليها مستوره)
شاهدنا موات الاماني
و لم يتبقى لنا امنية سوى ان نبقى معا
وتلك ورايناها الثرى
هناك من صادفناهم في دروب المزارع ..............(ما تمش فوق ضهر الترس)
وهناك من التقيناهم في طريق الراعي.................(علي سالمه و اللحوي)
هناك من التقيناهم في طريق الدقيق.............(كمان تمشى الفرن و تشتري ليك عيشه سخنه و تقرضها)
هناك من التقيناهم في ام دادول.............(ديل حقارين حقاره كان لقوك جوه المويه الله قال بي قولك)
هناك من التقيتهم في طريق السوق...........( سوق دوبا كيس وكدا و كمان لو يوم قالو ليك بيع الغنمايه بتعرف حاجه)
هناك من التقيتهم في صيد السمك..................... (قمة المهارة تجو راجعين غبش)
هناك من التقيتهم في اصطياد الطيور................(زريبة حاج مصطفى الله يرحمو كان فيها قمري و مرات في امدادول رغم الحقاره)
هناك من التقيتهم في الداخليات...............(ناس المناقل)
و الجامعات................................(ناس الطايف)
منهم من احببت...................(ها وييييييييييييييين والله ضياع زمن ساي كان مرقنا منها بالحزن النبيل)
ومنهم من كرهت.........(بتكره ظروفك الما بتخليك لافق مع اي زول)
و هانذا وحدي لامع من احببت و لا مع من كرهت................(عين العقل)
كلهم ذهبوا و استبدلونا باصدقاء جدد(سنة الحياه) . Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
hashim
عضو نشط
عضو نشط
avatar

عدد المساهمات : 136
نقاط : 166
تاريخ التسجيل : 25/01/2009

مُساهمةموضوع: رد: اين هم الاصدقاء   الخميس 29 يناير 2009 - 13:25

والله أوليييد ما كهين تريطنا ايام الجهل الكلها شقاوة Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: رد: اين هم الاصدقاء   الخميس 29 يناير 2009 - 14:51

عرفنا الحقارين ديل ناس هاشم فقيدة وناس الناجى طه واحمد دليل..... لكن نحن فريقنا فيهو ناس طالبان؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الخميس 29 يناير 2009 - 20:39

محمد تمام كتب:
عرفنا الحقارين ديل ناس هاشم فقيدة وناس الناجى طه واحمد دليل..... لكن نحن فريقنا فيهو ناس طالبان؟
امدادول دي زمان الواحد بكون حاوا زى سيدنا موسى في الاية الكريمه من سورة القصص
قال تعالي
فَخَرَجَ مِنْهَا خَائِفًا يَتَرَقَّبُ قَالَ رَبِّ نَجِّنِي مِنَ الْقَوْمِ الظَّالِمِينَ (22)
الجماعة ديل طبعا كانوا كاوبويات بالجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الخميس 29 يناير 2009 - 20:43

hashim كتب:
والله أوليييد ما كهين تريطنا ايام الجهل الكلها شقاوة Mad
كنا منتظرنها تعدي عشان الاجمل يجي لكن بعد ما عدت اكتشفنا انه هي الاجمل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
هيثم صابونة
عضو
عضو


عدد المساهمات : 14
نقاط : 2
تاريخ التسجيل : 25/01/2009

مُساهمةموضوع: الذاكرة وقود الحاضر ....   الإثنين 2 فبراير 2009 - 5:05


ا---اقراك .... اتشرط بي الضحك ..وانا اتخيل حلم الصبية ان يكبرو ... كم كنا .. كنتم... سزج ..مجرد كائنات بر-حزينة ..بالحيرة .

ا---انزل تحت حبة ... يتملكني الحزن ... الذكري... الذكريات ..التذكر.... وجع القلب .. كلها تودي لنقطة وصول واحدة ...الذكريات هي
ما نعيش علية ..ونحاول صناعتة يوم بيوم ... والاصدقاء هم من يلونون هذة الزكريات بالفرح ... كالون اساسي .. في لوحة الذكريات .

انزل تاني حبة .. اجلس معكم في ضل الضحي واكل كمان لقيمات ... bounce اسمع من بعيد صيحات محزرة ...(ما تمش فوف ضهر الترس)..


علي الامين شكرا لك...لهم .. كلام جميل ومنسق .. وانا عجبني الكلام البين الاقواس دة شديد ... كلام بسيط وبيختصر كلمات كتيرة ... والي الامام دوما ...[/b
]

علي الامين كتب:
[b]
لتقينا في المدراس ........ (صلاة المغرب البرا وضوْء و ليمونة المزاكره و ريحة الرتينه وصوت الفونيا البجيب الهم) Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الإثنين 2 فبراير 2009 - 5:29

و الله ياهيثم مافي احلى من ذكريات الطفوله
و الله اسعد لحظات حياتي عندما ارجع الى الماضي و انظر
كيف تبدو الذكريات كيف تبدو طعم ايام الشجن
و لو ما خايفين نغرقكم في المحليه لاتيناكم بالمزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
هيثم صابونة
عضو
عضو


عدد المساهمات : 14
نقاط : 2
تاريخ التسجيل : 25/01/2009

مُساهمةموضوع: رد: اين هم الاصدقاء   الإثنين 2 فبراير 2009 - 5:48

[b]يا علي .. مساءك بي نكة اللقيمات وشاي اللبن ...


المحلية برضو ليها نكهتة الخاصة ... عبير ينشم ... بيوت جالوص ..كلو شق فيها يحكي حكاية ..فرح ..حزن...ما تحرمنا منها .....وكلو كلام تقولو حلو .... الي الامام ....[/b
]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الإثنين 2 فبراير 2009 - 5:58

انشاء الله يا هيثم
مافيش فواصل
الا الزكريات و الام المفاصل
و بعضا من شجون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الإثنين 2 فبراير 2009 - 7:55

الاصدقاء
في كل محطه من محطات الحياه اصدقاء
منهم من فارق الحياه
ومنهم من ظل يكابد في دروبها

الشهيد الضو عبد القادر
كان صديقي في مرحلة ما
اذكر انه علمني كيف امسح الاذنين و كنت اغسلهم كما اغسل وجهي
رحمه الله

الخير الهادي
لم اتعلم منه شيئا فقد كان ماهرا جدا و لا يجارى
كنت اتبعه بالنهار في الزرايب و التقاوي لاصطياد القمري
يعود محملاَ بالغنايم و اعود صفر اليدين
و بالليل كنت اشاركهم اللعب في دوري محترفي العرسه في فريقهم
ناس عبيدو (عبد العزيز فضل الله) و بدوره(بدر الدين ادم جابر) و من الله و القائمه تطول
و كنت انقل بعضا من خبراتهم الى فريقنا المتواضع

طارق الحربي
ياما جبنا المويه بالبص من دوبا لمن البابور تكون قاطعه
ولانه كان متقدما علينا في الدراسه كنت ارث كراستو و كتبو

محمد النو الحلبي
كم من المرات دفع لي قروش المسلسل في النادي(كان عندهم دكان وطبعا بالتاكيد ابوه ما عارف)
تشاركنا الهلال(كندوره و صبحي و كدوس كنا نعشق الهلال و لاندري في اي بطولة يشارك)
تيربت معاهم في بلادهم لا قرش لا تعريفه
وكم فطرت معاهو في بيتهم بي روب
تشاركنا مصطفى
و اشياء اخرى
تشاركنا الشيشه و ما زلنا
لم نتعارك ابدا
لم نتقاطع ابدا
في الماضى سالني ذات مره حائرا
ايهم افضل الحداده ام المكنيكيه
و نصحته بالمكنيكيه
و هاهو مهندس ادي الدنيا
و مازالت تجمعنا تلك الروح روح الكلمه

يوسف النو
احببنا تلك الطفلة معا القادمه من ما وراء البحار
تناولنا التنباك و اعقاب السجائر
واستمتعنا بالحزن النبيل

مجدي النمير
اقنعني بان ابيع البسكويت و الصابون في سوق دوبا
وكان يبيع التنباك

احمد النو
كان يسطو على الغازنا (المغامرون الخمسه و ............)
كل لغز يتحصل عليه يظل حبيس تلك الكرتونه(كرتونة صابون لوكس)

قمر الدوله
مدخلي الى ام دادول
التمته و الغابه والجروف
كان شجاعا و قويا جدا رغم ضعف بنيته

وليد العوض
كان يجمعنا بيننا الجامع و المدرسه وبعض اعباء المراهقه

شوقي يوسف
كان اكبر من عمره
فتىً نحيل عركته دروب الحياه
ولشد ما كنا نحسده
يسافر الخرطوم وحده و يعود وحده و هو دون العاشره

مخلص محمد عبد الله
اول من اعرب جمع الذكر السالم في دفعتنا

عاصم صديق
كان لديه جدول حصص مطبوع علو ورق مقوى
وهو من احضر للمدرسه نشيد "غني ياخرطوم غني دقي اوتار المغني"

حذيفه عمر موسى
كثيرا ما تعراكنا بين شجيرات السروب
المكان الذي كان يقضى الطلاب فيه حاجتهم
ولا ادري لما نتعارك و لكني اذكر جيدا انه كان يعضي

القسيم ود العطايا
ذات مره انشد في الفصل
"امحمد اخوي من شيل الصفايح بطل........................."
في سته خامسه كانت تغرورق عيناه بالدمع عندما ينشد استاذ محمد ادم قصيده من كتاب الدين

عبد القوي
طويل القامه احد اقارب الاساتذه من خارج القريه
يضحك شغله بلا شغله
عندما سرق احد الطلاب سوط العنج اتهمناه به


يوسف حاج جابر
هو من دس سوط العنج خلف دولاب الكتب
و عندما اشتد حصار استاذ عبد القادر علينا اعترف بجرمه
و نال لقب الشهامه عن جداره(الخير هو من سماه)

علم الهدى عثمان
كان الفرق بيناتنا كبير
دا كان بسوق البكسي و ابوه مساعد طبي
شن جاب لي جاب

يوسف محمد احمد
سماه استاذ محمد ادم ابكريك
وسماه سليمان محمد سليمان من قرية عبد الكريم ب اب سبعات
لانو غيابو من المدرسه كان بالسبعات
كان شديد الحماسه

الهميم محمد علي
شجاع جدا
اذا كنت معاهو ما تشيل هم


علي ادم عبد اللطيف
لعبو خشن

الحاج ود القلع
كان مثل مصعب ابن عمير
انيقا مهندما ومنعما و حسن الخلق
كنا يشتري الكوره بي منفاخها

نزار محمد يوسف
بعد الساعه تمانيه ما بمرق برا البيت
و بالنهار بيشتغل في دكان ابوه
كان براً باصدقائه ما بيابا ليهم بي كيس الصعوط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
ابو نورا
مشرف المنتدى
avatar

عدد المساهمات : 310
نقاط : 318
تاريخ التسجيل : 27/01/2009
الموقع : دولة قوز ابوروف

مُساهمةموضوع: كانوا اخوان فى الانسانية   الأربعاء 4 فبراير 2009 - 0:22

مااجمل ذكريات الاصدقاء
نور الدائم محمد عوض الله (عنقــــــــــــــــــــــــــــــــــــرة) وفتح الرحمن شبيـــــــــــــــــــــــط
اول من صادقتهم فى حياتى ونحن فى الباجور كان يجمع بيناتنا العشاء (العصيدة بملاح اللبن)
ونترافق فى مشاويرنا للجناين لشتل البصل (المسمس)
زاهر على احمد( اضان دحيــــــــــــــــــــــــــــــــــــــــــــش)
كان ماهرا فى صنع لوارى الحديد
عبد الماجد محمد احمد(العنقــــــــــــــــــــــــــــــرة)بكسر العين وتشديد القاف المكسورة
حرضنى على اشعال النار فى راكوبتنا
صبرى على (ودالاحمر) كان كتير الحيل على دكتور عبد المعطى عشان ياخد راحة فى دفتر العيادة
عبد الناصر ابراهيم : كان يملك قلم التصحيح وكنت الخبير الاول فى تقليد امضاءات الاساتذة خصؤصا استاذ مالك وعبد القادر طلحة

جاه الله الطيب مسالم للحد البعيد
محمد عباس // شعار للرقة والتسامح كان منهك بى فطور المعلمين واينما وجدت الجكس تجده
الطيب مانجيل // ماهر فى الزوغان محنك
حاكم صديق الدبلوماسى
عبد العظيم سعيد (القشر)/ انت وين ؟
محمد ادم عبد اللطيف // غير التمباك ما اتعلمنا منو حاجة فى يوم واحد علم 13 نفر التمباك وانا منهم
"""""""""""""""""""""""""""
والبقية تاتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو اية
مشرف المنتدى
avatar

عدد المساهمات : 589
نقاط : 627
تاريخ التسجيل : 24/01/2009

مُساهمةموضوع: رد: اين هم الاصدقاء   الأربعاء 4 فبراير 2009 - 5:37

و الله اصحابك ديل زمان كانو مافيا عديل
بعصهم قاد اول و اخر مظاهره في قوز ابوروف راح ضحيتها استاذ مالك و استاذ هجو
ارجو ان تحكي لنا عن قادة ثورة اكتوبر القوازيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburoof.roo7.biz
 
اين هم الاصدقاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قوز ابوروف :: الارشيف-
انتقل الى: